Markus Dieth
![](http://upload.wikimedia.org/wikipedia/commons/thumb/d/db/Markus_Dieth.jpg/220px-Markus_Dieth.jpg)
De Markus Dieth (* 16. Mai 1967 z Davos, u. a. heimatberechtiged z Wettige) isch en Schwizer Politiker vo de CVP. Er isch Regiirigsrot vom Kanton Aargau.
Usbildig und Bruef
[ändere | Quälltäxt bearbeite]De Markus Dieth het s Gymnasium z Davos bsuecht und mit de Matura Typ B abgschlosse. Er het dann an de Uni z Züri Jus gstudiert und promoviert. Vo 1988 bis 1992 het er bi de Flughafepolizei Züri gschafft, vo 1994 bis 1999 isch er Grichtsschrieber z Zurzach gsi und het gliichzitig z Bade in ere Anwaltskanzlei gschafft. Sit em 1996 het de Markus Dieth s Anwaltspatent vom Kanton Aargau. Ab em 1999 het er bis zu sim Amtsatritt als Gmeindsamma als Rechtsawalt z Bade gschafft.
Politik
[ändere | Quälltäxt bearbeite]De Markus Dieth isch vo 1998 bis 2001 Präsident vo de Wettiger CVP gsi und von 2001 bis 2005 Iiwohnerrat. Im 2006 isch er in de Gmeindrat vo Wettige gwählt worde, wo er nach em Rücktritt vom Karl Frey im 2008 bis zu sinere Wahl in de Regiirigsrot Gmeindamme gsi isch. Zudem isch er vom März 2009 bis Endi 2016 Mitglied vom aargauische Grossen Rot gsi, dem er im 2015 als Präsident vorgschtande isch. Im 23. Oktober 2016 isch er im erschte Wahlgang zum Regiirigsrot gwählt worde und isch somit Nochfolger vom CVP-Regiirigsrot Roland Brogli.[1]
Privates
[ändere | Quälltäxt bearbeite]De Markus Dieth isch ghürate und het zwei Chind. Er läbt z Wettige.
Weblink
[ändere | Quälltäxt bearbeite]- D Website vom Markus Dieth
- Markus Dieth uf de Website vo de Gmeind Wettige
- De Markus Dieth uf de Website vom Grosse Rat vom Kanton Aargau