Apartheidsmuseum
Ingang na die Apartheidsmuseum
| |
Plek | Johannesburg |
---|---|
Land | Suid-Afrika |
Openingsjaar | 2001 |
Tipe museum | Geskiedenis |
Webtuiste | www.apartheidmuseum.org |
![](http://upload.wikimedia.org/wikipedia/commons/thumb/e/e9/South_Africa-Johannesburg-Apartheid_Museum001.jpg/220px-South_Africa-Johannesburg-Apartheid_Museum001.jpg)
![](http://upload.wikimedia.org/wikipedia/commons/thumb/a/a0/Ancienne_Mercedes_de_Nelson_Mandela.jpg/220px-Ancienne_Mercedes_de_Nelson_Mandela.jpg)
Die Apartheidsmuseum is 'n museumkompleks in Johannesburg wat aan die uitbeelding van apartheid en die 20ste-eeuse geskiedenis van Suid-Afrika gewy is.[1] Dit is opgerig as deel van Akani eGoli se bod om die Gold Reef City-casino te bou en is deur die argiteksfirmas GAPP en BannieBritz ontwerp. Die museum is in November 2001 geopen.[2]
Ná 1994 is dobbelary in Suid-Afrika gewettig en het die regering 'n dobbelraad daargestel om casino's te lisensieer. Ontwikkelaars is verplig om aan te dui hoe hul voornemende casino toeriste sal lok en die skepping van werkgeleenthede sal stimuleer.
'n Konsortium genaamd Akani eGoli het 'n bod ingesit om die Gold Reef City-casino met 'n aanliggende museum-kompleks, genaamd Vryheidspark (Engels: Freedom Park), op te rig.[3] Die bod was suksesvol en ruimte vir die museum is langs die casino geskep. Die naam Vryheidspark is later na "Die Apartheidsmuseum by Vryheidspark" verander, wat tot omstredenheid en regstappe gelei het.
Die boukoste van die Apartheidsmuseum het sowat R80 miljoen beloop en is deur Akani eGoli betaal. Die museum is as 'n artikel 21-maatskappy geregistreer, wat beteken dat dit as 'n nie-winsgewende organisasie bedryf word en 'n onafhanklike raad van trustees het.[4]
Verwysings
[wysig | wysig bron]- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ "Apartheid Museum". South African History Online (in Engels). Geargiveer vanaf die oorspronklike op 14 Januarie 2019. Besoek op 19 Mei 2015.
- ↑ Business Report Article, iol.co.za
- ↑ Cipro-inskrywing Geargiveer 17 Februarie 2012 op Wayback Machine, cipro.co.za
Eksterne skakels
[wysig | wysig bron]- Amptelike webtuiste
Wikimedia Commons het meer media in die kategorie Apartheidsmuseum.