Robert Gleichauf
![](http://upload.wikimedia.org/wikipedia/commons/thumb/e/e1/Bundesarchiv_B_145_Bild-F041361-0026%2C_Bonn%2C_Neubau_Landesvertretung_Baden-W%C3%BCrttemberg.jpg/200px-Bundesarchiv_B_145_Bild-F041361-0026%2C_Bonn%2C_Neubau_Landesvertretung_Baden-W%C3%BCrttemberg.jpg)
Dr Robert Gleichauf (* 4. April 1914 z Oberndorf am Neckar; † 25. Oktober 1992 au dert) isch e dytsche Bolitiker (CDU) gsii.
Lääbe un Beruef
[ändere | Quälltäxt bearbeite]Dr Robert Gleichauf isch am 4. April 1914 z Oberndorf am Neckar as Suhn vun ere Arbaiterfamilie uf d Wält chuu. No dr Volksschuel het er Mächaniker gleert. Syter 1928 het er as Mächaniker bi dr Mauser-Werke AG z Oberndorf gschafft un isch dert speter Wärchsmaischter in dr Versuechsabdailig gsii. Zwische dure het er zai Johr lang Wehrdienscht glaischtet.
Syter anne 1946 isch dr Gleichauf Bedribsrotsvorsitzer vu dr Mauser-Werke AG gsii. No dr Demontage vum Bedrib het er syt Oktober 1949 as Aagstellte bim Arbetsamt z Rautweil in dr Näbestell Oberndorf gschafft. Dert het er si dr Dytsche Aagstellte-Gwärchschaftv (DAG) aagschlosse. Am 25. Oktober 1992 isch er in syre Haimetstadt gstorbe.
Dr Robert Gleichauf isch ghyrote gsii un het elf Chinder ghaa.
Bolitik
[ändere | Quälltäxt bearbeite]Dr Gleichauf isch anne 1947 in d CDU yydrätte, isch Ortsvorsitzer vu dr Chrischtdemokrate z Oberndorf gsii un isch speter zum stellverdrättende Landesvorsitzer vu dr CDU Wirttebärg-Hausezollre gwehlt wore. Är isch vu 1949 bis 1968 Mitglid vum Oberndorfer Gmairot gsii un het bis 1962 as stellverdrättende Burgermaischter vu dr Stadt amtiert. Vu 1948 bis 1968 isch er Mitglid vum Rautweiler Kraisdag gsii. Anne 1952 ischn er as Abgornete in bade-wirttebärgische Landdag yyzoge, wun er sibe Legislaturperiode ohni Unterbrächige bis 1980 aaghert het. Dert isch er vu 1956 bis 1968 Barlemäntarische Gschäftsfierer vu dr CDU-Frakzion gsii. Dr Landdag het en 1954 zum Mitglid vu dr zwoote Bundesversammlig gwehlt, wu 1954 dr Theodor Heuss zum erschte Bundesbresidänt gwehlt het.[1]
Dr Gleichauf isch am 12. Juni 1968 as Finanzminischter in di vum Minischterbresidänt Hans Filbinger gfiert Regierig vum Land Bade-Wirttebärg gruefe un am 11. Mai 1978 zuesätzli zum Stellverdrätter vum Minischterbresidänt ernännt wore. Är isch au unter em Minischterbresidänt Lothar Späth im Amt blibe, bis er am 4. Juni 1980 us dr Landesregierig uusgschiden isch. Derno het er si us persenlige Grind us dr aktive Bolitik zruggzoge.
Ehrige
[ändere | Quälltäxt bearbeite]- 1978: Großes Verdienschtchryz (1965) mit Stärn (1974) un Agsleband (1978) vu dr Bundesrepublik Dytschland[2]
- 1980: Verdienschtmedaille vum Land Bade-Wirttebärg
- 1980: Ehreburgerschaft vu dr Stadt Märchedol
Lueg au
[ändere | Quälltäxt bearbeite]Literatur
[ändere | Quälltäxt bearbeite]- Robert Gleichauf, Internationales Biographisches Archiv 04/1993 vom 18. Januar 1993, im Munzinger-Archiv, abgruefen am 2017-06-23.
- Christine Schmidt: Gleichauf, Robert (1914–1992). CDU-Politiker und Förderer der Kurverwaltung. In: Geschichte(n) aus Bad Mergentheim, Bd. 6: 31 Lebensbilder aus der Zeit von 1914 bis heute. Geschichtswerkstatt Bad Mergentheim, Bad Mergentheim 2020, S. 89–92.
Weblink
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Fueßnote
[ändere | Quälltäxt bearbeite]- ↑ Gleichauf, Robert. In: M.d.B. – Die Volksvertretung 1946–1972. – [Gaa bis Gymnich] (= KGParl Online-Publikationen). Kommission für Geschichte des Parlamentarismus und der politischen Parteien e. V., Berlin, ISBN 3-7700-5224-2, S. 376 (kgparl.de [PDF; abgerufen am {{{Zugriff}}}]).
- ↑ Bekanntgabe von Verleihungen des Verdienstordens der Bundesrepublik Deutschland. In: Bundesanzeiger. Jg. 30, Nr. 172, 13. September 1978.
![]() |
Dä Artikel basiert uff ere fräie Übersetzig vu dere Version vum Artikel „Robert_Gleichauf“ vu de dütsche Wikipedia. E Liste vu de Autore un Versione isch do z finde. |