Kalabrië
Wapen en vlag | |
---|---|
![]() |
![]() |
Algemene gegewens | |
Hoofstad: | Catanzaro |
Administratiewe verdeling: | 5 provinsies |
Oppervlakte: | 15 080 vk km |
Bevolking: | 1 954 403 (30 Oktober 2012) |
Bevolkingsdigtheid: | 163 inwoners per vk km |
Webwerf: | www.regione.calabria.it |
ISO 3166-2: | IT-78 |
President: | Mario Oliverio (Demokratiese Party) |
Kaart | |
![]() |
Kalabrië (Italiaans: Regione Calabria)[1] was in die oudheid bekend as Bruttium of as Italia. Dit is 'n gebied in die suide van Italië en vorm die "toon" van die Italiaanse skiereiland. Die hoofstad is Catanzaro, maar die grootste stad en die setel van die Regionale Raad is Reggio.
In die noorde grens Kalabrië aan Basilicata, in die weste aan die Tirreense See en in die ooste aan die Ioniese See. Kalabrië beslaan 15 080 vk. Km. en het net minder as 2 miljoen inwoners. In die oudheid is die woord Kalabrië gebruik om na die suidelike deel van Apulia, die skiereiland van Salento (die "hakskeen" van Italië) te verwys.
Geografie
[wysig | wysig bron]![](http://upload.wikimedia.org/wikipedia/commons/thumb/4/4b/Calabria.jpg/220px-Calabria.jpg)
Die landstreek is 'n lang en nou skiereiland met 'n noord-suid lengte van 248 km. en 'n maksimum breedte van 110 km. 42% van die oppervlakte is bergagtig en die gebied word omring deur die Tirreense en Ioniese See. Dit word geskei van Sisilië deur die Straat van Messina wat sy nouste tussen Capo Peloro in Sisilië en Punta Pezzo in Kalabrië slegs 3,2 km breed is.
Klimaat
[wysig | wysig bron]Aan die kus is die klimaat Mediterreens met 'n gemiddelde minimum temperatuur van 8 grade C in die winter en 'n gemiddelde maksimum van 30 grade C in die somer. In die binneland heers 'n bergklimaat met koue winters en droë somers met enkele donderbuie.
Geskiedenis
[wysig | wysig bron]![](http://upload.wikimedia.org/wikipedia/commons/thumb/c/cc/Magna_Grecia_280aC.jpg/220px-Magna_Grecia_280aC.jpg)
Die eerste inwoners van Kalabrië was Oskaanse stamme. Een van die stamme was die Itali. Toe die Grieke met hulle in kontak gekom het, is die hele Kalabrië "Italië" genoem.[2][3][4][5][6] Grieke het al langs die kus kom woon en stede soos Reggio, Sybaris en Kroton gestig. Die bekende wiskundige Pythagoras het in Kroton gewoon. Die Grieke het die gebied "Magna Graecia" genoem in die 6de en 5de eeu voor Christus.
Die Romeinse Ryk verower die gebied in die 3de eeu voor Chr. en noem dit "Regio III Lucania en Brutti". In 918 verower die Arabiere Reggio, hernoem die stad na Riva en verkoop die meerderheid van die bevolking as slawe.[7]
In 1060 het die Normandiërs onder leiding van Roger Guiscard, 'n broer van Robert Guiscard, 'n regering volgens Bisantynse model gevestig. In 1098 word Roger deur Pous Urbanus II aangestel as pouslike legaat en stig later die koninkryk van Sisilië. Teen die einde van die Middeleeue het groot dele van Kalabrië steeds Grieks gepraat.[8] In die 15de en 16de eeu is Grieks vinnig vervang deur Italiaans, die heersende taal van die Italiaanse unifikasie.[9]
Vanaf die bewind van die Huis van Valois-Anjou is Kalabrië regeer vanuit Napels. Kalabrië het 'n reeks van boere-opstande ondervind rond 1848, maar is uiteindelik met Italië verenig onder Garibaldi.
Ekonomie
[wysig | wysig bron]Kalabrië is hoofsaaklik 'n landbou streek. Veral olywe word grootskaals gekweek.[10] Die Bergamo lemoen word veral gekweek vir sy essens.[11] 7.2% van die BNP kom van die industrie vernaamlik voedsel, drank en tabak. Meer onlangs is petrochemiese industrie gevestig in Crotone. Kalabrië is een van die armste gebiede van Italië. Die ekonomie word gekniehalter deur korrupsie en georganiseerde misdaad beheer deur die mafia.[12]
Verwysings
[wysig | wysig bron]![]() |
Wikimedia Commons bevat media in verband met Calabria. |
- ↑ Calabria. (2008). Encyclopædia Britannica. Deluxe Edition. Chicago: Encyclopædia Britannica.
- ↑ "argiefkopie". Geargiveer vanaf die oorspronklike op 23 September 2015. Besoek op 3 Desember 2014.
- ↑ http://www.passionforitaly.info/Articles/904.html
- ↑ http://www.bellevacanze.it/tourism/index.php?set_lang_id=en&view_contenuto=19
- ↑ http://procopiocaterina.files.wordpress.com/2011/11/20104251023251.jpg
- ↑ https://www.youtube.com/watch?v=-5szMbqDSWg
- ↑ The Italian Cities and the Arabs before 1095, Hilmar C. Krueger, A History of the Crusades: The First Hundred Years, Vol.I, ed. Kenneth Meyer Setton, Marshall W. Baldwin, (University of Pennsylvania Press, 1955), 50-51.
- ↑ Eisner, Robert, 1993, Travelers to an Antique Land: The History and Literature of Travel to Greece, University of Michigan Press, p.46 ISBN 978-0-472-08220-9
- ↑ Weiss, Roberto, 1977, Medieval and Humanist Greek, Antenore bl. 14–16
- ↑ Portraits of the Regions, March 2004,DG REGIO van die Europese Kommissie.
- ↑ Bolani, Domenico Spano, 1857, Storia di Reggio di Calabria da'tempi primitivi sino all'anno di Cristo 1797, Google Books
- ↑ US Consulate Naples 2008, CAN CALABRIA BE SAVED?"
Hierdie artikel is in sy geheel of gedeeltelik vanuit die Engelse Wikipedia vertaal. |
![]() |
|
---|---|
Abruzze (Abruzzo) • Apulië (Puglia) • Basilicata • Kalabrië (Calabria) • Kampanië (Campania) • Emilia-Romagna • Friuli-Venezia Giulia • Latium (Lazio) • Ligurië (Liguria) • Lombardye (Lombardia) • Marke (Marche) • Molise • Piëmont (Piemonte) • Sardinië (Sardegna) • Sisilië (Sicilia) • Toskane (Toscana) • Trentino-Suid-Tirol (Trentino-Alto Adige) • Umbrië (Umbria) • Valle d'Aosta • Veneto |