Kelvin
![](http://upload.wikimedia.org/wikipedia/commons/thumb/2/22/CelsiusKelvinThermometer.jpg/220px-CelsiusKelvinThermometer.jpg)
Die kelvin (simbool: K) is die SI-eenheid van temperatuur en is een van die sewe SI-basiseenhede. Dit word gedefinieer as 'n 1/273,16 fraksie van die termodinamiese temperatuur van die trippelpunt van water. 'n Temperatuur wat in kelvin sonder enige voorbehoud aangedui word, word gemeet ten opsigte van absolute nul waar die molekulêre beweging ophou. Dit is ook algemene praktyk om 'n temperatuur relatief tot 'n verwysingstemperatuur van 273,15 K aan te dui, wat ongeveer ooreenstem met die smeltpunt van water onder normale toestande; hierdie konvensie is die Celsius-temperatuurskaal.
Die kelvin is vernoem na die Britse fisikus en ingenieur William Thomson, wat later na hy tot die adelstand verhef is, as Lord Kelvin bekend gestaan het.
Tipografiese konvensies
[wysig | wysig bron]Die woord kelvin as 'n SI-eenheid word met 'n kleinletter k geskryf (tensy dit aan die begin van 'n sin voorkom), en word anders as Fahrenheit of Celsius nooit voorafgegaan deur die woorde graad, grade of die simbool ° nie. Die simbool vir kelvin is altyd die hoofletter K en word nooit in skuinsskrif gedruk nie. Daar moet 'n spasie tussen die getal en die K kom soos met alle SI-eenhede.
Unicode sluit die "kelvin-teken" onder die kode U+212A in (in die huidige skrif vertoon dit so: Κ teenoor die gewone alfabetletter: K). Die kelvin-teken behoort bietjie langer te wees as die gewone K. Dit is egter moontlik dat die karakter nie op alle rekenaars beskikbaar is nie. Dit is dus beter om 'n gewone K tebruik ter wille van leesbaarheid vir die grootste gehoor.
Omskakelingsfaktore
[wysig | wysig bron]Omskakeling van |
na | Formule |
---|---|---|
kelvin | grade Celsius | °C = K – 273,15 |
grade Celsius | kelvin | K = °C + 273,15 |
kelvin | grade Fahrenheit | °F = K × 1,8 − 459,67 |
grade Fahrenheit | kelvin | K = (°F + 459,67) / 1,8 |
Neem kennis dat vir temperatuurintervalle eerder as temperatuurlesings, 1 K = 1 °C en 1 K = 1,8 °F Addisionele omskakelingsformules Omskakelingsprogram vir temperatuureenhede Geargiveer 29 Januarie 2005 op Wayback Machine |
Kelvin en Celsius
[wysig | wysig bron]Die Celsius temperatuurskaal word nou gedefinieer in terme van die kelvin, met 0 °C wat ooreenstem met 273,15 kelvin.
- kelvin na grade Celsius
Temperatuur en energie
[wysig | wysig bron]Die energie wat deur partikels in 'n termodinamiese stelsel gedra word is eweredig aan die absolute temperatuur, waar die eweredigheidskonstante die Konstante van Boltzmann is. Dit is gevolglik moontlik om die energie van partikels by 'n sekere temperatuur te bereken of om andersom die temperatuur van partikels met 'n sekere energie te bepaal.
- elektronvolt na kelvin
- kelvin na elektronvolt
Sien ook
[wysig | wysig bron]- ITS-90 Internasionale temperatuurskaal
- William John Macquorn Rankine - skepper van die Rankine-temperatuurskaal
Eksterne skakels
[wysig | wysig bron]- BIPM brosjure oor die Kelvin
Wikiwoordeboek het 'n inskrywing vir kelvin.