1954

Die jaar 1954 was 'n gewone jaar wat volgens die Gregoriaanse kalender op 'n Vrydag begin het. Dit was die 54ste jaar van die 20ste eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

• 21 Januarie – Die eerste kernaangedrewe duikboot, die USS Nautilus, word te water gelaat in Amerika.
• 26 Januarie – Die Israelse Sharett-kabinet onder leiding van eerste minister Moshe Sharett word bevestig.
• 1 Maart – Die 15-megaton waterstofbom Castle Bravo ontplof op Bikini-atol in die Stille Oseaan, wat een van die ergste gevalle van radioaktiewe besoedeling deur kerntoetsing tot gevolg het.
• 18 April – Gamal Abdel Nasser neem by koning Faroek oor in Egipte. Die land word ’n republiek.
• 22 April – VSA senator Joseph McCarthy begin verhore om die Amerikaanse Leër te ondersoek oor kommunisme.
• 6 Mei – Roger Bannister word die eerste persoon wat die myl in minder as vier minute hardloop, die eerste droommyl.
• 8 Mei – Die Asiatiese Sokkerkonfederasie word in Manila, Filippyne, deur 12 lande gestig.
• 29 Mei – Pous Pius XII verklaar Pous Pius X heilig.
• 15 Junie – Die Unie van Europese Voetbal-assosiasies word in Basel, Switserland, deur 25 lande gestig.
• 16 Junie-4 Julie – Die vyfde FIFA Sokker-Wêreldbekertoernooi word in Switserland gespeel, wat deur Duitsland gewen word.
• 27 Junie – Die wêreld se eerste kernkragsentrale ingewy by Obninsk, naby Moskou.
• 15 Julie – Nooiensvlug van die Boeing 707.
• 29 Julie – The Fellowship of the Ring die eerste deel van J. R. R. Tolkien se The Lord of the rings word gepubliseer.
• 4 Augustus – Nooiensvlug van Brittanje se eerste supersoniese vegvliegtuig, die English Electric Lightning.
• 29 September – 12 Europese lande stig die Europese Organisasie vir Kernnavorsing, bekend as CERN of Cern.
• 2 Oktober – Die Maria van Riebeeck-standbeeld word deur prins Bernhard van Lippe-Biesterfeld onthul.
• 30 November – J.G. Strijdom word Eerste Minister van die Unie van Suid-Afrika.
• 30 November – In Sylacauga, Alabama, val 'n 4 kg meteoriet deur die dak van 'n huis en tref Ann Hodges wat ernstige beserings opdoen in die eerste gedokumenteerde geval waar 'n voorwerp uit die ruimte 'n mens tref.
• 12 Desember – Giovanni Battista Montini (later Pous Paulus VI) word aartsbiskop van Milaan.
• 23 Desember – Die eerste suksesvolle menslike orgaanoorplanting word gedoen: Drs. Joseph Murray en J. Hartwell Harrison plant ’n nier oor op ’n pasiënt vanaf sy tweelingbroer.
• Sasolburg en Uvongo word gestig.

Geboortes

• 1 Januarie – Eric Nobbs, Suid-Afrikaanse akteur († 2022).
• 29 Januarie – Oprah Winfrey, Amerikaanse TV-kletskoningin, besigheidsvrou en aktrise.
• 17 Februarie – Helene Tursten, Sweedse skryfster.
• 18 Februarie – John Travolta, Amerikaanse filmakteur, danser en sanger.
• 9 Maart − Robert Gerard Sands, lid van die Provisionele Ierse Republikeinse Leër (IRA) wat aan 'n hongerstaking gesterf het († 1981).
• 7 April – Jackie Chan, Hongkong-Chinese akteur.
• 9 April – Dennis Quaid, Amerikaanse akteur.
• 16 April – James Cameron, Kanadese regisseur, draaiboekskrywer en rolprentvervaardiger.
• 16 April – Ellen Barkin, Amerikaanse aktrise.
• 17 April – Riccardo Patrese, Italiaanse F1-motorrenjaer.
• 18 April – Rick Moranis, Kanadese komediant .
• 29 April – Jerry Seinfeld, Amerikaanse akteur, komediant.
• 10 Mei – Artūras Barysas, Litause kunstenaar († 2005).
• 7 Junie – Jan Theuninck, Vlaamse skilder en digter.
• 14 Junie – Mhlobo Jadezweni, Suid-Afrikaanse akademikus en skrywer.
• 17 Junie – Pedro Filho, Brasiliaanse reeksmoordenaar († 2023).
• 22 Junie – Freddie Prinze, Amerikaanse akteur († 1977).
• 28 Julie – Hugo Chávez, staatspresident van Venezuela († 2013).
• 17 Julie – Angela Merkel, Duitse bondskanselier.
• 3 Augustus – Divan Serfontein, Suid-Afrika se nege-en-dertigste Springbokkaptein.
• 12 Augustus – François Hollande, Franse president (2012–2017).
• 30 Augustus – Aleksandr Loekasjenko, Belarus president.
• 18 September – Steven Pinker, Kanadees-Amerikaanse taalkundige, eksperimentele sielkundige en skrywer van wetenskaplike boeke.
• 21 September – Shinzo Abe, Japannese politikus († 2022).
• 24 September – Helen Lederer, Engelse aktrise en skryfster.
• 25 September – Nigel Morgan, Britse en Suid-Afrikaanse veiligheidskonsultant wat noue bande met Suid-Afrika se intelligensiedienste gehad het († 2018).
• 17 Oktober – Thomas Davenport, Amerikaanse kennisbestuurkundige.
• 24 Oktober – Malcolm Turnbull, Eerste Minister van Australië.
• 5 November – André le Roux du Toit, Afrikaanse skrywer, digter en musikant.
• 14 November – Condoleezza Rice, Amerikaanse diplomaat.
• 15 November – Aleksander Kwaśniewski, Poolse politikus en joernalis, derde staatspresident van die Derde Poolse Republiek.
• 21 November – Carrol Boyes, Suid-Afrikaanse kunstenaar, ontwerper en sakevrou († 2019).
• 3 Desember – Etienne van Heerden, Suid-Afrikaanse skrywer.
• 4 Desember – Tony Todd, Amerikaanse vervaardiger, en regisseur († 2024).
• 9 Desember – Jean-Claude Juncker, Luxemburgse politikus.
• 11 Desember – Susanne Beyers, Suid-Afrikaanse aktrise en skrywer.
• 18 Desember – Ray Liotta, Amerikaanse akteur († 2022).
• 20 Desember – Jay Naidoo, Suid-Afrikaanse aktivis, politikus en oud-kabinetminister.
• 21 Desember – Gysie Pienaar, Suid-Afrikaanse rugbyspeler en Springbokheelagter.
• 25 Desember – Ragheed al-Tatari, voormalige politieke gevangene in Sirië.
• 28 Desember – Denzel Washington, Amerikaanse akteur.

Sterftes

• 29 Januarie – Helena Barry-Hofmeyr, Nasionale Partylid van die Vrystaatse Provinsiale Raad (* 1887).
• 10 April – Auguste Lumière, Franse rolprentmaker (* 1862).
• 10 April – Pieter Nicolaas van Eyck, Nederlandse digter, hoogleraar aan die Universiteit van Leiden en literêre kritikus (* 1887).
• 14 Mei – Heinz Guderian, Duitse generaal tydens die Tweede Wêreldoorlog (* 1888)
• 19 Mei – Charles Edward Ives, Amerikaanse modernistiese komponis (* 1874).
• 7 Junie – Alan Turing, wiskundige, rekenaarwetenskaplike (* 1912).
• 21 Junie – Gideon Sundback, Sweedse uitvinder, word geassosieer met die ontwikkeling van die ritssluiter (* 1880).
• 13 Julie – Frida Kahlo, Meksikaanse skilder (* 1907).
• 3 Augustus – Colette, Franse skrywer (* 1873).
• 28 Augustus – Leonid Sherwood, Russiese beeldhouer en argitek (* 1871).
• 3 November – Henri Matisse, Franse kunstenaar (* 1869).
• 13 November – Ewald von Kleist, Duitse veldmaarskalk (* 1881).
• 15 November – Lionel Barrymore, Amerikaanse akteur (* 1878)
• 8 Desember – Ernest Brown Babcock, Amerikaanse plantgenetikus (* 1877).