Ascomycota

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ascomycota

Cuerpo frutifer de Morchella rotunda.

Clasificación scientifica

Dominio:	Eukaryota
Reino:	Fungi
Filo:	Ascomycota

clases

Subfilo Pezizomycotina
- Laboulbeniomycetes
- Eurotiomycetes
- Lecanoromycetes
- Leotiomycetes
- Pezizomycetes
- Sordariomycetes
- Dothideomycetes
- (e d'altras)
Subfilo Saccharomycotina
- Saccharomycetes
Subfilo Taphrinomycotina

Es Ascomycota son un filo de fongos con forma de saco que producen un numbro determinato d'ascosporas adintro d'unas bosas similars a vesiclas, clamadas ascas. Con a excepción de bellas levaduras y altros organismos, es ascomicetes producen hifas bien desarrolladas, con un nuclio només en cada hifa. Belunas d'as hifas producen un segundo nuclio enantis no se forme o cuerpo fructifero. O numbro final d'ascosporas d'o fongo pende de l'especie y bi n'ha d'entre una y diversos centenars.

As tres clases prencipals d'o filo son es Hemiascomycetes, Euascomycetes Loculoascomycetes. Es Hemiascomycetes comprenden as levaduras y altros fongos similars d'es cuals diz que no forman ascas a l'alto d'una hifa. En o caso concreto d'a levadura d'a biera (Saccharomyces cerevisiae) bi ha una forma de reproducción alternativa t'a formación d'ascosporas que ye formando chemas laterals que en medrar se deseparan d'a celula mai.

Ciclo reproductivo

A reproducción sexual ye con ascosporas, que se forman por meiosi dimpués d'a fusión de dos nuclios en l'interior d'unas estructuras en forma de saco, os ascos, que se troban en uns cuerpos fructiferos ditos ascocarpos, formatos por hifas dicarioticas y monocarioticas.

As ascosporas s'ixemenan y cherminan en condicions favorables formando micelios con hifas dividitas en tabiques foratatos pa permitir a comunicación entre celulas, estas hifas pueden reproducir-sen asexualment creyando unas estructuras ditas "conidioforos" que producen unas esporas ditas "conidios". As esporas cherminarán y producirán atros micelios. As hifas de toz estos micelios haploides pueden formar unas estructuras ditas ascogonios y anteridios que intercambian nuclios desembolicando una estructura formata por hifas con celulas de dos nuclios (diacarioticas) y d'un nuclio (monocarioticas), l'ascocarpo, que en os suyos ascos producirá ascosporas.

Vinclos externos

Se veigan as imáchens de Commons sobre ascomycota.

Datos: Q174726
Multimedia: Ascomycota / Q174726
Especies: Ascomycota