Die schwizerischi Coop Gnosseschaft
| Coop Genossenschaft | |
|---|---|
 | |
| Unternähmensform | Gnosseschaft |
| Gründig | 1890 (VSK), 1969 (Umbenennig in «Coop») |
| Sitz | Basel, Schwiz |
| Leitig |
Joos Sutter |
| Mitarbeiter | 75'309 (31. Dezämber 2012) |
| Umsatz | 27,818 Mrd. CHF (2012) |
| Branche | Handelskonzärn |
| Uffdritt im Netz | www.coop.ch |
D Coop Gnosseschaft isch noch em Migros s zweitgrösste Schwizer Detailhandelundernähme. Es isch as Gnosseschaft mit öbbe 2,5 Millione Mitgliider organisiert.
Under em Eigename bedriibt dr Coop Supermärkt, Warehüüser («Coop City»), Restaurants, Heimwärkerbedarfsgschäft («Coop Bau+Hobby»), Apotheke («Coop Vitality») und über d Dochtergsellschaft Coop Mineraloel AG Tankstelle- und Convenience-Shops («Coop Pronto»). Über e Online-Shop «coop@home» cha mä Artikel us em Coop-Sortiment mit Heimliiferig bstelle.
Zur Coop-Gruppe ghöre au no d Underhaltigselektronikchettene «Interdiscount» und «Dipl. Ing. Fust» (inkl. Discounthaus Eschenmoser AG) und dr Online-Shop microspot.ch, s Möbelhuus «Toptip», dr Belüüchtigs-Fachmärt «Lumimart», d «Import Parfumerie», d «CHRIST»-Schmuckgschäft, und sit em 1. Januar 2011 d Transgourmet-Gruppe (in dr Schwiz vo dr Prodega/Growa und Howag verdräte). Usserdèm ghörèd d schwizer Filialè vo dè Body Shop zuè Coop un firmyrèd sit dèm unter m Nammè The Body Shop Switzerland. Mit dènnè Übbernaamè chunnt dr Coop uf e Johresumsatz vo öbbe 28 Mia Franke.
Aagebot und Dienstleistige
[ändere | Quälltäxt bearbeite]Dr Coop will sich mit eme detailliertere Aagebot gegenüber siine Konkurränte im schwizerische Detailhandel brofiliere. So bietet dr Coop näben Artikel under Eigemarke au e Hufe Markeprodukt aa. Verschidnigi Linie decke d Nochfroog noch bsunders ökologische, kulinarisch hochstehende, sozial profilierte oder billige Produkt. Witeri Aagebot und Dienstleistige si Guethabecharte für Natel («CoopMobile»), Pauschalreise (ITS Coop Travel, Joint Venture mit Rewe Touristik), Brenn- und Driibstoff (Coop Mineraloel AG) und Finanzdienstleistige (Bank Coop, sit 1999 mehrheitlig im Bsitz vo dr Basler Kantonalbank)[1].
As Kundebindigsprogramm bietet dr Coop die sogenannti Supercard aa. Wenn dr Kund die bim ene Chauf zeigt, bechunnt er Superpünkt uf eme Punktkonto guetgschriibe. Die Pünkt chönne denn gege Prämie iiduscht wärde. Sit em Summer 2006 git dr Coop d Supercard Plus an d Kunden ab, die cha mä au as Mastercard oder VISA übercho. Si kombiniert die "normali" Supercard mit ere Kreditcharte. So chönne au Superpünkt usserhalb vo dr Coop Gruppe gsammlet wärde.
Weblingg
[ändere | Quälltäxt bearbeite]
Commons: Coop (Switzerland) – Sammlig vo MultimediadateieFuessnote
[ändere | Quälltäxt bearbeite]- ↑ Die Bank Coop. Bank Coop, archiviert vom Original am 8. September 2009; abgruefen am 18. September 2009.