Diferencia entre revisiones de «Anglaterra»
Linia 72: | Linia 72: | ||
== Vinclos externos == |
== Vinclos externos == |
||
{{ |
{{commonsart|England|Anglaterra}} |
||
* [http://www.direct.gov.uk/ Pachina web oficial d'o Gubierno d'o Reino Unito]. |
|||
{{Reino Unito}} |
{{Reino Unito}} |
Versión d'o 23:35 18 feb 2012
Anglaterra u Anglatierra ye o más gran y más densament poblato d'os países constituyents d'o Reino Unito.
A sobén s'emplega erroniament o nombre d'Anglaterra como sinonimo de Gran Bretanya u d'o Reino Unito (feito que puet estar una ofensa ta irlandeses, escoceses, galeses y norirlandeses).
A bandera anglesa ye a Cruz de Sant Chorche. Ye una cruz roya sobre fundo blanco, que tamién fa parte d'as banderas d'as provincias d'Aragón, a bandera de Barcelona, y l'escudo d'a ciudat de Milán.
Cheografía
Anglaterra muga a lo norte con Escocia y a l'ueste con Galas. Ocupa la metat sud de Gran Bretanya. En tien una población de 51.092.000 d'habitants, en una superficie de 130.395 km², con una densidat de población de 391,82 hab/km².
División administrativa
- Se veigan tamién condatos d'Anglaterra y rechions d'Anglaterra.
Historicament, Anglaterra se dividiba administrativament en condatos. Istas divisions heban surtito d'un conchunto de viellas unidatz territorials anglesas. Antis d'a unificación, yeran bells reinos, como Essex y Sussex; ducatos, como Yorkshire, Cornualla y Lancashire u, simplament, arias de tierra donatas a bell noble, como Berkshire.
Istos condatos encara existen en a suya forma orichinal, u quasi, formando os condados tradicionals d'Anglaterra. Manimenos, en muitos locals, fuoron cambiatos u abolitos como municipios administrativos, debito a quantos factors.
Dende a fin d'o sieglo XIX, ocurrioron una serie de reorganizacions d'o gobierno local. A solución a la aparición de grans arias urbanas yera la creyación de grans condatos metropolitanos, centratos en as ciudatz (por eixemplo, Gran Manchester). En os anyos 1990, una reforma d'o gubierno local prencipió a creyación d'autoridatz unitarias, a on bells destritos ganoron o estatus administrativo d'un condato. Hue en día, existe confusión entre os condatos cerimonials (que no forman siempre una unidat administrativa) y os condatos metropolitanos y no-metropolitanos.
Actualment, Anglaterra se divide en cuatro rans de sozdivisions administrativas: rechions, condatos, destritos y parroquias.
Economía
Gran parti d'o suelo ye usato en l'agricultura porque ye mui eficient y productivo. Se cautiva trigo, hordio, centeno, remolacha azucarera y trunfas. S'espleita la fusta de caixico, fraixín, urmo y pino. A industria pesquera ye mui chicota, pero important en o sud d'Anglaterra, Kingston-upon-Hull, Grimsby y Plymouth. A minería como o carbón y o fierro estioron elementos claus ta la industrialización. Tamién bi ha minerals como a sal. Anglaterra poseye grans recursos enercheticos y ye un buen productor de petrolio y gas natural. Atras fuents d'enerchía son o carbón y a enerchía nuleyar. Se desarrollan as industrias d'alta tecnolochía (farmaceuticas, electronicas, aerospacials y d'equipes ta plataformas petroleras marinas). De fibra optica d'alta calidat ta tota Europa. A suya moneda ye a libra esterlina.
Relichión
O 79% d'a población britanica se declara protestant, o 10% catolica, y o 9% d'atras relichions.
Vinclos externos
- Se veigan as imáchens de Commons sobre Anglaterra.
- Pachina web oficial d'o Gubierno d'o Reino Unito.
Anglaterra | Escocia | Irlanda d'o Norte | Galas |