Ria Schröder
![](http://upload.wikimedia.org/wikipedia/commons/thumb/1/19/Ria_Schr%C3%B6der_70._Bundesparteitag_FDP_%28cropped%29.jpg/220px-Ria_Schr%C3%B6der_70._Bundesparteitag_FDP_%28cropped%29.jpg)
D Ria Schröder (* 7. Meerz 1992 z Boppard) isch e dytschi Bolitikeri (FDP). Vu 2018 bis 2020 isch si Bundesvoorsitzeri vu dr FDP-nooche Juugedorganisazioon Jungi Liberaali gsii. Syt 2019 isch si Byysitzeri im Bundesvoorstand vu dr FDP.[1]
Lääbe
[ändere | Quälltäxt bearbeite]D Schröder isch im Hunsrück z Rhyyland-Pfalz ufgwagse un isch uf d CJD Christophorusschuel Königswinter gange. Ab 2010 het si an dr Bucerius Law School z Hamburg Räächtswisseschaft studiert un 2016 mit em eerschte Staatsexaame abgschlosse. Syter 2016 studiert si Chunschtgschiicht an dr Universiteet Hamburg un schafft in ere Hamburger Chanzlei.[2]
Bolitik
[ändere | Quälltäxt bearbeite]D Schröder isch syter anne 2014 Mitgliid im Landesvorstand vu dr FDP Hamburg, syt 2015 Mitgliid im Bundesvoorstand vu dr Junge Liberaale un sy am 27. April 2018 Bundesvoorsitzeri vum FDP-nooche Juugedverband. Si het si uf em 56. Bundeskungräss vu dr Junge Liberaale z Gütersloh mit 58,08 Borzänt vu dr Stimme geege ne Geegekandidaat duuregsetzt. D Schröder isch Noofolgeri vum Konstantin Kuhle woore, w uno syre Waal in Dytsche Bundesdaag nimi as Voorsitzeri aadrätten isch. Dervor isch si vu 2014 bis 2016 stellverdrättendi Landesvorsitzeri fir Organisazioon vu dr Junge Liberaale Hamburg gsii un aafangs Byysitzeri un speeter stellverdrättendi Bundesvoorsitzeri fir Organisazioon im Bundesvoorstand. Uf em Bundeskungräss 2019 isch si mit 56,6 Brozänt ooni Geegekandidaat wiidergweelt woore. Uf em Bundeskongräss im Augschte 2020 z Bielefeld isch dr Jens Teutrine zue irem Noofolger gweelt woore.[3]
Zue dr Bundesdaagswaal 2017 isch d Schröder fir d FDP uf Blatz 4 vu dr Landeslischt Hambrug aadrätte, wu vu dr Katja Suding aagfiert wooren isch. Derzue het si si in dr Bartei mit ire Bewäärbig um d Dirälktkandidatuur fir d FDP im Wahlchrais Hamburg-Eimsbüttel geg dr Burkhardt Müller-Sönksen duuregsetzt, wu bis anne 2013 Mitgliid vum Dytsche Bundesdaag gsii isch.[4] Si het het aber dr Yyzuug in Bundesdaag verbasst.[5] Fir d Wahl zue dr Hamburger Buurgerschaft 2020 isch d Schröder uf Blatz 7 vu dr Landeslischt vu dr FDP Hamburg gweelt woore.[6]
Weblink
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Fueßnote
[ändere | Quälltäxt bearbeite]- ↑ 022-BuVo 2-2-WG- Sammelwahl-Berlin.xls. In: FDP.de. Abgruefen am 2. Mai 2019.
- ↑ Ricarda Breyton: Ria Schröder: Neue Juli-Chefin verrät ihre Agenda. In: DIE WELT. 30. April 2018 (welt.de [abgerufen am 27. Oktober 2018]).
- ↑ Süddeutsche Zeitung: Jens Teutrine neuer Bundesvorsitzender der Jungen Liberalen. Abgruefen am 29. August 2020.
- ↑ FDP-Hoffnung sticht Müller-Sönksen aus. In: Bild. 8. September 2016, abgruefen am 13. Mai 2018.
- ↑ Der Bundeswahlleiter: Gewählte auf Landeslisten der Parteien in Hamburg - Der Bundeswahlleiter. Abgruefen am 27. Oktober 2018.
- ↑ Alexander Fröhlich von Elmbach: Anna von Treuenfels-Frowein ist Spitzenkandidatin der FDP für die Bürgerschaftswahl 2020. In: FDP Hamburg. 28. September 2019, abgruefen am 29. Oktober 2019 (de-DE).
![]() |
Dä Artikel basiert uff ere fräie Übersetzig vu dere Version vum Artikel „Ria_Schröder“ vu de dütsche Wikipedia. E Liste vu de Autore un Versione isch do z finde. |