Samuel Hynes
Samuel Hynes | |
|---|---|
| Gebore | Samuel Lynn Hynes 29 Augustus 1924 |
| Sterf | 9 Oktober 2019 (op 95) |
| Nasionaliteit |  Verenigde State |
| Beroep | Skrywer en uitgetrede vlieënier |
| Eggenoot | Liz Igleheart |
Samuel Hynes (29 Augustus 1924 – 9 Oktober 2019) was 'n voormalige vlieënier van die Amerikaanse Lugmag en uitgetrede professor van letterkunde aan die Princeton-universiteit. Hy het bekendheid as skrywer van werke oor die politiek, kultuur en literatuur in die Verenigde Koninkryk tussen die Edwardiaanse tydperk en die 1930's verwerf.
Lewe en werk
[wysig | wysig bron]Samuel Hynes is in 1924 in Chicago in 'n Skots-Ierse Presbiteriaanse gesin gebore en het in Minneapolis groot geword. Sy ma is oorlede toe hy vyf jaar oud was, en so is hy saam met sy broer aanvanklik in 'n enkelouergesin grootgemaak. Sy pa het later met 'n vrou getrou wat die nuwe gesin met drie kinders uit haar vorige huwelik begin het.
Sy ma het $400 gespaar om dit vir Samuel se akademiese opleiding aan te wend – 'n bedrag wat deur sy pa ook in moeilike tye nooit onttrek is nie en wat Samuel uit sy hande ontvang het nadat hy in die ouderdom van 18 hoërskool voltooi het. In die herfs van 1942 het Samuel Hynes by die Universiteit van Minnesota ingeskryf, maar het tegelykertyd by die Amerikaanse Vloot se vlieëniersopleidingsprogram ingeteken.
In Maar 1943 is hy vir diensplig opgeroep en het met sy vlieëniersopleiding in Denton, Texas, begin. 'n Jaar later het hy die rang van tweede vlootluitenant in Pensacola verwerf. Hier hy het hy met Liz Igleheart kennis gemaak, die suster van 'n vriend en medevlieënier, en in Julie 1944 met haar getrou.
Die najaar van 1944 het Hynes in Kalifornië deurgebring waar hy militêre opleiding ten opsigte van taktiese ballistiese missiele ondergaan het. In Januarie 1945 het hy by die Vloot se Torpedobomwerpereskader 232 op die Ulithi-atol in die Westelike Karoline, 'n eilandgroep in die Stille Oseaan, aangesluit. Sy eskader is in April verder noordwaarts na Okinawa verplaas waar hy meer as honderd missies gevlieg het en met die Distinguished Flying Cross vir sy prestasies vereer is.[1]
In 1946 het hy sy akademiese opleiding aan die Universiteit van Minnesota en die Columbia-universiteit voortgesit en 'n PhD-graad in Engels verwerf. Hy was vervolgens as dosent in Engels en literêre kritikus werksaam. Gedurende die Koreaanse Oorlog tussen 1952 en 1953 het hy nog eens as vlieënier in die Amerikaanse Marinierskorps gedien.
In sy werk The Soldiers' Tale: Bearing Witness to a Modern War deel hy sy oorlogservaringe met ander soldate, weerstandsvegters en ooggetuies van alle konflikpartye, waaronder Wilfred Owen en Ernst Jünger. Hynes se bevinding is dat oorloë meestal teen onskuldiges en magteloses gevoer word. Die werk is met die Robert F. Kennedy-prys bekroon. In 2007 was hy as raadgewer by die vervaardiging van die dokumentêre televisiereeks The War betrokke wat deur die openbare PBS-netwerk uitgesaai is.
Hynes is later as Woodrow Wilson Professor van Letterkunde aan die Princeton-universiteit aangestel. Hy was 'n Fellow of the Royal Society of Literature.
Werke
[wysig | wysig bron]| Jaar | Werk | Genre | Inhoud |
|---|---|---|---|
| 1961 | The Pattern of Hardy's Poetry | ||
| 1964 | William Golding | ||
| 1968 | The Edwardian Turn of Mind | Historiese Werk | Die Eerste Wêreldoorlog en Engelse kultuur |
| 1972 | Edwardian Occasions | ||
| 1977 | The Auden Generation | Historiese werk | Politiek en literatuur in Engeland in die 1930's |
| 1984 | Thomas Hardy | ||
| 1988 | Flights of Passage | ||
| 1991 | A War Imagined | Historiese werk | Die Eerste Wêreldoorlog en Engelse kultuur |
| 1997 | The Soldiers' Tale | ||
| 2003 | The Growing Seasons: An American Boyhood Before the War | Outobiografie | Hynes' se kinderjare gedurende die Groot Depressie |