Superrugby konsessie-areas

Die Superrugbykompetisie waarin spanne van Australië, Nieu-Seeland en Suid-Afrika speel, is gebaseer op 'n konsessiestelsel van spanne wat streke in die drie lande verteenwoordig. Hieirdie artikel verskaf spesifieke detail oor die areas wat deur die verskillende konsessies gedek word.

Australië

Waratahs

Brumbies

Reds

Force

Rebels

Australië het tradisioneel geen nasionale rugbykompetisie gehad nie en die spel was eerder gestrukrureer rondom streeksklubkompetisies. Die Australiese Super 15-konsessies (met die uitsluiting van die Rebels) het ontstaan uit tradisionele verteenwoordigende staats- en provinsiale spanne. Die sterk Australiese rugbystreke nl. Nieu-Suid-Wallis, die Australiese Hoofstadgebied en Queensland is in 2006 aangevul deur Wes-Australië en in 2011 deur Victoria as die konsessiestreke:

Groep	Kleure	Klub	Ligging	Voedingsarea(s)	Tuisveld(e)	Eerste seisoen	Titels
Australië
		Reds	Brisbane	Queensland	Ballymorestadion (tradisionele tuisveld), Suncorpstadion	1996	0 (2 Super 10)
		Waratahs	Sydney	Sentraal- en Noordelike NSW	Sydney Voetbalstadion, Stadion Australië	1996	0
		Brumbies	Canberra	AHG en Suidelike NSW	Canberrastadion	1996	2
		Force	Perth	Wes-Australië	Perth Ovaal	2006	0
		Rebels	Melbourne	Victoria	Melbourne Reghoekige Stadion	2011	0

Daar is drie state/provinsies oor wat nie deur 'n konsessie gedek word nie:

• Suid-Australië — 'n substansiële mark maar Australiese Voetbal is die grootste sportsoort alhoewel die Adelaide Sewesrugbytoernooi groot aftrek kry.
• Tasmanië — 'n klein mark en nie geografies gekonsentreer nie, Australiese Voetbal is hier ook die grootste sportsoort.
• Noordelike gebied — Australië se yl-bevolkste staat/provinsie met geen ander groot sportspan wat daar 'n basis het nie.

Nieu-Seeland

Kaart van al die provinsiale unies in Nieu-Seeland

Blues

Chiefs

Hurricanes

Crusaders

Highlanders

In Nieu-Seeland is elk van die land se vyf Superrugbyspanne verbind met verskeie provinsiale unies wat meeding in die land se twee plaaslike kompetisies (die professionele ITM-beker en die amateur Heartland-kampioenskap). Vir alle praktiese doeleindes kom spelers wat in die Super 15 speel van die spanne af wat in die professionele kompetisie speel. Elke konsessie is geregtig daarop om spelers van enige van die provinsiale unies wat met die konsessie verbind word, te gebruik. Die spesifieke unies wat met die konsessies verbind word is:

Groep	Kleure	Klub	Ligging	Voedingsarea(s)	Tuisveld(e)	Eerste seisoen	Titels
Nieu-Seeland
		Blues	Auckland	ITM-beker: Auckland North Harbour Northland	Edenpark	1996	3
		Chiefs	Hamilton	ITM-beker: Bay of Plenty Counties Manukau Waikato Heartland-kampioenskap: King Country Thamesvallei	Waikatostadion	1996	2
		Crusaders	Christchurch	ITM-beker: Canterbury Tasman (gevorm na 'n samesmelting van Marlborough en Nelson Bay) Heartland-kampioenskap: Buller Mid-Canterbury Suid-Canterbury Weskus	Lancasterpark	1996	7
		Highlanders	Dunedin	ITM-beker: Otago Southland Heartland-kampioenskap: Noord-Otago	Carisbrook, Queenstown Events-sentrum	1996	0
		Hurricanes	Wellington	ITM-beker: Hawke's Bay Manawatu Taranaki Wellington Heartland-kampioenskap: Ooskus Horowhenua-Kapiti Poverty Bay Wairarapa-Bush Wanganui	Westpacstadion	1996	0

Suid-Afrika

Die 14 provinsiale spanne in Suid-Afrikaanse plaaslike rugby

Sharks

Cheetahs

Bulls

Lions

Stormers

Southern Kings

Suid-Afrika volg basies dieselfde model as Nieu-Seeland in die samestelling van sy Super 15-spanne waar elke konsessie verbind word met een of meer unies in die land se plaaslike kompetisie, die Curriebeker.

Die land het tans vyf konsessies. Die vier konsessies van die Super 12-era — die Bulls, Cats (nou die Lions), Sharks en Stormers — is in 2006 vergesel van die Cheetahs. Hulle identiteite word grootliks bepaal rondom die 5 tradisionele sterk rugbyprovinsies in Suid-Afrika, die Blou Bulle, Goue Leeus, Natal Haaie, Westelike Provinsie en die Vrystaat Cheetahs. Die sesde konsessie, die Southern Kings (gestig as die Southern Spears) van die Suidelike- en Oos-Kaap (SOK) met sy basis in Port Elizabeth, sou aanvanklik in 2007 toetree tot Superrugby maar dit is nie uitgevoer nie. Die span is in 2012 toegelaat tot die 2013-seisoen.

Die unies wat met die konsessies verbind word is:

Groep	Kleure	Klub	Ligging	Voedingsarea(s)	Tuisveld(e)	Eerste seisoen	Titels
Suid-Afrika
		Bulls	Pretoria	Blou Bulle (PTA en LIM; tuiswedstryde in Pretoria) Valke (Oos-Rand; tuiswedstryde in Brakpan)	Loftus Versfeld	1998 (in 1996 en 1997 as Noord-Transvaal)	3
		Cheetahs	Bloemfontein	Vrystaat Cheetahs (sentraal- en wes-VS; tuiswedstryde in Bloemfontein) Noord-Vrystaat Griffons (noord-VS; tuiswedstryde in Welkom) Griekwas (NK; tuiswedstryde in Kimberley)	Vrystaatstadion, Hoffepark	2006 (in 1997 as die Vrystaat)	0
		Lions	Johannesburg	Goue Leeus (Johannesburg) Luiperds (NW; tuiswedstryde in Potchefstroom) Pumas (MP; tuiswedstryde in Witbank)	Ellispark	1998 (in 1996 en 1997 as Transvaal)	0 (1 Super 10)
		Sharks	Durban	Natal Haaie (KZN; tuiswedstryde in Durban)	Kings Park	1998 (in 1996 en 1997 as Natal)	0
		Stormers	Kaapstad	Boland Kavaliers (noordelike WK; tuiswedstryde in Wellington) Westelike Provinsie (Kaapstad)	Nuweland	1998 (in 1996 as Westelike Provinsie)	0
		Southern Kings	Port Elizabeth	Grens Bulldogs (oostelike OK; tuiswedstryde in Oos-Londen) SWD Arende (WK oos van KSD; tuiswedstryde in George) OP Konings (westelike OK; tuiswedstryde in Port Elizabeth)	Nelson Mandelabaai-stadion	2013	-

Aangesien die Spears nooit Superrugby gespeel het nie, moes SARU en SA Rugby besluit hoe om die spelers van die Spears se gebied by ander konsessies in te sluit. Die Southern Kings kry nou sy spelers van dieselfde gebied as wat die Spears gekry het. Van van die spelers in die Kings se debuutwedstryd teen die Britse en Ierse Leeus word verbind met die span se mede-eienaars, Grens en die Oostelike Provinsie se rugbyunies, maar die Suidwestelike Distrikte word ook betrek. Terwyl die Kings nie aan Superrugby deelneem nie mag die spelers vir ander konsessies speel.

Sien ook

• Superrugby

Eksterne skakels

• Super 15 webblad