TFBOYS
TFBOYS | |
---|---|
![]() 喺廣州嘅北京路步行街(近西湖路口)嚿廣告牌,有印咗同「TFBOYS」樂隊有關啲人物。 | |
組合 | |
原名 | The Fighting Boys |
活躍年代 | 2013— |
經紀公司 | 北京時代峰峻文化藝術發展有限公司 |
網站 | http://www.tfent.cn/ |
相關團體 | TF家族 |
現任成員 | |
王俊凱、王源、易烊千璽 |
TFBOYS(英文全名:The Fighting Boys),係中國大陸一個男子組合,由王俊凱、王源同易烊千璽3位成員組成。樂隊喺2013年8月6號正式開始入娛樂界[1],第一份音樂作品係2013年10月份發佈嘅《Heart 夢·出發》嘅專輯。
背景
[編輯]「TF家族」
[編輯]「TF家族」係北京時代峰峻文化藝術發展有限公司屬下嘅少年藝術培訓機構同培訓品牌,佢專門用免費培訓、自願出道嚟吸引未成年嘅男學生嚟加入培訓。而TFBOYS成員王俊凱、王源,喺出道之前分別係第二批同第三批嘅實習生。
出道初期
[編輯]![](http://upload.wikimedia.org/wikipedia/commons/thumb/8/8b/%E6%88%91%E7%9A%84%E7%94%9F%E5%91%BD%E5%9C%A8%E7%AD%89%E4%B8%80%E6%9D%9F%E5%85%89%EF%BC%8C%E7%9B%B4%E5%88%B0%E4%BD%A0%E5%87%BA%E7%8E%B0%E5%9C%A8%E8%88%9E%E5%8F%B0%E4%B8%8A.jpg/220px-%E6%88%91%E7%9A%84%E7%94%9F%E5%91%BD%E5%9C%A8%E7%AD%89%E4%B8%80%E6%9D%9F%E5%85%89%EF%BC%8C%E7%9B%B4%E5%88%B0%E4%BD%A0%E5%87%BA%E7%8E%B0%E5%9C%A8%E8%88%9E%E5%8F%B0%E4%B8%8A.jpg)
「TF家族」係北京時代峰峻文化藝術發展有限公司喺川渝兩地搞出嘅少男組合,而呢間公司搞嘅實習生模式喺中國大陸嚟講好少見。因為喺TFBOYS入娛樂界之前,中國大陸幾乎見唔到好似TWINS或BOY'Z呢啲咁出名嘅本土偶像組合。雖然中國大陸好多經紀公司成日都搞呢單嘢,但都係肥嗮。而TF家族用嘅係免費培訓兼唔影響學業嚟吸引靚仔同有樣嘅未成年男仔嚟做實習生,而搞出咗第一批同第二批實習生出嚟。而二期實習生入面,其中王俊凱就係因為表現得比較好,所以就直接入咗一期生嘅範圍入面搞培訓[2]。
TF家族喺2011年9月借住佢嘅EP——《我不要改變》嚟入娛樂界,但係達唔到目標而肥佬,搞到樂隊差啲要解散。喺2011年12月24號晚黑,好多實習生就喺TF家族入面,以最後一次喺短片入面出現。其中,王源呢位仁兄第一次喺TF家族短片入面出現。
2012年,大部分實習生都離開咗TF家族,凈係得返王俊凱、張瀟、王源同歐陽田戈響度。而北京時代峰峻文化藝術發展有限公司為咗提高上鏡率,喺2012年猛咁畀王俊凱參加名人騷節目,但都係唔掂。不過佢喺2月8號因為單唱《囚鳥》嘅短片搞㷫嗮成個網路,重慶時代峰峻公司借住呢個機會,錄咗好多同王俊凱有關嘅單人唱歌短片,而攞咗比較好嘅成績。
成熟階段
[編輯]喺2013年,熟咗點搞實習生模式嘅北京時代峰峻文化藝術發展有限公司,就開始猛咁搞王俊凱同王源合唱,重有佢嘅家族綜藝節目出嚟。而2013年春,導演黃暾入咗TF家族,其中佢拍嘅第一部MV——《當愛已成往事》就引爆咗成個重慶嘅收視率,甚至成為重慶街坊嘅話題,連重慶嘅地方傳媒都話佢好有潛力。2013年5月31號,王俊凱同王源合唱嘅歌曲——《洋蔥》而引爆咗成個華語地區嘅網路,連五月天樂隊嘅成員——陳信宏,都話要發去佢嘅Facebook度[3][4]。
正式加入娛樂界
[編輯]喺實習生階段積累咗人氣之後,2013年8月6號,北京時代峰峻文化藝術發展有限公司正式推出歌唱組合TFBOYS。
繼續㷫落去
[編輯]2014年春季,TFBOYS成員王俊凱、王源同天宇兄弟一齊影嘅校園情景短劇——《男生學院自習室》而上咗BiliBili首頁。嗰年易烊千璽重喺北京嗰度參加咗嗰時比較㷫嘅《萬萬沒想到》短片嘅角色而刮咗埐「萬萬風」。而呢三位成員甚至喺新浪微博、百度貼吧、QQ空間同埋Instagram等社交平台、重有BiliBili都猛咁俾人傾,而佢嘅微博轉發量甚至超過嗰時最㷫嘅演藝明星。重喺嗰年暑假先後出咗新歌、拍片同搞代言產品嘅活動。尤其喺8月底嘅新歌——《青春修煉手冊》MV重入咗音悅臺嘅排行榜入面。
成員
[編輯]中文名 | 英文名 | 出世 | 出世地 |
---|---|---|---|
王俊凱 | Karry | 1999年9月21號 | 重慶 |
王源 | Roy | 2000年11月8號 | 重慶 |
易烊千璽 | Jackson | 2000年11月28號 | 湖南懷化 |
-
王源
-
易烊千璽
註
[編輯]- ↑ 〈TF家族最年少偶像团体TF BOYS九月正式出道〉. 網易娛樂. 喺2013-08-06搵到.
- ↑ 〈[有料]萬萬沒想到!TFBOYS走紅原因解讀(2)〉. 臺灣新浪新聞. 原著喺2014-08-12歸檔. 喺2014-07-17搵到.
- ↑ 〈五月天Facebook上分享「洋蔥」的頁面〉. 五月天 阿信. 喺2013-06-02搵到.
- ↑ 〈五月天阿信感動 陸童組團唱「洋蔥」尋母〉. TVBS. 原著喺2016-03-05歸檔. 喺2013-06-03搵到.