John Ross-brug
Die John Ross-brug is 'n brug oor die Tugelarivier.
Die kusroete bekend as Shaka’s Way wat Durban verbind met Zoeloeland en verder met eSwatini en Mpumalanga kruis met hierdie brug die Tugela, die tradisionele suidgrens van Zoeloeland. Die brug is 8 km van die riviermond en 88 km van Durban.
Hierdie brug is in 1959 gebou en was 410 m lank. Dit het op 26 September 1987 na 'n groot vloed ineengestort, maar is later herbou.
John Ross was 'n 15-jarige seun wat in 1827 van die handelspos by Port Natal na die Portugese vestiging by Lourenco Marques gestap het om noodsaaklike voorrade en veral medisyne vir die setlaars en ivoorjagters te gaan haal. Weens die goeie samewerking van die Zoeloes onder Tsjaka het die seun die staptog veilig in 40 dae afgelê.
Bibliografie
[wysig | wysig bron]- stravaig-books.com
- trid.trt.org
- zululandobserver.co.za