Oos-Chinese See
Oos-Chinese See | |
---|---|
![]() Nasa-Satellietbeeld van die Oos-Chinese See | |
Kaart van die Oos-Chinese See | |
Koördinate: | 30°N 125°O / 30°N 125°O |
Ligging: | Republiek China, Volksrepubliek China, Japan, Suid-Korea |
Soort: | See van die Stille Oseaan |
Oppervlakte: | 750 000 km² (290 000 myl²) |
Gemiddelde diepte: | 350 m (1 145 vt) |
Maksimum diepte: | 2 716 m (8 912 vt) |
Invloei: | Geelrivier, Yangtze |
Eiland/e: | Kioesjoe, Ryukyu-eilande, Senkaku-eilande, Taiwan |
Nedersettings: | Dalian, Hangzhou, Incheon, Nieu-Taipei, Qingdao, Sjanghai, Taoyuan |
Die Oos-Chinese See (Chinees: 東海/東中國海, pinyin: Dōng Hǎi, letterlik: "Oostelike See"; Koreaans: 동중국해/東中國海; Japannees: ひがしシナかい) is 'n see van die Stille Oseaan in Asië tussen die Republiek China op Taiwan in die suidweste, die Volksrepubliek China in die weste, Suid-Korea in die noorde asook die Japanse eilande Kioesjoe en Ryukyu-eilande in die ooste. Die Oos-Chinese See grens aan die Filippynse See in die suidooste. Die Oos-Chinese See word in die suidweste deur die Straat van Taiwan met die Suid-Chinese See en in die noordooste deur die Straat van Korea met die See van Japan verbind. Die see het 'n oppervlakte van sowat 750 000 km² en 'n gemiddelde diepte van 350 m.[1]
![](http://upload.wikimedia.org/wikipedia/commons/thumb/e/e2/View_of_South_China_Sea.jpg/220px-View_of_South_China_Sea.jpg)
In Suid-Korea word die Oos-Chinese See soms "Suidelike See" genoem. Die noordelike deel van die see, tussen China en Korea, word Geelsee genoem.
Groot stede aan die see is Dalian, Hangzhou, Incheon, Nieu-Taipei, Qingdao, Sjanghai en Taoyuan en die belangrikste riviere wat in die see uitmond, is die Geelrivier in die noorde en die Yangtze verder suid.
Die Oos-Chinese See is onderworpe aan gebiedsgeskille tussen die Volksrepubliek China en Japan, wat in besonder betrekking het op ryk ondersese ruoliebronne, soos by die Senkaku-eilande.
Verwysings
[wysig | wysig bron]- ↑ (en) "East China Sea". Encyclopædia Britannica. Geargiveer vanaf die oorspronklike op 7 April 2020. Besoek op 12 Augustus 2020.
Eksterne skakels
[wysig | wysig bron]Wikimedia Commons het meer media in die kategorie Oos-Chinese See.