iMovie
| iMovie | |
| |
| |
iMovie ’11
| |
| Ontwikkelaar | Apple Inc. |
|---|---|
| Aanvanklike vrystelling | 5 Oktober 1999 |
| Nuutste weergawe | 10.0.8/ 23 April 2015 |
| Bedryfstelsel | Mac OS, Mac OS X |
| Kategorie | Videoredigeringsagteware |
| Lisensie | Eiendomsagteware |
| Webblad | Apple - iMovie |
| iMovie vir iOS | |
| Ontwikkelaar | Apple Inc. |
|---|---|
| Aanvanklike vrystelling | 24 Junie 2010 |
| Nuutste weergawe | 2.1.1/ 6 November 2014 |
| Bedryfstelsel | iOS |
| Kategorie | Videoredigeringsagteware |
| Lisensie | Eiendomsagteware |
| Webblad | Apple - iMovie |
iMovie is ’n eiendoms videoredigeringsagtewaretoepassing wat deur Apple Inc. verkoop word vir die Mac, iPhone, iPod Touch en iPad. Dit is aanvanklik in 1999 bekendgestel as ’n toepassing vir Mac OS 8 en is verpak saaam met die eerste FireWire-geaktiveerde Mac-model vir gebruikers — die iMac DV.[1] Sedert weergawe 3 is iMovie ’n Mac OS X-eksklusiewe toepassing wat ingesluit is in die iLife-pakket van Macintosh-toepassings.[2]
iMovie voer beeldmateriaal na die Mac in deur gebruik te maak van die FireWire-koppelvlak op die meeste MiniDV-formaat digitale videokameras of die rekenaar se USB-poort. Dit kan ook video en foto’s invoer vanaf ’n hardeskyf. Daarvandaan kan die gebruiker die foto’s en video’s redigeer en titels, musiek en effekte byvoeg insluitend basiese kleurkorreksie en videoverbeteringswerktuie en oorgange soos verdwyn en skuif.
Weergawegeskiedenis
[wysig | wysig bron]Mac
[wysig | wysig bron]| Weergawe | Vrystellingsdatum | Beskikbaarheid | Stelsel | Notas |
|---|---|---|---|---|
| iMovie | 5 Oktober 1999 | Verpak saam met iMac DV, later uitgereik as ’n gratis aflaai. | Mac OS 8.6 en OS 9 | |
| iMovie 2 | 19 Julie 2000 | Verpak saam met FireWire-geaktiveerde Macs, ook afsonderlik te koop en later verpak as deel van Mac OS X. | Mac OS 9 en OS X | Nuwe klankeffekte bygevoek (insluitend sommige van Skywalker Sound), maar ones verwyder; verwyder ook die waterrimpelingeffek. |
| iMovie 3 | 7 Januarie 2003 | Verpak saam met alle nuwe Macs, ook afsonderlik te koop (iLife), later as ’n gratis aflaai. | Mac OS X | Verpak as deel van iLife. |
| iMovie 4 | 6 Januarie 2004 | Verpak saam met alle nuwe Macs, ook afsonderlik te koop (iLife ’04). | Mac OS X | Verpak as deel van die iLife ’04-pakket. |
| iMovie HD 5 | 6 Januarie 2005 | Verpak saam met alle nuwe Macs, ook afsonderlik te koop (iLife ’05). | Mac OS X | Verpak as deel van die iLife ’05-pakket. |
| iMovie HD 6 | 10 Januarie 2006 | Verpak saam met alle nuwe Macs en afsonderlik te koop (iLife ’06), later as gratis aflaai vir eienaars van iLife ’08. | Mac OS X 10.3 (Panther), Mac OS X 10.4 (Tiger), Mac OS X 10.5 (Leopard) en Mac OS X 10.6 (Snow Leopard) | Verpak as deel van die iLife ’06-pakket. |
| iMovie ’08 | 7 Augustus 2007 | Verpak saam met alle nuwe Macs en afsonderlik te koop (iLife ’08). | Mac OS X 10.4 (Tiger) en 10.5 (Leopard). | Verpak as deel van die iLife ’08-pakket. Herontwerp. |
| iMovie ’09 | 27 Januarie 2009 | Verpak saam met alle nuwe Macs en afsonderlik te koop (iLife ’09). | Mac OS X 10.5 (Leopard) en Mac OS X 10.6 (Snow Leopard) | Verpak as deel van die iLife ’09-pakket. |
| iMovie ’11 | 20 Oktober 2010 | Verpak saam met alle nuwe Macs wat op of na 20 Oktober 2010 verkoop is of afsonderlik te koop in iLife ’11. | Mac OS X Snow Leopard (10.6.3 en nuwer) | Verpak as deel van die iLife ’11-pakket. Ook te koop beskikbaar in die Mac-toepwinkel. |
| iMovie 10.0 | 22 Oktober 2013 | Te koop beskikbaar in die Mac-toepwinkel | OS X Mavericks en nuwer |
iOS
[wysig | wysig bron]| Weergawe | Vrystellingsdatum | Beskikbaarheid | Stelsel | Notas |
|---|---|---|---|---|
| iMovie vir iOS 1.0 | 24 Junie 2010 | Toepwinkel | iOS 4.0 en nuwer | Aanvanklike vrystelling vir iPhone 4 |
| iMovie vir iOS 1.1 | 8 September 2010 | Toepwinkel | iOS 4.1 en nuwer | Ondersteuning vir iPod Touch (4de generasie) toegevoeg |
| iMovie vir iOS 1.2 | 10 Maart 2011 | Toepwinkel | iOS 4.3 en nuwer | Ondersteuning vir iPad 2 en later iPhons 4S toegevoeg |
| iMovie vir iOS 1.3 | 7 Maart 2012 | Toepwinkel | iOS 5.1 en nuwer | Ondersteuning vir iPad (3de generasie) toegevoeg |
| iMovie vir iOS 1.4 | 19 September 2012 | Toepwinkel | iOS 6.0 en nuwer | Ondersteuning vir iPhone 5 en iPod Touch (5de generasie) toegevoeg |
| iMovie vir iOS 2.0 | 22 Oktober 2013 | Toepwinkel | iOS 7.0 en nuwer | Ondersteuning vir iPhone 5C, iPhone 5S, iPad Air en iPad Mini toegevoeg |
iMovie HD 5
[wysig | wysig bron]
iMovie HD het ondersteuning vir HDV (720p en 1080i) ingesluit asook integrasie met die res van die iLife-pakket, met gereedskapskisknoppies wat die invoer van beelde van iPhoto en musiek van iTunes toelaat en hoofstukmerkers kan gestel word om die projek gereed te maak vir iDVD.
iMovie HD 5 het mjpeg-lêers by verstek as dv ingevoer wat geraas meebring; mjpeg-lêers is kripties oor een kam geskeer met “isight”-lêers in hierdie weergawe.
’n Ander nuwe eienskap was “Magic iMovie”, watprobeer het om die hele proses van videoredigering te outomatiseer deur ’n algemene oorgang toe te laat tussen twee tonele, ’n musieksnit wat met die video gesinkroniseer kon word en ’n DVD wat geskep kon word met die gepaardgaande iDVD-sagteware.
iMovie HD 6
[wysig | wysig bron]iMovie 6 is in Januarie 2006 bekendgestel as deel van die iLife ’06-pakket en is opsioneel ingesluit met iLife ’08 as ’n vervanging vir iMovie ’08 (weens die nuwe weergawe se onverenigbaarheid met ouer PowerPC Macintosh-rekenaars). Dit is geïntegreer met iPhoto, iTunes, iDVD, GarageBand en iWeb. iMovie HD 6 is ontwerp vir gemaklike gebruik en het nuwe temas ingesluit. Temas het ’n gebruiker toegelaat om videotonele of foto’s in professioneel-ontwerpte agtergronde te plaas. Elke tema het volle bewegingsgrafiese buffers en oorgange ingesluit. iMovie HD 6 het ook intydse effekte bygevoeg wat voordeel getrek het uit die rekenaar se grafiese verwerkingseenheid om sekere effekte uit te voer sonder om die beelde te verwerk. Dit het ook intydse kanteling, gevorderde oudiowerktuie en effekte, die mootnlikheid om veelvuldige projekte terselfdertyd oop te hê, video-potgooie en webjoernale (deur integrasie met iWeb) en ’n verfynde uiterlike gebaseer op iTunes 5 en 6 ingesluit.
iMovie ’08
[wysig | wysig bron]iMovie '08 (Weergawe 7.0) is in Augustus 2007 bekendgestel as deel van die iLife ’08-pakket. iMovie ’08 was ’n totale herontwerp en herskryf van iMovie. Dit het veel beter HD-uitset gehad en baie meer formate om na om te skakel. Dit is egter beperk deur ’n ongedokumenteerde beperking op ondersteunde kodeks. iPhoto gebruik die QuickTime-biblioteek en kan duimnaels skep vir alle formate wat deur QuickTime ondersteun word, maar die meeste van hierdie formate kon nie deur iMovie ’08 gebruik word nie. Sommige van die formate wat iMovie ’08 kon invoer is gevolglik nie herken nie en kon nie tot die iPhoto-biblioteek toegevoeg word nie. Hoewel Motion JPEG-gekodeerde AVI-lêers erken is was dit die mees algemene formaat wat deur digitale kameras gebruik is. Hoewel dit funksioneel identies was aan die koppelvlak van die Toaster Flyer nie-liniêre digitale videoredigeringstelsel wat in 1993 deur NewTek, Inc. vrygestel is vir Amiga-rekenaars, is die teëlgebaseerde redigeringskoppelvlak bevorder as ’n uniekheid en baanbrekend. ’n Nuwe eienskap genaamd “vlugblaai”, vir vinnige videovoorskoue in die biblioteek teen ’n spoed wat die gebruiker vasgestel het, is toegevoeg tesame met ’n eienskap wat ’n gebruiker in staat stel om dele van videosnitte uit te lig, net soos wanneer teks beklemtoon word. iMovie ’08 het ook die vermoë gehad om meer as twee lae van agtergrondklank, insluitend veelvuldige musiek, vertelling en klankeffekte, toe te voeg; vorige weergawes het slegs twee oudiobane gehad. Dit het meer uitvoerformate, waaronder iPhone-grootte video, ingesluit. Dit het ook nie-kassetgebaseerde HD-video soos AVCHD en beeldmateriaal van DVD en HDD-videokameras ondersteun. iMovie ’08 het ook die vermoë om films na YouTube uit te voef.
Volgens Apple se stelselvereistes benodig iMovie ’08 ’n Mac met òf ’n 1.9 GHz of vinniger PowerPC G5 of Intel-verwerker.[3] Ofskoon Apple sy laaste G4-gebaseerde rekenaars (iBook G4) 14 maande voor die vrystelling van iLife ’08 verkoop het, is G4’s nie ondersteun nie. ’n Stelselinbraak het egter iMovie 7.1 en nuwer toegelaat om op ’n PowerPC G4 te werk.[4]
Kritiek teen iMovie ’08
[wysig | wysig bron]iMovie ’08 is gekritiseer weens die drastiese stopsetting van sommige iMovie HD 6-eienskappe. David Pogue, resensent vir die New York Times, het gesê “iMovie ’08 is ’n uiterste verwarring… onbevoeg om die meer gesofistikeerde redigering uit te voer wat die ou iMovie so genotvol gemaak het… Alle visuele effekte is weg — selfs basiese opsies soos stadige aksie, terugspeelaksie, vinnige aksie en swart-en-wit. En jy kan nie meer as een projek op dieselfde tyd oop hê nie.”[5]
Eienskappe wat verwyder is sluit in die klassieke tydlyn, die moontlikheid om DVD-hoofstukmerkers te skep, ondersteuning vir inproppe en intydlynse klankverstelling en beheer. iMovie ’08 voer in na ’n baie meer beperkte stel video-kodeks en metadataformate as vorige weergawes van iMovie of QuickTime Player. QuickTime Player kan byvoorbeeld uitgebrei word om die FLIP Video 3ivx MPEG-4-kodek te ondersteun maar iMovie ’08 kan nie. iMovie ’08 het ook die moontlikheid om DV-beeldmateriaal in te voer, verwyder. Gevolglik is kompressie met verlies op alle video's toegepas en daar is geen fasiliteit vir die bestuur van volformaat-video nie. Die vreemde tekort aan ondersteuning vir QuickTime beteken dat QuickTime Pro ’n groter verskeidenheid van video’s kan redigeer as iMovie.
Apple het iMovie HD 6 as ’n aflaai beskikbaar gestel aan diegene wat iMovie ’08 gekoop het.[6] In reaksie op die vrystelling van die gevolglike nuwer weergawe van iMovie (’09), het Apple die aflaai in Januarie 2009 gestaak[7] terwyl hull ook die prys vir Final Cut Express verminder het. Verskeie van die eienskappe wat van iMovie HD 6 verwyder is, is weer ingesluit in iMovie ’09 en iMovie ’11.
iMovie ’09
[wysig | wysig bron]iMovie '09 (Weergawe 8.0) is in Januarie 2009 vrygestel as deel van die iLife ’09-pakket. Dit het ’n paar nuwe eienskappe ingebring en ’n paar eienskappe van vorige weergawes iMovie teruggebring, insluitend basiese video-effekte (soos vinnige/stadige aksie en verouderde film) en beeldstabilisasie en reiskaartfunksies om die ligging van waar ’n video geneem is, te merk. iMovie ’09 het ook eenvoudige uitvoerings van meer gevorderde eienskappe soos prent-in-prent en groenskerm-tegnologie bekendgestel. Dit het ook redigering met ’n akkurate snyredigeerder, verbeterde ondersteuning vir hardeskyfgebaseerde soos die Flip Mino, verskeie nuwe titels en oorgange en volle iDVD-ondersteuning (wat nie beskikbaar was in iMovie ’08 nie), ingesluit. Daarbenewens het dit ook ’n Volskerm Biblioteekblaaier bekendgestel waarmee die gebruiker al sy beeldmateriaal in een plek kan wysig.
iMovie ’11
[wysig | wysig bron]iMovie ’11 (Weergawe 9.0) is op 20 Oktober 2010 bekendgestel as deel van die iLife ’11-pakket. Dit het die vermoë om lokprente vir tuisfilms te maak, bied meer beheer oor klank, direkte herhaling en flits-en-hou-effekte, geigsherkenning, nuwe temas en die vermoë om video op ’n Mac, iPad iPhone/iPod Touch of Apple TV te bekyk, asook oplaai na Facebook en YouTube. Dit ondersteun nou die AVCHD Lite formaat.
Apple het met Abbey Road Studios in Londen gewerk om oorspronklike musiek/rolprentmusiek na iMovie ’11 te bring. Die musiek word veral gebruik in die lokprente-funksie wat deur die sagteware gebied word.
Op 6 Januarie 2011 het Apple iMovie ’11 (saam met Aperture, die iWork-pakket en die res van die iLife-pakket) beskikbaar gestel op die Mac-toepwinkel.[8]
iMovie 10.0
[wysig | wysig bron]iMovie 10.0 is op 22 Oktober 2013 vrygestel. Hierdie weergawe van iMovie was is totaal herontwerp met meer opsies om rolprente te deel, meer tema-opsies vir rol- en lokprente van iMovie vir iOS, vergemaklikte spek van beeld-in-beeld, wegsnyding, langsmekaarplaas, ens. meer realistiese groenskermeffekte en vergemaklikte verfyning.
iMovie vir iOS
[wysig | wysig bron]Op 7 Junie 2012 het Steve Jobs in sy tematoespraak tydens WWDC genoem dat die komende iPhone 4 ’n nuwe iOS-inheemse weergawe van iMovie sou ondersteun wat baie van die basiese eienskappe van die Mac-sagteware sou ondersteun.[9] Die toep kan verkry word deur dit van die toepwinkel af te laai. iMovie vir iPhone is amptelik op 24 Junie 2010 bekendgestel om saam te val met die bekendstelling van die iPhone 4.
Op 1 September 2010 is iMovie verenigbaar gemaak met die nuwe 4de-generasie iPod Touch. ’n iPad-weergawe van iMovie vir iOS is bekendgestel met die vrystelling van die iPad 2 wat op 2 Maart 2011 tydens ’n Apple mediageleentheid. Die toep is sewe dae later vrygestel.[10] Op 7 Maart het Tim Cook ’n opgedateerde weergawe van iMovie vir iOS bekendgestel saam met die 3de generasie iPad.
Verwysings
[wysig | wysig bron]- ↑ (en) Apple Computer (5 Oktober 1999). "Apple se iMovie-sagteware bring digitale videoredigering na verbruikers en klaskamers". Apple PR. Internet Archive. Besoek op 23 Desember 2006.
- ↑ Apple Computer (7 Januarie 2003). 07ilife.html "Apple stel iLife bekend". Apple PR (in Engels). Apple Computer. Geargiveer vanaf die oorspronklike op 8 Junie 2011. Besoek op 23 Desember 2006.
{{cite web}}: Check|url=value (hulp) - ↑ system requirements "Stelselvereistes" (in Engels). Geargiveer vanaf die oorspronklike op 20 Augustus 2014.
{{cite web}}: Check|url=value (hulp) - ↑ Parker, Nathan (14 Mei 2008). "Hoe om iMovie '08 op 'n G4-Mac te laat werk" (in Engels). Truth is Still Truth. Geargiveer vanaf die oorspronklike op 14 Februarie 2012.
- ↑ Pogue, David (27 Augustus 2007). "Apple neem 'n tree terug met '08" (in Engels). New York Times. Geargiveer vanaf die oorspronklike op 30 September 2019. Besoek op 30 Januarie 2008.
- ↑ (en) "iMovie HD 6 steeds beskikbaar vir iLife '08-gebruikers". MacFixIt.com. 10 Augustus 2007. Besoek op 11 Augustus 2007.
- ↑ Chris Foresman (27 Januarie 2009). "iMovie HD vervaag in die eter na Apple die aflaai verwyder" (in Engels). Ars Technica. Geargiveer vanaf die oorspronklike op 2 Mei 2012. Besoek op 30 Januarie 2009.
- ↑ Snell, Jason. "iLife, iWork, Aperture nou beskikbaar op Mac-toepwinkel" (in Engels). Geargiveer vanaf die oorspronklike op 9 Oktober 2019. Besoek op 22 April 2012.
- ↑ Serenity Caldwell (7 Junie 2010). "iMovie nou 'n komende aanlokking vir die iPhone" (in Engels). Geargiveer vanaf die oorspronklike op 10 Junie 2010. Besoek op 12 Mei 2012.
- ↑ Rosa Golijan (14 Junie 2010). "Addisionele iMovie iPhone-toep besonderhede glip uit" (in Engels). Geargiveer vanaf die oorspronklike op 14 Junie 2018.
Eksterne skakels
[wysig | wysig bron]
| Hierdie artikel is in sy geheel of gedeeltelik vanuit die Engelse Wikipedia vertaal. |
