Samischi Sproche
Samischi Sproche | |
---|---|
Yordnig |
|
Undergruppe |
|
Verbreitig | ![]() ![]() ![]() ![]() |
![]() |
Di samische oder lappische Sproche ghöre zum finno-ugrische Zwyg vo de uralische Sproche. Si werre vom samische Volk im Norde vo Skandinavie, z Russland und uff de Halbinsle Kola gschwätzt. Es handelt sich nit um e eiheitligi Sproch; d'Sprochfamilie glideret sich in nün bis zäh Einzelsproche uff.
Ydeilig
[ändere | Quälltäxt bearbeite]![](http://upload.wikimedia.org/wikipedia/commons/thumb/e/e9/Sami_languages_large_2.png/220px-Sami_languages_large_2.png)
Di samische Sproche lönn sich in drei Hauptgruppe ydeile (in Chlammere isch jewyls agee, wo si gschwätzt werre):
- Südsamischi Sproche
- Nordsamischi Sproche
- Pitesamisch (mittlers Norwege und nördligs Schwede)
- Lulesamisch (mittlers Norwege und nördligs Schwede)
- Nordsamisch (nördligs Norwege, nördligs Schwede und nördligs Finnland)
- Ostsamischi Sproche
- Inarisamisch (Finnland)
- Skoltsamisch (hütt z Finnland, friehner z Russland)
- Kildinsamisch (Russland)
- Tersamisch (Russland)
- Akkalasamisch, †2003 (Russland)
In de ältere Literatur findet mer au d'Ydeilig noch Land, es sin also friehner norwegischs, schwedischs, finnischs und russischs Samisch/Lappisch underschyde worre.
Erforschig
[ändere | Quälltäxt bearbeite]De ungarisch Sprochwüsseschaftler Ignác Halász (1855-1901) hät sich mit de Pitesamische Sproche befasst. Er isch dreimol (1884, 1886 und 1891) bi-n-ne gsi und hät fümf Biecher drüber gschribe:
- Svéd-lapp nyelvtan és olvasmányok (Grammatik und Lektüre vo de schwedisch-samische Sproche)
- Svéd-lapp nyelv I-IV. (Schwedisch-samischi Sproch I-IV.)
Noch em Halász hät sich johrzähntelang niemer meh mit de samische Sproche ussenandgsetzt. Numme de György Lakó (1908-1996) hät e 1986 noch re Studiereis im Johr 1935 e Chrestomathy über s Lulesamisch gschribe. Sy Hauptinterässegebiet sin di samische Sproche aber nit gsi.
Sprächerzahl
[ändere | Quälltäxt bearbeite]Genaueri Schätzige vo de Sprächerzahl sin wäge de Assimilierig vo de Same in de letschte Johrzähnt nit möglig; si litt zwüsche 30.000 und 70.000. S Nordsamische wird vo denne Einzelsproche am meiste gschwätzt, sini Sprächerzahl litt zwüsche 15.000 und 30.000. Uff Nordsamisch git's au Zitige, Zitschrifte und Biecher. Ähnlig entwickelt sich s Lulesamisch und mittlerwyli au s Südsamisch. Inari- und Skoltasamisch werre numme sälte gschribe.
Es git mehreri Radio- und Fernsehbrogramm uff Samisch wie zum Bispiil s finnisch Fernseh YLE und diversi Radiosänder z Schwede und Norwege.
Externi Site
[ändere | Quälltäxt bearbeite] D Wikipedia uff Nordsamisch
D Wikipedia uff Inarisamisch
- D'Saami bi de Gsällschaft für bedrohti Völker
- www.samediggi.no – S norwegisch Sami-Parlamänt
- www.sametinget.se – S schwedisch Sami-Parlamänt
- virtual.finland.fi – Finnischi Site über d'Sami (Änglisch)
- www.samiradio.org – Gmeinschaftsbrogramm vo NRK und em schwedische Rundfunk
- Sametinget – Informatione über s samisch Volk
Finno-ugrischi Sproche | |||
Ugrisch | Ungarisch | Chantisch (Ostjakisch) | Mansisch (Wogulisch) | ||
Finnopermisch | Permisch | Komi | Komi-Permjakisch | Udmurtisch | |
Wolgafinnisch | Mari | Mordwinisch | ||
Samisch | Inarisamisch | Kildinsamisch | Lulesamisch | Ostsamisch | Pitesamisch | Skoltsamisch | Südsamisch | Tersamisch | Umesamisch | ||
Ostseefinnisch | Estnisch | Finnisch | Meänkieli | Ischorisch | Karelisch | Livisch | Wepsisch | Wotisch | Võro |
![]() |
Dä Artikel basiert uff ere fräie Übersetzig vum Artikel „Számi_nyelvek“ vu de ungarische Wikipedia. E Liste vu de Autore un Versione isch do z finde. |