Simon van Trente

Simon van Trente was 'n jong en voormalige heilige van die Rooms-Katolieke Kerk wat in die laat 15de eeu in Trente gebore is. Die twee en 'n half jaar oue Simon se lyk is op 26 Maart 1475 ontdek en die Joodse gemeenskap van Trente is daarvan beskuldig dat hulle hom ritueel vermoor het.

Gebeure

Simon het op 23 Maart 1475, die Donderdag voor Goeie Vrydag, vermis geraak. Sy lyk is 'n paar dae later ontdek in 'n kanaal wat onder 'n Jood, Samuel, se huis deurgeloop het. Samuel en twee ander Jode het die ontdekking gerapporteer,^[1] maar dit is in berigte oor die moord verswyg.^[2] Ná die verslag van die seun se ontdekking is die hele Joodse gemeenskap (mans én vroue) in hegtenis geneem en met marteling gedwing om skuld op die moord te beken^[3]^[4] ('n klassieke voorbeeld van bloedlaster dat Jode Christelike bloed in hulle rituele gebruik).

Simon en 13 ander Jode is skuldig bevind en tereggestel. Die biskop van Trente het die proses gesteun, maar pous Sixtus IV was skepties. Die kind is begrawe in die kapel van San Simonino in die Sint Pieterskerk van Trente. Simon se verering is in 1480 deur pous Sixtus IV goedgekeur en in 1584 is hy deur pous Gregorius XIII as martelaar erken. Sy feesdag was op 24 Maart.

Die verhoor in Trente het 'n verhoging van Christelike geweld teenoor Jode tot gevolg gehad in die omringende stede. Dit het in Vicenza gelei tot die verbod op gelduitlening deur Jode in 1479 en die verbanning van alle Jode in 1486.^[5]

In 1965 is die erkenning van Simon se verering deur pous Paulus VI opgehef ná 'n besluit dat Simon nie deur Jode vermoor is as deel van 'n ritueel nie, maar deur iemand anders.

Verwysings

↑ (Hsia 1992, pp. 26–27)
↑ (Hsia 1992, pp. 1–3)
↑ "St Simon of Trent". British Museum. Geargiveer vanaf die oorspronklike op 14 Desember 2020. Besoek op 29 November 2020.
↑ Bowd, Stephen (22 September 2021). "Simon of Trent". Oxford Bibliographies Online. doi:10.1093/OBO/9780195399301-0433. ISBN 9780195399301. Geargiveer vanaf die oorspronklike op 8 April 2023. Besoek op 29 November 2020.
↑ (Hsia 1992, pp. 128–129)

Bronne

Hsia, R. Po-chia (1992). Trent 1475: Stories of a Ritual Murder Trial. Yale University Press. ISBN 0-300-06872-7.

Skakels

Hierdie artikel is in sy geheel of gedeeltelik uit die Engelse Wikipedia vertaal.

[finding-1] (Hsia 1992, pp. 26–27)

[searches-2] (Hsia 1992, pp. 1–3)

[3] "St Simon of Trent". British Museum. Geargiveer vanaf die oorspronklike op 14 Desember 2020. Besoek op 29 November 2020.

[4] Bowd, Stephen (22 September 2021). "Simon of Trent". Oxford Bibliographies Online. doi:10.1093/OBO/9780195399301-0433. ISBN 9780195399301. Geargiveer vanaf die oorspronklike op 8 April 2023. Besoek op 29 November 2020.

[5] (Hsia 1992, pp. 128–129)

[1]

[2]

[3]

[4]

[5]