Gaan na inhoud

Teenpous Anastasius III

in Wikipedia, die vrye ensiklopedie
Teenpous Anastasius III
Bynaam Bibliothecarius
Geboortedatum ongeveer 810
Sterfdatum ongeveer 879
Teenpous van Pous Benedictus III
Begin van pontifikaat April 855
Einde van pontifikaat September 855
Vir die wettige pous met die naam sien Pous Anastasius III

Anastasius III[1][2] was 'n teenpous tydens die pontifikaat van Pous Benedictus III.

Anastasius[3] is deur Pous Leo III in 847 benoem as kardinaal-priester. Op 16 Desember 850 word hy ontslaan as kardinaal deur die sinode van Rome en op 8 Desember 853 deur 'n volgende sinode geëkskommunikeer omdat hy uit Rome gevlug het en nie teruggekeer het nie. Na die dood van Pous Leo III in April 855 nadat Pous Benedictus III verkies is, stel Anastasius homself aan as pous met die steun van keiser Lotharius (ander bronne gee Lodewyk II). In September 855 neem hy Benedictus gevange. Anastasius het egter te min steun gehad om sy posisie te behou. Aan die einde van September word Benedictus as pous gekroon.

Anastasius word aangestel as die ab van S. Maria in Trastevere en in 867 word hy deur Pous Adrianus II aangestel as die bibliotekaris van die Rooms Katolieke Kerk, vandaar sy bynaam “Bibliothecarius”. Hy skryf die kroniek “Chronographia tripertite” gebaseer op die geskrifte van Georgios Synkelios, Teofanus en die patriarg Nikephoros. In 869 neem Anastasius deel aan die laaste sitting van die konsilie van Konstantinopel.

Daar is teenstrydigheid oor die feit dat teenpous Anastasius en bibliotekaris Anastasius dieselfde persoon is. Hincmar van Reims in sy “Annale van St. Bertin (868)” het hulle oorspronklik as dieselfde persoon identifiseer. Hergenröther haal Photius aan[4] om te beweer hulle is wel dieselfde persoon terwyl Joseph Langen [5] beweer hulle is verskillende persone.

Verwysings

[wysig | wysig bron]
  1. ↑ Anastasius the Librarian. (2008). Encyclopædia Britannica. Deluxe Edition. Chicago: Encyclopædia Britannica.
  2. ↑ Kirsch, J.P. (1914). Anastasius Bibliothecarius. In The Catholic Encyclopedia. New York: The Encyclopedia Press. Retrieved May 9, 2014 from New Advent: http://www.newadvent.org/cathen/16002b.htm
  3. ↑ http://www2.fiu.edu/~mirandas/bios847.htm#Anastasio
  4. ↑ Photius, II, 230-240
  5. ↑ Langen, J.,(1881) Geschichte der römische Kirche, III, p. 270 e.v.


Hierdie artikel is in sy geheel of gedeeltelik vanuit die Nederlandse Wikipedia vertaal.
Ontsluit van "https://af.wikipedia.org/w/index.php?title=Teenpous_Anastasius_III&oldid=1798797"