Alcock en Brown
![](http://upload.wikimedia.org/wikipedia/commons/thumb/6/68/Alcockandbrown_mail.jpg/220px-Alcockandbrown_mail.jpg)
Alcock en Brown was twee vlieëniers wat die eerste ononderbroke vlug oor die Atlantiese Oseaan voltooi het.[1] Hierdie twee Britte, sir John William Alcock (1892–1919) en sir Arthur Whitten Brown (1886–1948), het dié geskiedkundige vlug in 1919 (tussen Newfoundland en Ierland) onderneem.[2]
Die Atlantiese Oseaan is reeds vroeër in 1919 met 'n Amerikaanse NC-4-vliegtuig oorgesteek. Dit moes egter 'n paar landings op eilande langs die pad maak. Alcock en Brown het op 14 Junie van dieselfde jaar die eerste non-stop transatlantiese vlug voltooi.
![](http://upload.wikimedia.org/wikipedia/commons/thumb/b/bf/Alcock.brown.statue.arp.750pix.jpg/220px-Alcock.brown.statue.arp.750pix.jpg)
Hulle het 'n omgeboude Vickers Vimy-bomwerper uit die Eerste Wêreldoorlog vir hulle geskiedkundige vlug aangepas. Die bom-kompartement is vir ekstra brandstof aangewend. Hulle het van St. John's, die hoofstad van die Kanadese provinsie Newfoundland en Labrador, opgestyg. Na 'n vlug van 16 uur en 12 minute land hulle in Clifden in Ierland.[3] Die vliegtuig is met die landing beskadig, omdat hulle in 'n moeras geland het, maar nie een van die vlieëniers is beseer nie.
Winston Churchill het die Daily Mail-prys vir die eerste kruising van die Atlantiese Oseaan in 'minder as 72 uur' aan hulle oorhandig.[4] 'n Week later word die Orde van die Britse Ryk deur George V van die Verenigde Koninkryk in die Windsor-kasteel aan hulle toegeken.
![](http://upload.wikimedia.org/wikipedia/commons/thumb/9/9c/Alcock-Brown-Clifden.jpg/220px-Alcock-Brown-Clifden.jpg)
Alcock sterf op 18 Desember 1919 in 'n vliegongeluk in Frankryk. Brown is op 4 Oktober 1948 oorlede.
Verwysings
[wysig | wysig bron]- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ http://www.aviation-history.com/airmen/alcock.htm
- ↑ "Alcock and Brown's Vickers Vimy biplane, 1919" (in Engels). Science Museum. Geargiveer vanaf die oorspronklike op 21 Oktober 2015. Besoek op 2 Oktober 2013.
- ↑ "₤10,000 for first transatlantic flight (in 72 continuous hours)". Flight magazine. 5 April 1913. p. 393. Besoek op 5 Januarie 2009.