Asia Central
![](http://upload.wikimedia.org/wikipedia/commons/thumb/7/7a/Central_Asia_world_region2.png/320px-Central_Asia_world_region2.png)
Asia Central ye una rechión d'Asia que abraca as tierras d'entre a mar Caspia y l'ueste de China.
Os territorios que s'incluyen per un regular en ista rechión son:
- buena parte de Cazaquistán,
- Uzbekistán,
- Turkmenistán (u Turcomanistán),
- Kirguizistán (u Kirguizia),
- y Tachiquistán.
A ormino tamién se i incluyen:
- os países d'a Transcaucasia, mes que mes Azerbaichán,
- parte d'o norte d' Irán, Afganistán y Pakistán,
- parte d'o sud de Siberia,
- Mongolia,
- o Xinjiang y o Tibet, a l'ueste d'a Republica Popular de China.
A rechión se caracteriza per estar un punto de trobada de chens y influyencias plegadas d'Irán, India y China, sobre tot per a que se conoix como rota d'a seda. A luenga y cultura de buena parte d'os territorios ye turco-mongol (menos entre os tachicos y os tibetans), per o que parte d'ista rechión tamién se conoix con o nombre de Turquestén. A relichión mayoritaria ye l'islam (menos en Mongolia y o Tibet). Os actuals estaus independients de Cazaquistán, Uzbekistán, Turkmenistán, Kirguizistán y Tachiquistán son o resultau d'a disgregación d'as antigas republicas autonomas d'a Unión Sovietica.