Universitet Ulm
Universität Ulm | |
---|---|
![]() | |
Gründig | 1967 |
Drägerschaft | Land Bade-Württeberg |
Ort | Ulm |
Bundesland | Bade-Wirttebärg |
Land | Dytschland |
Leitung | Karl J. Ebeling (Bresidänt) Dieter Kaufmann (Chanzler) |
Studänt*ene | 8.700 (WS 2011/12) |
Mitarbeiter*ne | 1.045 |
drvo Profässer*ne | 221 |
Website | www.uni-ulm.de |
Dialäkt: Undermarkgreflerisch |
![](http://upload.wikimedia.org/wikipedia/commons/thumb/c/c9/Uniulmnord.jpg/220px-Uniulmnord.jpg)
![](http://upload.wikimedia.org/wikipedia/commons/thumb/f/f8/Universit%C3%A4t_Ulm.jpg/220px-Universit%C3%A4t_Ulm.jpg)
D Universitet Ulm isch anne 1967 as „Medizinisch-Naturwissenschaftliche Hochschule Ulm“ grindet wore un isch dodermit di jingscht Universitet z Bade-Wirttebärg. D Universitet Ulm het im Wintersemeschter 2011/12 rund 8700 Studänte ghaa. Im Zug vu dr Internationalitet bietet si fir alli Studänte ne professionälli Sprochuusbildig (UNIcert) mit vil verschidene Sproche un Fachrichtige. Bekannt isch d Universitet dur di äng Zämmearbet mit dr vile Unternämme, wu sich rund um d Universitet in ere Wisseschaftsstadt aasidle.
Gschicht
[ändere | Quälltäxt bearbeite]Wu dr Wisseschaftsrot anne 1959 d Grindig vu neie Hochschuele in dr Bundesrepublik Dytschland gforderet ghaa het, isch am 8. Juni 1960 dr „Arbeitskreis Universität Ulm“ grindet wore. S Kultusminischterium het anne 1962 e Medizinischi Akademi fir Ulm vorgsääne, dr Arbetschrais het sich aber fir e Erwyterig zuen ere Medizinisch-Naturwisseschaftlige Hochschuel stark gmacht. Dr Grindungsuusschuss fir d Hochschuel unter em Vorsitz vum Prof. Dr. Ludwig Heilmeyer isch am 21. Merz 1964 yygsetzt wore. Am 25. Februar 1967 het di offiziäll Grindigsfyyr vu dr Medizinisch-Naturwissenschaftlichen Hochschule Ulm stattgfunde. No im nämlige Johr isch dr Hochschuel dr Name Universität Ulm (Medizinisch-Naturwissenschaftliche Hochschule) dur d Landesregierig vu Bade-Wirttebärg verlihe wore: Si het doderdur dr Name un dr Rang vun ere Universitet iberchuu.
Am 14. Juli 1969 isch dr Gurndsati fir d Neiböute uf em Obere Eselsbärg glait wore. Schrittwyys isch dr Lehrbedriib ufgnuu wore: Im WS 1969/70 in dr Fächer vorklinischi Medizin un Physik, im WS 1970/71 Mathematik, im WS 1971/72 Chemi, im SS 1972 klinischi Medizin, im WS 1973/74 Biologi, im WS 1977/78 Wirtschaftsmathematik, im WS 1982/83 Zahnmedizin, im WS 1998/99 Wirtschaftsphysik, im WS 1999/2000 Wirtschaftswisseschafte un im WS 2000/2001 Wirtschaftschemi. No Befirwortig vu dr Uusböublän vu dr Landesregierig dur dr Wisseschaftsrot het im WS 1989/90 dr Lehrbedriib aagfange in dr Fächer Elektrotächnik un Informatik. Anne 1990 isch mit em Böu vu neie Gebei fir d Ingenieurwisseschafte aagfange wore, dr sognännte „Universität West“.
Am 15. Oktober 2007 het d Uni Ulm mit dr Universitete Hoheheim, Stuegert un Dibenge ne Universitetsallianz grindet. Ziil sei s, d Zämmearbet uf dr Forschigs- un Verwaltigsebeni z verbessere.
Fakultete
[ändere | Quälltäxt bearbeite]- Fakultet fir Naturwisseschafte (Biologi, Chemi un Physik)
- Fakultet fir Mathematik un Wirtschaftswisseschafte
- Medizinischi Fakultet
- Fakultet fir Ingenieurwisseschafte un Informatik
Internationali Studiegäng
[ändere | Quälltäxt bearbeite]D Universitet Ulm bietet fimf änglischsprochigi Master Studiegäng[1] aa, wu sich an dytschi un internationali Studänte richte: Advanced Materials, Communications Technology, Energy Science and Technology, Finance, Molecular Medicine.
Wyteri Yyrichtige
[ändere | Quälltäxt bearbeite]Klinikum
[ändere | Quälltäxt bearbeite]S Universitetsklinikum Ulm mit iber 1000 Bette un iber 5700 Bscheftigte het sich vor allem uf d Bhandlig vu Tumor-, Härzchraislauf- un Muskelchrankete spezialisiert.
Kommunikations- und Informationszentrum
[ändere | Quälltäxt bearbeite]S Kommunikations- un Informationszäntrum (kiz) isch dr zäntral Dienschtlaischter fir Bibliotheks-, IT- un Medie-Dienscht vu dr Universitet Ulm. Anne 2002 isch s kiz us dr bis dert aigeständige zäntrale Yyrichtige Bibliothek, Rächezäntrum, Zäntrali fir Foto, Grafik un Reproduktion, Sprochkommunikation un Medietächnik firigange un bscheftigt hite rund 140 Lyt.
Botanische Garte
[ändere | Quälltäxt bearbeite]Dr Botanisch Garte Ulm isch anne 1981 as zäntrali Yyrichtig vu dr Universitet Ulm grindet wore. Är umfasst e Flechi vu rund 28 Hektar. Näbe ne baar Gwächshyyser het s u. a. dr Nei Apothekergarte Ulm un s Grien Klassezimmer.
Schloss Reisensburg
[ändere | Quälltäxt bearbeite]S Schloss Reisensburg isch e Dagigs/Konferenzort bi Genzburg. D Laitung unterstoht em ehmolige Räktor Prof. em. Fliedner. S Schloss ghert syter anne 1997 zur Universitet. As e uusälbständigi Stiftig im Kerperschaftsvermege vu dr Universitet Ulm ferderet s Wisseschaftszäntrum Schloss Reisensburg di wisseschaftli Zämmearbet uf regionaler, nationaler un internationaler Ebeni, d Zämmearbet vu universitäre un usseruniversitäre Yyrichtige, dr Wissestransfer in Uus-, Furt- un Wyterbildig, dr Dialog zwische Wisseschaft, Wirtschaft, Bolitik un Verwaltig.
Fakultätsibergryfigi Yyrichtige
[ändere | Quälltäxt bearbeite]D Universitet Ulm het e baar Yyrichtige, wu iber d Fakultäte gehn:
- Humboldt-Studiezäntrum fir Philosophi un Gaischtewisseschafte
- Zäntrum fir Allgmaini Wisseschaftligi Wyterbildig
- Zäntrum fir Sproche un Philologi
Weblink
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Fueßnote
[ändere | Quälltäxt bearbeite]- ↑ Änglischsprochigi Master Studiegäng. Archiviert vom Original am 10. Juni 2012; abgruefen am 2. Mai 2012.
Koordinate: 48° 25′ 19,5″ N, 9° 57′ 13,6″ O
![]() |
Dä Artikel basiert uff ere fräie Übersetzig vu dere Version vum Artikel „Universität_Ulm“ vu de dütsche Wikipedia. E Liste vu de Autore un Versione isch do z finde. |