Arabiese See
| Arabiese See | |
|---|---|
 Ligging van die Arabiese See | |
 Kaart van die Arabiese See | |
| Koördinate: | 18°N 66°O / 18°N 66°O |
| Ligging: | Indië, Iran, Jemen, Maledive, Oman, Pakistan, Somalië |
| Soort: | See van die Indiese Oseaan |
| Oppervlakte: | 3 862 000 km² (1 491 000 myl²) |
| Maksimum diepte: | 4 652 meter (15 262 voet) |
| Breedte: | 2 400 km (1 500 myl) |
| Invloei: | Indus, Narmada, Tapti |
| Eiland/e: | Lakkadive, Maledive en Sokotra |
| Nedersettings: | Karatsji, Moembaai, Surat, Thiruvananthapuram |
Die Arabiese See (Arabies: حر العرب Baḥr al 'Arab, Persies: دریای عرب, Oerdoe: بحیرہ عرب, Hindi: अरब सागर, Sanskrit: सिन्धू सागर Sindhusagaraha, letterlike betekenis: See van Sindh) is die see tussen Indië en Arabië.[1] Dit is deel van die Indiese Oseaan en word deur Somalië, Jemen, Oman, Iran, Pakistan, Indië en die Maledive omring. Die oppervlakte daarvan is ongeveer 3 862 000 km² en die maksimum diepte is ongeveer 5 000 meter. Die Arabiese See is ná die Arabiese Skiereiland genoem.
Die Arabiese See word deur 'n denkbeeldige lyn tussen Sokotra in die weste en die Maledive in die ooste van die Indiese Oseaan geskei. Dit het twee randseë: Die Golf van Aden, wat hierdie see met die Rooisee verbind, en die Golf van Oman, wat dit met die Persiese Golf verbind.[2]
Groot stede aan die Arabiese See is Karatsji, Moembaai, Surat en Thiruvananthapuram en die belangrikste riviere wat in die see uitmond is die Indus, die Narmada en die Tapti, almal van die Indiese subkontinent. In Suid-Indië loop die Wes-Ghats parallel tot die Arabiese See se ooskus.
Fotogalery
-
Uitsig oor die Arabiese See. -
Nasa-Satellietbeeld van die Arabiese See. -
Satellietbeeld van Sokotra, die grootste eiland binne die Arabiese See. -
Astola-eiland aan die kus van Beloetsjistan in Pakistan.
Verwysings
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ "Arabian Sea" (in Engels). Encyclopædia Britannica. 9 Mei 2007. Geargiveer vanaf die oorspronklike op 10 Junie 2020. Besoek op 27 April 2019.
Eksterne skakels
Wikimedia Commons het meer media in die kategorie Arabiese See.
