Koblwaald

Kobelwald
S Wappe vo Kobelwald
Basisdatä
Staat:	Schwiiz
Kanton:	St. Galle (SG)
Wahlchrais:	Waalchrais Rhintlw
Gmeind	Oberriet
PLZ	9463
Koordinate:	759360 / 24296947.318339.546666518Koordinate: 47° 19′ 6″ N, 9° 32′ 48″ O; CH1903: 759360 / 242969
Höchi:	518 m ü. M.
Iiwohner:	521 (31. Dezember 2009)^[1]
Website	www.kobelwald.ch
Charte
Charte vo Kobelwald w w w

Dialäkt: Rhintl

Koblwaald ischt a Doarf i da Gmoand Oberriet im Waalkrais Rhintl vom Kantoa Sanggalle.

Geografii

Öpa 100 Meater öber da Rhiiebni, am Fuass voma Uuslöfer vom Alpstoa, lit Koblwaald wia uf ara Terrasse im Rhintl.

Koblwaald ghört näabet Kriassara, Muntlaga, Oachiwees und em Doarf Oberriet, wia o d Wiiler Moos, Rechig, Stoag, Freiebaach, Stoa, Koblwees, Watt und Haard zur politischa Gmoand Oberriet. Uf em Gebiet vor Gmoand Oberriet, em ehemoliga Riichshof Kriassara, gits füüf verschidni Oartsgmoande, wo i da Ortsgmoand Allgemaine Hof Oberriet zäammegfasst send. D Oartsgmoande Kriassara, Muntlaga, Oachiwees und Oberriet send debii deckigsgliich mit de jewilige Döarfer.

Koblwaald ischt zämme mit de Wiiler Moos, Rechig, Freiebaach, Stoa, Koblwees, Watt, Hard und Hueb (d Hueb ghört politisch zur Gmoand Aaltstetta) d Ortsgmoand Holzrood und umfasst dodemit a Gebiet, wo wit öber s aigentliche Doarf usi goht. Mit de Doarfchercha, em Mehrzwäckgeböüd und em Primarschuelhuus mit em Chendergaarte ischt s Doarf Koblwaald s Zäntrum vo dära Ortsgmoand.

Bevölkerig

Am 31. Dezämber 2009 hät s Doarf Koblwaald 521 Iiwohner kha.^[2] D Oartsgmoand Holzrood zellt epa 700 Oartsbürgerinne und Oartsbürger. En Toal vor Bürgerschaft wohnt i de Döarfer Oachiwees und Oberriet.

Bsondrigs zom aaluga

Pfarrkercha

A Schmuckstuck zmitzt im Doarf Koblwaald ischt Pfarrkercha Sankt Sebastian, wo zwüschet 1801 und 1803 bout wora ischt und e Kapälle us em 17. Johrhundert ersetzt hät. D Kanzla ischt e Gschänk vo da Evangelische Kerchgmoand Altstetta us ena sinnera Kercha und stammt us em Johr 1678.^[3]

Hailig Grab

Es existiert no e Hailig Grab us em Johr 1883, wo z Freising (Bayern) gmacht wora ischt. Da Hailig Grab ischt bis 1951 regelmässig i de Karwucha zum Iisatz ko, dänn aber wäg de Liturgiireform im Dachstock vo de Kercha verschwunda. Im Wenter 2011/12 hät en Pfarreiroot mit sina Buabe und em Messmer d Kulisse wider vo da Himmleta abe ghollt und s fählend Gstell sammt de Mechanik rekonstruiert. I de Karwuche im April 2012 ischt da Hailig Grab wider i da Kercha zum Iisatz ko.^[4]

Kapälle Maria Haimsuechig

Epas oberhalb vo Koblwaald ischt dä Wiiler Freiebaach. Döt stoat d Kapälle Maria Heimsuechig. Di hütig Kapäll ischt 1971 bout wora und ersetzt a Wallfahrtskapäll us em Johr 1740. Als Maria-Wallfahrtsort züücht si vor allem im Mariamonet Mai a paar Pilger a.^[5]

Kapälle Hard

Im Wailer Hard stoht no e dritti Kercha. Si isch em Heilige Gallus gwait und ischt vermuetlich 1798, a Stell vonere chlinnere Kappäll us em Johr 1762, bout wora.

Kristallhöhli

Öber s Rhintl usi bekannt ischt d Krischtallhöhli. Si ischt vom Doarf Koblwaald us i epa 15 Minute z Fuess ärraichbar.

Ruine Wichestoa

Unterhalb vom Doarf, iibettet innara Felswand vom Semmeler (Semelenberg), send d Überräscht vonnere ehemolige Roobritterburg, d Ruine Wichestoa. Si ischt nu öber en staile Fuesswäg hender em Wicheschtoaner-Seali z feanda. Säb Seali ischt a ehemoligs Baggerloch, wo im letschte Johrhundert Leam abbout wora ischt. Hüt ischs a Naturschutzgebiet.