Helpmekaar Studiefonds
Die Helpmekaar Studiefonds is ‘n organisasie sonder winsoogmerk wat studielenings met ‘n baie lae rentekoers beskikbaar stel aan Afrikaanssprekende studente wat verder wil studeer aan universiteite en ander goedgekeurde onderriginstellings. Dit het kantore in Bellville, Kaapstad en Cresta, Johannesburg.
Geskiedenis
[wysig | wysig bron]Na die Maritz-rebellie van 1915 was daar enorme eise om skadevergoeding teen die rebelle deur winkeliers, boere en munisipalitiete vir die skade wat hulle berokken is. Boonop was die rebelle opgesaal met reusagtige boetes en ander is tot tronkstraf veroordeel. Baie Afrikanergesinne is in ellende gedompel en hele gemeenskappe (veral in die Vrystaat) is platgeslaan. Onder leiding van dr. C.P. van der Merwe is in Betlehem, Lindley en Reitz met ‘n fondsinsameling begin om die nood te verlig en mense van ekonomiese ondergang te red. Die geesdrif om die noodlydendes te help het nie net tot die Vrystaat beperk gebly nie. Landswyd het kerke deur tot deur kollektes gereël, basare en konserte is gehou en ruim skenkings is ontvang. Die insameling het die verbeelding van die bevolking aangegryp. In die Kaapprovinsie neem Die Burger met sy redakteur, dr. D.F. Malan, die leiding en verklaar 10 November 1917 tot Helpmekaardag, die dag waarop al die benodigde geld ingesamel moet wees. Oom Japie Helpmekaar van die Paarl skenk £500 aan die koerant se veldtog op voorwaarde dat ander mense bydra tot ‘n ”honderdpondlys”. Nadat aan al die eise om skadevergoeding voldoen en die boetes en hofonkoste betaal is, was daar ‘n enorme oorskot. ‘n Groot opwelling van Afrikanernasionalisme was dus na die terugslag van die Tweede Vryheidsoorlog duidelik sigbaar. Een van die merkwaardigste gebeurtenisse in die geskiedenis van die Afrikanervolk het hom afgespeel. Die Afrikaner was op die ekonomiese herstelpad en dit lei tot die stigting van ekonomiese reuse soos Sanlam, Santam, Bonuskor en Sasbank.
Oorskot
[wysig | wysig bron]Die oorskot van die fondsinsameling is tussen die vier provinsies verdeel in verhouding tot hul bydraes. En hierdie Helpmekaargeld moes omskep word tot ‘n permanente instelling vir finansiële hulp aan Afrikanerstudente. Deur puik beleggings, bemakings en verdere skenkings het die poel beskikbare geld reusagtig toegeneem. Duisende Afrikaanssprekende studente is reeds finansieel ondersteun.
Oom Japie Helpmekaar
[wysig | wysig bron]Jacob Elisa de Villiers (*plaas Waterval (nou Bellingham), Groot-Drakenstein, 31 Desember 1835 - †Paarl, 6 Julie 19210), boer en weldoener
Lees ook
[wysig | wysig bron]Bibliografie
[wysig | wysig bron]- helpmekaarfonds.org
- noordelikehelpmekaarstudiefonds.org