Wikimedia Commons
![](http://upload.wikimedia.org/wikipedia/commons/4/4c/Commons-logo-en.png)
![](http://upload.wikimedia.org/wikipedia/commons/thumb/7/70/Commons_Growth.svg/220px-Commons_Growth.svg.png)
D Wikimedia Commons (au Commons oder Allmänd) isch e internationali, freii Datebank für Bilder, Videos, Tekscht und Tekschtuffnahme. Si isch am 7. Septämber 2004 als Wikimedia-Projäkt für di zäntrali Uffbewahrig vo Multimedia-Material für alli Wikimedia-Projäkt gründet worre.
Di internationali, gmeinsami und mehrsprochigi Dateverwaltig für alli Wikipedie hät de Vordeil, dass d Bilder nümmi in jedes Wiki einzeln uffeglade werre mien. Au isch’s uff de Allmänd möglig, Galeryesite für Bilder zu me bstimmte Thema azlege und sälli durch Kategorye z verchnüpfe.
Scho e Johr noch de Gründig hät d Allmänd meh wie 250'000 Mediedateie zur freie Verfiegig gha und isch dodemit eini vo de gröschte freie Mediedatebanke uff de Wält. Im Februar 2009 hät’s dört über 3,800,000 Dateie und meh wie 80'000 Sammlige gha.
Näbe vyle Bilder findet mer dört under anderem au e baar dausend Audiouffzeichnige vo Wörter, wo vor allem für d Wiktionarys brucht werre, wo di korräkti Ussproch vorge wird. S hät hunderti Uffnahme vo chlassischer Musik zum Bispyl vo Komponiste wie em Mozart oder em Tchaikovsky; usserdem chömme Filmuffnahme vo historische Rede, Uszüg uss gmeinfreie Film und wüsseschaftligi Videos dezüe.
E verglychbars Projäkt isch s Ourmedia.
Externi Site
[ändere | Quälltäxt bearbeite]- Hauptsite vo de Commons
- Ursprünglige Projäktvorschlag vom 19. März 2004 (Änglisch)
- Kategory vo de alemannische Hilf-Site
- Commons:About (Änglisch)