Birsköpfli

S Birschöpfli

Dialäkt: Baaseldütsch

S Birsköpfli (mänggisch säit men em au nume Birskopf) isch e Gebiet in dr Schwizer Stadt Baasel und dr Agglomerazionsgmäind Birsfälde, wo as Noocherholigszoone gnutzt wird. Es befindet sich grad an dr Mündig vo dr Birs in Rhii.

S Birsköpfli lit im Bräitikwardier iizwängt zwüsche dr Birs und em Rhii. Im Weste wird s dur d Schwarzwaldbrugg und im Süüde dur d Autistrooss begränzt. Em Uufer vo dr Birsmündig nooch isch e Parkaalaag mit grüene Matte und eme Restorant, im Räst vom Gebiet si vor Allem Schreebergärtli.

Im allgemäine Sproochgebruuch umfasst s Birsköpfli au no die grüeni Matte z Birsfälde, wo uf dr andere Site vo dr Birs grad näben um Birsköpfli am Rhiiufer lit. D Parkaalaage si wil si so nooch bi dr Stadt si, en attraktivi Laag am Rhii häi und und e Hufe verschidnigi Freizit-, Erholigs- und Sportmögligkäite biete, bi dr Bevölkerig seer beliebt und wärde im Summer vo allne Bevölkerigsschichte vil brucht. Die allgemäini Nachtrue vom zääni z Oobe gältet au uf em Birsköpfli, d Lüt halte sich in milde Summernächt aber vilmols dört uf.

Über e Birskopfstääg chunnt mä z Fuess vo dr Baasler uf d Birsfälder Site.

Weblingg

• Fotene vom Staatsarchiv Basel-Stadt

Dä Artikel basiert uff ere fräie Übersetzig vum Artikel „Birsköpfli“ vu de dütsche Wikipedia. E Liste vu de Autore un Versione isch do z finde.

47.55757.6172222222222