Julio Ostalé Gómez
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Ostalé Ostalé Gómez | ||
|---|---|---|
| Información personal | ||
| Nombre | Julio Ostalé Gómez | |
| Naixiu o | 3 de mayo de 1902 | |
| Naixiu de |  Zaragoza (Provincia de Zaragoza, Aragón)
| |
| Muerto o | 8 de setiembre de 1992 | |
| Muerto en | , Aragón | |
| Esporte | Fútbol | |
| Selección nacional | ||
| Aragón
| ||
Julio Ostalé Gómez, conoixiu esportivament como Ostalé u Ostalé Gómez, naixiu de Zaragoza o 3 de mayo de 1902 y muerto o 8 de setiembre de 1992 estió un chugador, directivo, entrenador y arbitro de fútbol espanyol. Estió chugador y fundador d'o Iberia SC, cal destacar que tamién estió o primer arbitro de fútbol internacional d'o Comité d'Arbitros d'Aragón y entrenador interin d'o Real Zaragoza en cuantas vegadas.
Fútbolista
[editar | modificar o codigo]Gran aficionau a lo futbol dende choven y en uns momentos en os cuals la ciudat de Zaragoza s'heba quedau sin equipos de futbol, chunto a un un grupo d'amigos fundó un d'os equipos fundamentals pa entender lo desembolique d'o futbol en Aragon: l'Iberia Sport Club, estió en marzo de 1917 cuan tan solo teneba quince anyos. Destacó como defensa estando un chugador bravo y incansable y estió en o club dica los veinticino anyos. Con l'Iberia ganó siet Campeonatos d'Aragón y fue seleccionau con a selección de fútbol d'Aragón.
Arbitro de fútbol
[editar | modificar o codigo]Una vegada retirau como chugador decidió prebar suerte como árbitro, ingresó en o Comité d'Arbitros d'Aragón en l'anyo 1928. Con una forma de dirichir los partiu enerchica a la vegada que afable, s'adaptó muito pronto a la fayena arbitral y no tardó en estar muito solicitau en totas las rechions. Ostalé se posicionó rapidament a la cabeza d'os árbitros espanyols arbitrando partius importants. Dos anyos dimpués en a temporada 1930-1931 yera ya arbitro de Primera División en a cuala se mantenió entre ueito temporadas, entre las cualas endrezó cuaranta y ueito trobadas en Primera División. A lo suyo cargo corrió tamién la dirección de vintinueu partius d'o Campeonato d'Espanya, entre éls as finals de 1936, entre o Real Madrid y o FC Barcelona, y de 1940, entre Madrid y RCD Espanyol de Barcelona.
A Federación Espanyola de fútbol le proposó pa la categoría de arbitro internacional, estando acceptau per l'organismo competent, la Federación Internacional de Futbol (FIFA), estió o primero d'o Colechio Aragonés de Arbitros en estar internacional.
Mientres la Guerra Civil estió reclamau pa arbitrar un partiu internacional entre as seleccions de Portugal y Hongría, pero habió de renunciar per haber-se incorporau a l'exercito como voluntario. A suya reaparición internacional estió como chuez de linia en Vigo, en un partiu internacional celebrau entre as seleccions d'Espanya y Portugal. A suya retirada definitiva d'o arbitrache finalment fue en l'anyo 1941.
Entrenador
[editar | modificar o codigo]Dimpués de estar arbitro estió entrenador, como entrenador entrenó a o Real Zaragoza cuantas vegadas de forma interina, a suya primera vegada lo fació de conchuntas con Julio Uriarte, cargo d'o cual tenió que dimitir un mes dimpués a causa d'os malos resultaus de l'equipo y pedir tot o estadio a suya destitución en perder un partiu contra lo Celta de Vigo.
Vinclos externos
[editar | modificar o codigo]- (es) Biografía esportiva.
- (es) Julio Ostalé Gómez en as biografías d'a Real Academia de la Historia.
Datos: Q20604427