Adrar des Ifoghas
| Adrar des Ifoghas | |
|---|---|
 Glàndsbschriiwung vum Mali, s’ Adrar des Ifoghas lìegt ìm Nordoschta | |
| Höchst Gipfel | 890 m |
| Lage | Mali, Àlgeria |
| Koordinate | 19° 7′ N, 1° 45′ O |
| Gstei | metamorph Gschtai, Sàndschtai, tailwiis Grànit |
| Flechi | 250.000 km² |
| Dialäkt: Mìlhüüserdiitsch |
S’ Adrar des Ifoghas odd’r Adrar des Iforas (; Tifinagh: ⴰⴷⵔⴰⵔ ⵏ ⵉⴼⵓⵖⴰⵙ Adagh-n-Ifoghas, àrààwisch أدرار إيفوغاس), àui Ifoghas-Gebìrg odd’r aifàch Adagh gnännt, ìsch a Gebìrgsmàssiiv ìn dr Sahara, wo 250.000 Kwàdrààtkilomääter umfàsst. ’S lìegt zem greeschta Tail ìm Nordoschta vum Mali ìn dr Regioon Kidal, ùn a klainera Tail lìegt ìn da àlgeerischa Prowìnza-n-Adrar ùn Tamanrasset. Zamma mìt’m Aïr, em Ahaggar ùn em Tibesti gheert’s züa da wìchtìgschta Gebìrger vu dr Sahara. Dr heechschta Punkt ìsch dr 890 m hoocha Barg Essali.
Ìm Adrar des Ifoghas laawa wàndernda Tuareg-Klààna, wo Kel Ifoghas odd’r Kel Adagh gnännt sìnn.
Gschìcht
[ändere | Quälltäxt bearbeite]Ìm Adrar des Ifoghas sìnn zàhlriicha Fälsabìlder z’ fìnda. Ìn dr Neecha vun Essouk hàt dr Théodore Monod ànna 1927 dr Asselar-Mänsch gfunda.
Wahrem Konflikt ìm Mali àb 2012 hann sìch mehrera bewàffneta Dschihadischtagruppa ìm Ifoghas-Gebìrg verschtäckt,[1][2][3] drunter d’ Orgànisàzioon al-Qaida ìm Islààmischa Maghreb (AQIM).[4] Därt hann sa unteràndrem Kìndersoldààta-n-iigsätzt.[5] Ìm Gebrig sìnn öiropäischa Gaisel gfànga ghàlta worra, nohdam àss sa ìm Niger ùn ìm Mali gfànga gnumma worra gsìì sìnn. Drunter sìnn viar Frànzoosa gsìì, wo-n-ìm Septamber 2011 z’ Arlit ìm Niger äntfiahrt worra sìnn, so wia zwai àndra Frànzoosa, wo-n-ìm Nowamber 2011 z’ Hombori-n-ìm Nordmali äntfiahrt worra sìnn ùn a ànder Gaisel, wo-n-ìm Nowamber 2012 bii Nioro ìm Wäschta vum Mali gfànga gnumma worra-n-ìsch.[6] Ìm Gebìrg sìnn d’ frànzeescha un tschadischa Heera-n-àm Ààfàngsjoohr 2013 iigrìffa.[3][7] Ìm Hornung 2013 ìsch dr AQIM-Laiter Abou Zeid ìn’ra Schlàcht ìm Tààl vum Amettetai ìm Nordmali geteedet worra.[8]
a pààr Bìlder
[ändere | Quälltäxt bearbeite]-
Fälsa-n-ìm Màssiiv vu Timidjileline -
A Guelta bii Oubankort ìm Adrar des Ifoghas -
Waagwaiser ùff Kidal, era Tuareg-Schtàdt ìm Mali
Literàtüür
[ändere | Quälltäxt bearbeite]- André Bourgeot: Adrār of Ifoghas. In: Kate Fleet, Gudrun Krämer, Denis Matringe, John Nawas, Everett Rowson (Hrsg.): Encyclopedia of Islam, THREE. 2011, ISBN 978-90-04-20354-9, doi:10.1163/1573-3912_ei3_COM_23455 (englisch).
Weblìnks
[ändere | Quälltäxt bearbeite]
Commons: Adrar des Ifoghas – Sammlig vo MultimediadateieAinzelnoohwiisa
[ändere | Quälltäxt bearbeite]- ↑ Alexandre Arlot: Mali: l'Adrar des Ifoghas, repaire idéal des djihadistes. In: L’Express. 4. März 2013, archiviert vom Original am 23. September 2021; abgruefen am 17. August 2022 (französisch).
- ↑ lei/dpa/reuters: Krieg in Mali: Islamistische Rebellen setzen auf Guerillataktik. In: Spiegel Online. 10. Februar 2013, archiviert vom Original am 24. März 2017; abgruefen am 17. August 2022.
- ↑ 3,0 3,1 Laurent Lagneau: Un groupe terroriste lié à al-Qaïda annonce des « opérations d’envergure » contre Bamako pour bientôt. In: Zone militaire / opex360.com. 28. Juli 2022, archiviert vom Original am 31. Juli 2022; abgruefen am 17. August 2022 (französisch): „Et l’on peut craindre effectivement que l’Adrar des Ifoghas, où les forces françaises et tchadiennes menèrent de durs combats pour en déloger les terroristes, soit redevenu le « sanctuaire » jihadiste qu’il était vant le début de l’opération Serval.“
- ↑ Thomas Scheen: Malis Islamisten: Am Ende der Zusammenarbeit. In: FAZ.net. 6. April 2012, archiviert vom Original am 21. April 2021; abgruefen am 17. August 2022.
- ↑ Frankreichs Armee greift Kindersoldaten in Mali auf. In: Spiegel Online. 7. März 2013, archiviert vom Original am 9. März 2013; abgruefen am 17. August 2022.
- ↑ Mali - Le Drian se refuse à donner des précisions sur la suite des opérations. In: Le Point. 31. Januar 2013, archiviert vom Original am 1. Mai 2021; abgruefen am 17. August 2022.
- ↑ Dans l'Adras des Ifoghas, la lente progression des soldats français et tchadiens. Radio France Internationale, 4. März 2013, archiviert vom Original am 2. Januar 2022; abgruefen am 17. August 2022 (französisch).
- ↑ Ametetai – Abou Zeid’s stronghold in the Adrar des Ifoghas. In: Sahara Overland. Archiviert vom Original am 5. August 2021; abgruefen am 18. August 2022 (änglisch).
|
Dä Artikel basiert uff ere fräie Übersetzig vu dere Version vum Artikel „Adrar_des_Ifoghas“ vu de französische Wikipedia. E Liste vu de Autore un Versione isch do z finde. |