Tanja Hüberli
Tanja Hüberli | |
---|---|
![]() | |
Porträt | |
Geburtsdag | 27. Augschte 1992 |
Geburtsort | Reichenburg, Schwyz |
Greßi | 1,90 m |
Halle-Volleyball | |
Position | Mittelblock |
Verain | |
bis 2008 2008–2010 2010–2011 |
VBC March VBC Pfäffike TSV Jona VBC Voléro Züri |
Nationalmannschaft | |
U19-Nazionaalmannschaft | |
Beachvolleyball | |
Partneri | 2012 Marlen Brunner 2013–2015 Tanja Goricanec syt 2016 Nina Betschart |
Wältranglischt | Position 4[1] |
Erfolg | |
2010 – Schwyzer Vizemaischteri U21 2013 – Fimfti Grand Slam Moskau 2013 – Schwyzermaischteri 2014 – Vizeeuropamaischteri 2016 – Siigeri CEV Satellite Baden 2016 – Dritti FIVB Major Klagenfurt 2017 – Dritti FIVB 5-Stäärn Poreč 2017 – Fimfti FIVB WTF Hamburg 2018 – Dritti FIVB 4-Stäärn Den Haag 2018 – Vizeeuropamaischteri 2018 – Dritti FIVB 4-Stäärn Moskau 2018 – Schwyzermaischteri 2019 – WM-Vierti 2019 – Vierti FIVB 5-Stäärn Gstaad 2019 – Fimfti FIVB 5-Stäärn Wien 2019 – Schwyzermaischteri 2021 – Zwooti FIVB 4-Stäärn Sotschi 2021 – Olympia-Nyynti 2021 – Europamaischteri | |
Stand: 16. Augschte 2021 |
D Tanja Hüberli (* 27. Augschte 1992 z Ryycheburg) isch e Schwyzer Volleyball- un Beachvolleyballspiileri.
Karriere
[ändere | Quälltäxt bearbeite]D Hüberli het iri Karriere as Halle-Volleyballeri bim VBC March aagfange.[2] Derno het si d Mittelblockeri bim Drittligischt VBC Pfäffike gspiilt.[2] Anne 2008 isch si vun Eerschtligischt TSV Jona verpfliichtet woore.[2] Um des Zyt het si au fir d U19-Nazionaalmannschaft vu dr Schwyz gspiilt.[2] 2010/11 het d Hüberli bim VBC Voléro Züri gspiilt,[2] derno isch si zum Beach-Volleybll gwägslet.
D Hüberli isch 2010 Schwyzer Vizemaischteri im Beach-Volleyball vu dr U21 woore.[3] Im nälige Joor isch si mit dr Ines Egger bi dr U19-Wältmaischterschaft z Porto derbyy gsii un isch uf dr nyynt Rang chuu. 2012 het si mit dr Marlen Brunner bim Grand Slam z Gstaad zum eerschte Mool e Turnier vu dr FIVB World Tour gspiilt. Mit dr Fabienne Geiger isch si Nyynti vu dr U23-Europamaischterschaft z Assen woore. Derzue isch si uf dr fimft Blatz bi dr nazionaale Maischterschaft chuu un isch bi dr Studänte-Wältmaischterschaft z Brasilie derbyy gsii.[3] Vu 2013 bis 2015 het d Hüberli e Duo bildet mit dr Tanja Goricanec. Mit ire zäme isch si 2013 Schwyzermaischteri woore. As Beschtresultat uf dr Welttour sin Goricanec/Hüberli bim Grand Slam z Moskau uf dr fimft Blatz chuu. Mit dr Sarah Leemann isch d Hüberli uf dr nyynt Rang vu dr U23-EM z Mysłowice chuu. Bi dr WM z Stare Jabłonki sin Goricanec/Hüberli drotz eme Siig iber d Tschechene Bonnerová/Hermannová no dr Vorrundi uusgschide. 2014 sin si uf Sardinie Vizeeuropamaischterne wore. Syter anne spiilt d Hüberli an dr Syte vu dr Nina Betschart. Betschart/Hüberli hän 2016 s CEV Satellite Turnier z Baden gwunne un sin Dritti bim FIVB Major Turnier z Klagenfurt wore. 2017 sin si bim FIVB 5-Stäärn Turnier z Poreč Dritti wore.
Aafangs Augschte 2020 het d Hüberli mit dr Isabel Schneider z Düsseldorf s zwait Top-Teams-Turnier vu dr dytsche Comdirect Beach Tour gwunne. Anne 2021 sin d Nina Betschart un d Tanja Hüberli bi dr Olympische Spiil z Tokio derby gsii un sin gege iri Landsfraue Joana Heidrich un Anouk Vergé-Dépré im Achtelfinal uusgschide. Derno sin si z Wien Europamaischterne wore.
Weblink
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Profil in der Beach Volleyball Database (englisch)
- Profil bim Weltverband FIVB (englisch)
Fueßnote
[ändere | Quälltäxt bearbeite]- ↑ FIVB-Wältranglischt (Stand: 16. Augschte 2021)
- ↑ 2,0 2,1 2,2 2,3 2,4 Heidi Ulrich: Aus dem Nichts ins Rampenlicht. (PDF; 261 kB) (Nicht mehr online verfügbar.) Swiss Volley, November 2010, ehemals im Original; abgruefen am 11. Juni 2013. (Site cha nüme abgrüeft wärde; Suche im Webarchiv)
- ↑ 3,0 3,1 Profil uf dr Team-Websyte (Memento vom 14. Juni 2013 im Internet Archive)
![]() |
Dä Artikel basiert uff ere fräie Übersetzig vu dere Version vum Artikel „Tanja_Hüberli“ vu de dütsche Wikipedia. E Liste vu de Autore un Versione isch do z finde. |