Justin II.
Justin II. | |
---|---|
Kaiser vom Byzantinische Riich | |
![]() | |
Regierigsziit | 15. Novämber 565 – 5. Oktober 578 |
Name | Flavius Justinus Junior Augustus |
Uf d Wält cho | 520 |
Gstorbe | 5. Oktober 578 (im Alter vo 58) |
Vorgänger | Justinian I. |
Nochfolger | Tiberios I. |
Verhürotet mit | Sophia |
Dr Justin II. (lat. Flavius Iustinus, mittelgriechisch Ἰουστίνος; * 520; † 5. Oktober 578) isch vom 14. Novämber 565 bis zum 5. Oktober 578 oströmische Kaiser gsi.
Lääbe
[ändere | Quälltäxt bearbeite]Dr Justin het sich drei Dääg noch Justinian sim Dood vo Senatore und Soldate zum nöije Augustus lo usrüefe. En andere Növöö vom Justinian, wo au Justin ghäisse het het er as mööglige Rivaal lo umbringe. Wo Langobarde under em Alboin, wo mit de Awaren verbündet gsi si, s Gepideriich vom Kunimund zerstöört häi, het dr Justin 567 Sirmium lo bsetze. Wil aber d Browinzstatthalter ufsässig gsi si und s finanziell am Boode, si sini Reforme wirkigslos bliibe. In dr Religioonsbolitik isch er kompromisslos antimonofüsitisch gsi und es het bald Schwiirigkäite mit de riiche sürische und egüptische Browinze gee. Mit sinere Finanzbolitik het er sich au umbobuläär gmacht.
Im Joor 568 si d Langobarde under em Köönig Alboin in Italie iigfalle und häi in e baar Joor groossi Däil vom Land eroberet. Dr Justin isch zu dere Zit an dr Donau mit de Aware beschäfdigt gsi, het aber käi Erfolg gha.
![](http://upload.wikimedia.org/wikipedia/commons/thumb/3/37/Roman-Persian_Frontier%2C_565_AD.png/220px-Roman-Persian_Frontier%2C_565_AD.png)
Im Oste isch im Joor 572 dr Chrieg gege die persische Sassanide wider usbroche. D Perser häi bedütendi Erfolg under em Groossköönig Chosrau I. ghaa und häi s römische Mesopotamie iignoo. Au d Göktürke häi Ostrom afo aagriffe. Und denn isch sit Aafang 574 dr Kaiser no gäisteschrank worde. Si Frau het sich iigmischt und dr comes excubitorum Flavius Tiberius Constantinus isch Caesar (Mitkaiser) worde und het dr Regierig gfüert. 575 oder 576 si denn d Perser in dr Schlacht bi Melitene gschlaage worde. Es isch zum ene Waffestillstand choo und Ostrom het sini jöörlige Dribut wider afo zaale, aber scho 578 häi d Kämpf wider aagfange.
Wo dr Justin 578 gstorbe isch, isch dr Tiberius Constantinus si Noochfolger as Augustus worde.
Liddratuur
[ändere | Quälltäxt bearbeite]- Averil Cameron: The Empress Sophia. In: Byzantion 45 (1975), S. 5–21.
- Andrew Louth: The Eastern Empire in the sixth century. In: Paul Fouracre (Hrsg.): The New Cambridge Medieval History. Bd. 1. Cambridge University Press, Cambridge 2005, S. 93–117.
- John Martindale: The Prosopography of the Later Roman Empire IIIa. Cambridge 1992, S. 754ff.
- Walter Pohl: Die Awaren. 2. Aufl., C.H. Beck, München 2002.
- Klaus Rosen: Iustinus II. In: Reallexikon für Antike und Christentum. Bd. 19 (1999), Sp. 778–801.
- Ernst Stein: Studien zur Geschichte des byzantinischen Reiches vornehmlich unter den Kaisern Justinus II. und Tiberius Constantinus. Metzler, Stuttgart 1919.
- Michael Whitby: The successors of Justinian. Justin II. In: Averil Cameron u. a. (Hrsg.): The Cambridge Ancient History. Bd. 14. 2. neubearbeitete Auflage. Cambridge University Press, Cambridge 2000, S. 86ff.
- Michael Whitby: The Emperor Maurice and his Historian – Theophylact Simocatta on Persian and Balkan Warfare. Oxford 1988.
Weblingg
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- James Allan Evans: Fachwüsseschaftligi Churzbiografii uf Änglisch us De Imperatoribus Romanis (inkl. Liddratuuraagoobe).
Vorgänger Justinian I. |
Kaiser vo Byzanz 565–578 |
Nochfolger Tiberios I. |
![]() |
Dä Artikel basiert uff ere fräie Übersetzig vum Artikel „Justin_II.“ vu de dütsche Wikipedia. E Liste vu de Autore un Versione isch do z finde. |