Alexia Djilali
| Dialäkt: Mìlhüüserisch |
| Alexia Djilali | |
| |
| D’ Alexia Djilali ànna 2011. | |
| Porträt | |
|---|---|
| Geburtsdag | 27. Oktoower 1987 |
| Geburtsort | Mìlhüüsa, Frànkriich |
| Greßi | 187 cm |
| Position | Üüssa-n-ààgrìffera |
| Verain | |
| 2004–2014 2014–2018 |
ASPTT Mulhouse Vandœuvre Nancy VB |
| Nationalmannschaft | |
| àb 2007 | Frànkriich (38 Mol) |
D’ Alexia Djilali (* 27. Oktoower 1987 z’ Mìlhüüsa, Owerelsàss) ìsch a frànzeescha Volleybàllschpìelera, wo-n-àls Üüssa-n-ààgrìffera schpìelt. Àls Profischpìelera ìsch sa z’äärscht vu 2004 bis 2014 biim Mìlhüüser Verain ASPTT Mulhouse gsìì, un drnooh vu 2014 bis 2018 biim Vandœuvre Nancy VB ìm Lothrìnga. Züadam hàt sa àb 2007 38 Mol ìn dr frànzeescha Nàzionààlmànnschàft gschpìelt.
ìhra Kàrriar
[ändere | Quälltäxt bearbeite]Ìhra äärschta Schrìtta-n-ìm Verain ASPTT Mulhouse hàt d’ Alexia Djilali gmàcht, wu sa 14 Joohra àlt gsìì-n-ìsch. Àn dara Zitt hàt sa ìn dr Kàtegorii Minimes gschpìelt; schuu doo ìsch d’ Magali Magail ìhra Träänera gsìì. A wittera Bìldung hàt d’ Djilali àm Pôle Espoirs vum Frànzeescha Volleybàll-Bund bikumma.[1]
Ànna 2004 hàt d’ Djilali ìhra äärschta Vertrààg àls Profischpìelera biim ASPTT Mulhouse unterzaichnet. Träniart ìsch sa z’äärscht vum Martin Panou worra, un drnooh vu dr Magali Magail.[1] Obwohl sa aina vu da Dianschtältschta-n-ìm Verain gsìì-n-ìsch, ìsch sa numma Ärsàtz-Schpìelera gsìì.[1] Àm And vun ìhra äärschta zwai Joohra z’ Mìlhüüsa ìsch dr Verain àm 3. Plàtz vum Frànkriich-Pokàl ànakumma. Vu 2007 bis 2012 ìsch d’ Djilali mìt Mìlhüüsa jeeds Joohr àm 2. Plàtz vu dr Frànzeescha Maischterschàft ànakumma, so wia-n-àm 2. Plàtz vum Frànkriich-Pokàl ìn da Joohra 2009, 2010 un 2012; jedsmol ìsch dr Verain vum RC Cannes gschlààga worra. Ìm Joohr 2011 hàt sìch d’ Djilali àn dr Àcksla verlätzt un hàt müassa operiart wara.[2] Wagadam hàt sa àm Ààfàng vum Schportsjoohr 2011/2012 nìt känna mìtmàcha.[3] Ärsätzt worra-n-ìsch sa dur d’ bülgàrischa-n-Ààgrìffera Polina Stojnewa.[4] Ànna 2013 ìsch d’ Djilali mìt’m ASPTT Mulhouse àm 3. Plàtz vu dr Frànzeescha Maischterschàft ànakumma. Ìm Dezamber 2013 hàt sìch àwwer d’ Djilali nochamol wahrend’ma Tränìng àn dr Àcksla un àm Füassknächla verlätzt. Sa hàt àlso bis ìm Janner 2014 nìt känna schpìela.[5] Ànna 2014 hàt jedoch dr ASPTT d’ Bronza-n-üsszaichnung biim Challenge Cup, em drìttheechschta-n-Öiropàpokàl, bikumma.
Noh-n-em And vum Schportsjoohr 2013/2014 ìsch d’ Djilali ìn dr lothrìngischa Verain Vandœuvre Nancy VB gànga ge schpìela. Doo ìsch sa gliich Fäschtschpìelera worra.[1] Ìhra äärscht Joohr mìt’m Verain hàt sa ìn dr B-Nàzionààlliga gschpìelt, wu dr Verain àm 1. Plàtz ànakumma-n-ìsch. Ìn da zwai folgenda Joohra ìsch ìhra Verain àm 10. Plàtz vu dr A-Liga gsìì, un àm 9. Plàtz ìm Joohr 2018. Ìm Frànkriich-Pokàl ìsch d’ Djilali mìt Vandœuvre Nancy zwaimol àm 5. Plàtz ànakumma (ànna 2015 un 2017). Àm And vum Schportsjoohr 2017/2018 hàt d’ Djilali mìt 30 Joohra ìhra Kàrriar Schluss gmàcht.[6][7] Sitter 2021 schpìelt d’ Djilali ìn dr zwaita Mànnschàft vum Vandœuvre Nancy VB, ìn dr 2. Nàzionààlliga.
Ìn dr Frànzeescha Nàzionààlmànnschàft hàt d’ Djilali àb’m Joohr 2007 mìndeschtens 38 Mol gschpìelt. Doo hàt sa zamma mìt da Mìlhüüsera Armelle Faesch, Anna Rybaczewski, Christina Bauer un Déborah Ortschitt gschpìelt.[8] Ànna 2007 ìsch sa mìt dr Nàzionààlmànnschàft àm 8. Plàtz vu dr Öiropäischa Maischterschàft gsìì. Ìm salwa Joohr ìsch sa mìt Frànkriich àm 13. Plàtz vu da Walthoochschüalschpìeler z’ Bangkok ànakumma. Ànna 2009 ìsch sa àm 4. Plàtz vu dr Öiropäischa Guldiga Liga un àm 14. Plàtz vu dr Öiropäischa Maischterschàft gsìì. Ànna 2011 hàt àwwer d’ Djilali waga-n-ìhrer Verlätzung uff ìhra Nominiarung ìn dr Nàzionààlmànnschàft müassa verzìchta.[5][8] Ìm Joohr 2014/2015 hàt sa nochamol àn dr Kwàlifikàzioon fìr d’ Öiropäischa Maischterschàft tailgnumma.
D’ Alexia Djilali hàt àui amol Beach Volley gschpìelt: Ànna 2008 hàt sa zamma mìt dr Aurélie Goux àn dr Schtudanta-Waltmaischterschàft mìtgmàcht. Doo sìnn sa àm 25. Plàtz ànakumma.
D’ Alexia Djilali hàt z’äärscht Hàndel un Kommünikàzioon àm IUT vu Kolmer gschtudiart. Schpeeter hàt sa a Àbschluss vum Hailhàndàrwet bschtànda. Sitter 2020 schàfft sa àls Ergotherapeutin bii Nancy.[9]
Weblinks
[ändere | Quälltäxt bearbeite]
Commons: Alexia Djilali – Sammlig vo Multimediadateie- D’ Alexia Djilali bii dr CEV (anglisch)
- D’ Alexia Djilali bii WorldofVolley (anglisch)
- D’ Alexia Djilali bii Volleybox (hoochdiitsch, frànzeesch)
Ainzelnohwiisa
[ändere | Quälltäxt bearbeite]- ↑ 1,0 1,1 1,2 1,3 Christian Entz: Alexia Djilali s’en va. In: L’Alsace. 6. Juni 2014, abgruefen am 9. März 2022 (französisch).
- ↑ ASPTT Mulhouse : Alexia Djilali indisponible 4 à 6 mois. In: L’Alsace. 29. August 2011, abgruefen am 9. März 2022 (französisch).
- ↑ S.Ba.: Volley-ball : La saison a démarré sans Alexia Djilali : «Je rate tout !» In: Dernières Nouvelles d’Alsace. 17. Oktober 2011, abgruefen am 9. März 2022 (französisch).
- ↑ S.Ba.: L’ASPTT Mulhouse a remplacé Alexia Djilali : L’atout sera à gauche. In: L’Alsace. 8. September 2011, abgruefen am 9. März 2022 (französisch).
- ↑ 5,0 5,1 Christian Entz: Alexia Djilali est à nouveau d’attaque. In: L’Alsace. 21. Januar 2014, abgruefen am 9. März 2022 (französisch).
- ↑ Thomas Simon: Ligue A (F) : Du côté du VNVB : Slancheva reste, Sager-Weider s’en va. In: L’Est républicain. 4. Mai 2018, abgruefen am 9. März 2022 (französisch): „Chronologiquement, si l’on excepte la retraite précoce d’Alexia Djilali (30 ans) annoncée en amont de la fin de saison (...).“
- ↑ Laurent Pilloni: Volley-ball féminin : le VNVB est en quête de joueuses expérimentées. France Bleu Sud Lorraine, 24. Mai 2018, abgruefen am 9. März 2022 (französisch): „Après les départs de Sager-Weider, Kocic, Sipic, Benson, Maggioni et la retraite sportive de Djilali, l’intersaison s’annonce sportive pour l’aéropage du Vandoeuvre Nancy Volley-Ball (VNVB).“
- ↑ 8,0 8,1 Trois Mulhousiennes en équipe de France féminine. In: L’Alsace. 30. Dezember 2013, abgruefen am 8. März 2022 (französisch).
- ↑ Ìn dr Alexia Djilali ìhra LinkedIn-Profil. Àbgrüafa-n-àm 9. März 2022 (frànzeesch).