Varuna
De Varuna (Sanskrit: वरुण, Varuṇa m.) isch de Wasser- und Meergott im Hinduismus.[1] Er het im Vedismus e wichtigi Role iignoo.
Vedismus
[ändere | Quälltäxt bearbeite]I de Vede isch de Varuna e mächtige Gott gsii, wo nünt oder nu wenig mit Wasser z tue ghaa het. Er isch en allumfassende Gott, wo öber ales wacht. Er isch de Garant vo de Weltornnig und werd maist zäme mitem Mitra gnennt. Sini Frau isch d Varuni.
- „Los min Ruef, Varuna,
- und heb Verbärmst hütt!
- Noch der hani planget!
- Du Waise, öber s All,
- Himmel und Erde, herrschisch du!
- Los zue, uf dinnere Faart!
- Löös di obersti Fessle von üüs,
- tue die mittleri uufchnüpfe,
- abe mit de underste, demit i leb!“ Rigveda I,19-21
Hinduismus
[ändere | Quälltäxt bearbeite]Im Hinduismus het de Varuna sini hööch Position verlore und isch zom Wassergott wore, woll wege sim Name. Siis Riittier (vāhana) isch de Makara, e chrokedilartigs Fabeltier, wo im Wasser lebt. Er gelt als Wächter (lokapāla) vom Weste. Im Kult spillt er hütt kai Role mee.
Fuaßnota
[ändere | Quälltäxt bearbeite]- ↑ Theresa Bane: Encyclopedia of Demons in World Religions and Cultures. McFarland, Jefferson, North Carolina 2012, ISBN 978-0-7864-8894-0, S. 323 (Volltext uf books.google.de [abgerufen am 6. Dezember 2018]).
Büecher
[ändere | Quälltäxt bearbeite]- Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X