Incheniería

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A incheniería se define como a profesión en a cual os conoiximientos d'as matematicas y as ciencias naturals obtenitos a traviés d'o estudio, a experiencia y a practica, son aplicatos con criterio y con consciencia a lo desembolique de medios ta emplegar economicament con responsabilidat social y basatos en una etica profesional, os materials y as fuerzas d'a naturaleza ta proveito d'a humanidat. As personas que s'adedican a ella se gosan clamar incheniers.

O F-15 Eagle Pratt & Whitney F100 ye un motor disenyato por incheniers aeroespacials.

O incheniero debe identificar y comprender os problemas mas importants ta poder realizar un buen disenyo. Beluns d'os problemas ta ixo son a escaseza d'os recursos disponibles, as mugas fisicas u tecnicas, a flexibilidat ta esdevenideras modificacions y adhibicions, y atros factors como lo coste, a posibilidat de levar-lo a cabo, as prestacions y os miramientos esteticos y comercials. Por medio d'a comprensión d'os problemas, os incheniers deducen cualas son as millors solucions ta concarar as mugas trobatas cuan s'ha de producir y emplegar un sistema.

Os incheniers emplegan o conoiximiento d'a ciencia y as matematicas y a experiencia apropiata ta trobar as millors solucions ta os problemas concretos. Creyando os modelos matematicos apropiatos d'os problemas que lis permiten d'analizar-los rigurosament y prebar as solucions potencials. Si existen multiples solucions razonables, os incheniers avaluran as diferents opcions de disenyo sobre la base d'as suyas cualidaz y esliyen a solución que millor s'adapta a las necesidaz.

En cheneral, os incheniers miran de prebar si os suyos disenyos logran os suyos obchectivos antis de proceder a la producción en cadena. Ta isto, fan servir entre atras cosas: prototipos, modelos a escala, simulacions y prebatinas de fuerza. As prebatinas refincan que los artefactos funcionan como s'heba previsto.

Ta fer disenyos stándards y fácils, os ordenadors tienen un papel important. Emplegando los programas de disenyo asistito por ordinador (DAO, mas conoixito por CAD - Computer Assisted Design-), os incheniers pueden obtener mas información sobre os suyos disenyos. L'ordinador puede traducir automaticament bels modelos en instruccions aptas ta fabricar un disenyo. L'ordinador tamién permite un reemplego mas gran de disenyos desembolicatos anteriorment amostrando a lo incheniero una biblioteca de partis predefinitas ta estar emplegatas en os suyos propios disenyos.

Os incheniers gosan prener muit en serio a suya responsabilidat profesional ta producir disenyos que se desembolicarán como yera previsto y no causarán un danyo inasperato a la chent en cheneral. D'ordinario, os incheniers incluyen factors de seguranza en os suyos disenyos ta reducir o risque de fallos inasperatos.

A parola dimana d'o latín ingeniosus. Por lo tanto, un incheniero ye una persona intelichent y practica que resuelve problemas. O termin evolucionó mas adebant ta incluyir todas as arias en as que se fan servir tecnicas ta aplicar o metodo cientifico. En atras luengas como l'arabe, a parola incheniería tamién significa cheometría.

A ciencia mira d'explicar os fenomenos recients y sin explicación, creyando modelos matematicos que se corresponden con os resultaus experimentals. Tecnolochía y incheniería son l'aplicación d'o conoiximiento obtenito a traviés d'a ciencia y producen resultatos practicos. Os cientificos treballan con a ciencia y os incheniers con a tecnolochía. Sindembargo, puede haber-ie puntos de contacto entre a ciencia y a incheniería. No ye raro que os cientificos se veigan embrecatos en as aplicacions practicas d'os suyos descubrimientos. Por contra, entre que desembolican tecnolochía innovaderas, os incheniers se troban a ormino explorando nuevos fenomenos.

Tamién puede haber-ie connexions entre as trazas de treballar d'os incheniers y d'os artistas, mas que mas en os campos de l'arquitectura y d'o disenyo industrial.

A incheniería y a humanidat

A prencipios d'o sieglo XXI a incheniería en os suyos muit diversos campos ha lograto explorar os planetas d'o sistema solar con alto grau de detalle, destacando-ie os exploradors que se posan en as superficies planetarias; tamién ha creyato un ordinador capable de redotar a lo campión mundial d'escaques; ha lograto comunicar a lo planeta en fraccions de segundo; ha chenerato internet y a capacidat de que una persona se connecte a iste rete dende cualsiquier puesto d'o planeta con un ordinador portiable y un telefón satelital; ha emparato y permitito innumerables abances d'a ciencia medica, astronomica, quimica y muitas atras. Gracias a la incheniería s'ha creyato maquinas automaticas y semiautomaticas capables de producir con muit poca aduya humana grans cantidaz de productos como alimentos, autos y telefons celulars.

Encara que a incheniería ha puesto fer realidat todas istas marabillas, a humanidat no ha conseguito redotar a fambre d'o planeta, ni muito menos a pobreza, producindo-se en l'anyo 2005 una muerte d'un nino cada tres segundos por causas aprevenibles. Sindembargo iste no ye un problema d'a incheniería sino que mas bien se tracta d'un problema social, politico y economico.

Un aspecto negativo que ha chenerato a incheniería y compete en gran parti resolver a la mesma ye o danyo a lo medio ambient que muitos enantos y productos bafatos de istas disciplinas han chenerato y ye deber y fayena d'a incheniería contribuir a resolver o problema.

Campos d'a incheniería

D'o mar

• Incheniería acuicola.
• Incheniería oceanica.
• Incheniería naval.
  • Hidrodinamica.

Ciencias d'a Tierra

• Incheniería cheotecnica.

De l'aire y o espacio

• • Incheniería aeronautica.
  • Incheniería aeroespacial.
  • Astronautica.

Admenistrativas y disenyo

• Incheniería administrativa.
• Incheniería industrial.
• Incheniería d'organización industrial.
• Incheniería lochistica.
• Incheniería d'a seguranza.
• Incheniería d'a arquitectura.

Derivatas d'a fisica y quimica

• Incheniería fisica.
  • Incheniería nucleyar.
• Incheniería acustica.
• Incheniería mecatronica.
• Incheniería de control.
• Incheniería electrica.
• Incheniería electronica.
  • Incheniería de telecomunicacions.
• Incheniería mecanica.
  • Incheniería civil.
  • Incheniería d'os materials.
  • Incheniería estructural.
• Incheniería quimica.

Derivatas d'as ciencias biolochicas y a medicina

• Incheniería biolochica.
• Incheniería chenetica.
• Incheniería biomedica.
• Incheniería de teixitos.

De l'agricultura y medio ambient

• Incheniería agroforestal.
• Incheniería agricola.
• Incheniería forestal.
• Incheniería d'alimentos.
• Incheniería ambiental.
• Ingeniería de monts.

Por obchecto d'aplicación

• Incheniería automotriz.
• Incheniería d'o papel.
• Incheniería d'o petrolio.
• Incheniería d'os repuis.
• Inchenieria d'o transporte.
• Incheniería de minas.
• Incheniería menera.
• Incheniería militar.

D'a información

• Incheniería informatica.
• Incheniería de sistemas.
• Incheniería de software.
• Tecnolochía d'a información.

Novedosas

• Nanoincheniería.
• Retroincheniería.

Se veiga tamién

• Mantenibilidat.

Vinclos externos

• Se veigan as imáchens de Commons sobre a incheniería.

• Datos: Q11023
• Multimedia: Engineering / Q11023