Nordweschtschwiiz
Stat. Date vo dr Nordweschtschwiiz | |
---|---|
Wirtschaftszentrum: | Basel |
Flechi: | 1'015 km² |
Wohnbevölkerig: | 552'430 (2002) |
Usländerateil: | 21,4 % (2002) |
Bevölkerigsdichti: | 544 Einw./km² |
Arbeitslosequote: | 2,3 % (2002) |
Usländischi Gränzgänger: | rd. 50'000 (2000) |
D Nordweschtschwiiz (hochdütsch Nordwestschweiz) isch e interkantonale und Wirtschaftsruum im Nordweschte vo dr Schwiiz. Er umfasst d Grossregion Basel und isch zimli gnau identisch mit em glichnamige Tarifverbund.
![](http://upload.wikimedia.org/wikipedia/commons/thumb/6/6d/Karte_Nordwestschweiz_2015.png/300px-Karte_Nordwestschweiz_2015.png)
Geografi
[ändere | Quälltäxt bearbeite]D Nordweschtschwiiz bestoht us verschidene Kanteen oder Teili drvo, bildet aber geografisch gseh e Einheit. Die natyrlige Gränze zu de andere Grossregione vo dr Schwiiz wärde durch dr Gebirgszug Jura bildet.
Zer Nordweschtschwiiz zelle im ängere Sinn:
- dr Kanton Basel-Stadt
- dr Kanton Basel-Landschaft
- s Fricktal, also hauptsächlich d Bezirk Rhyfälde und Laufeburg vom Kanton Aargau
- d Bezirk Dorneck und Thierstai vom Kanton Soledurn
Im witere Sinn umfasst dr Begriff Baselland und -stadt und s gsamte Gebiet vo de Kanteen Aargau und Soledurn, zem Bischpill bi dr Fachhochschuel Nordwestschschwiiz.
Bevölkerig
[ändere | Quälltäxt bearbeite]In dr Nordweschtschwiiz läbe öppe 552'000 Mensche, dodrvo öppe 88 % im stedtische Gebiet vo dr Agglomeration Basel (grosszügig usglegt). Mit eme Usländerateil vo 21,4 % isch me zimli gnau im Schwizer Durchschnitt.
In dr Nordweschtschwiiz hetts folgendi Stedt (historischs Stadträcht und über 10'000 Ywohner):
E historischs Stadrächt, aber weniger als 10'000 Ywohner hän Waldeburg, Laufe (beidi BL) und Laufeburg (AG).
Kei historischs Stadträcht, aber über 10'000 Ywohner hän folgendi Gmeinde in dr unmittelbare Agglomeration vo Basel: Rieche BS, Birsfälde, Muttenz, Prattele, Münchestai, Binnige, Allschwil, Rynach und Ääsch (alli BL).
D Dialäkt, wo in dr Nordweschtschwiz gredet wärde, gheere zum Nordweschtschwizerditsch.
Wirtschaft
[ändere | Quälltäxt bearbeite]Nid nur geografisch, sondern au wirtschaftlig gseh isch d Nordweschtschwiiz e einheitligi Region. S Wirtschaftszentrum isch d Schdadt Basel. Us dr ganze Region pändle Daag für Daag über 54'000 Mensche noch Basel, drzue kemme no 30'000 Gränzgänger, gsamthaft schaffe in dr ganze Region sogar 50'000 Gränzgänger. Trotz dene vilne Gränzgänger hett d Region mit enere Arbetslosequote vo 2,3 % en tiefere Wärt als dr Gsamtschnitt vor Schwiiz.
Weblink
[ändere | Quälltäxt bearbeite]- Nordweschtschwiiz: Zahle, Date, Fakte
- Forderig noch eme Kanton Nordwestschweiz
- entsprächendi Motion von Rolf Grütter, CVP, Breitenbach SO (16.03.99)
- Tarifverbund Nordwestschweiz (TNW)
- Fachhochschulen Nordwestschweiz (FHNW)
- Metrobasel
![]() |
Dä Artikel basiert uff ere fräie Übersetzig vum Artikel „Nordwestschweiz“ vu de dütsche Wikipedia. E Liste vu de Autore un Versione isch do z finde. |