雪梨海港大橋
閱讀設定
![](http://upload.wikimedia.org/wikipedia/commons/thumb/a/a8/Sydney_harbour_bridge_new_south_wales.jpg/220px-Sydney_harbour_bridge_new_south_wales.jpg)
雪梨海港大橋(英文:Sydney Harbour Bridge)[1][2][3]係澳洲雪梨嘅一座主要大橋,橫跨雪梨港連接雪梨市中心同埋北岸。呢座引人注目嘅橋樑同埋附近嘅雪梨歌劇院構成咗雪梨最出名嘅景色之一。大橋外形似衣架,所以有「衣架」嘅外號[4]。直到1967年為止,雪梨海港大橋係雪梨最高嘅建築。
雪梨海港大橋喺新南威爾士州公共工程處工程師約翰·布拉德菲爾德(John Bradfield)嘅指揮下,喺1932年完工[5]。大橋高過海平線134公尺,同時亦係世界上第5長嘅拱橋。
歷史
[編輯]建議
[編輯]早喺1815年就有人提出起橋樑嘅計劃,嗰陣有建築師建議應該喺北部海港南岸起一座橋樑。
設計
[編輯]![](http://upload.wikimedia.org/wikipedia/commons/thumb/2/23/Sydney_Harbour_Bridge_designs_submitted%2C_1900.gif/220px-Sydney_Harbour_Bridge_designs_submitted%2C_1900.gif)
新南威爾士州公共工程處約翰·布拉德菲爾德(John Bradfield)喺1912年被任命為雪梨海港大橋同埋大都會鐵路建設嘅首席工程師。
雪梨海港大橋嘅招標過程之中,政府收咗26間公司嘅設計提案,之後喺1924年3月24號將合約畀咗英國米德爾斯伯勒都門朗建築公司,報價4,217,721澳元。拱橋嘅設計比懸索橋同埋吊橋嘅提案建議平,亦畀咗更大嘅剛度嚟支撐大量嘅交通需求。
開始起橋嗰陣,雪梨中心商業區(CBD)嘅雪梨地下鐵系統(Sydney underground railways)亦開始起緊,而家叫做城市圈系統。橋梁嘅設計用四線車道,車道兩邊都有兩條鐵路軌道同埋一條小徑。
![](http://upload.wikimedia.org/wikipedia/commons/thumb/0/0e/Aerial_view_of_Sydney_Harbour_-_the_bridge_is_under_construction.jpg/220px-Aerial_view_of_Sydney_Harbour_-_the_bridge_is_under_construction.jpg)
建造
[編輯]![](http://upload.wikimedia.org/wikipedia/commons/thumb/f/fa/Early_construction%2C_Sydney_Harbour_Bridge.jpg/220px-Early_construction%2C_Sydney_Harbour_Bridge.jpg)
1932年1月19號,第一次進行火車測試。雪梨海港大橋經歷咗三個星期嘅測試之後,政府宣布雪梨海港大橋嘅安全冇問題,準備開雪梨海港大橋。
雪梨海港大橋嘅總建造成本係625萬澳幣,直到1988年先至全部找數[6]。
完工
[編輯]雪梨海港大橋喺1932年3月19號(星期六)正式開幕[7]。
參攷
[編輯]文獻
[編輯]- ↑ 〈悉尼海港大桥 (Sydney Harbour Bridge)〉. 新南威尔士州旅游局. 喺28 June 2020搵到.
- ↑ 〈悉尼海港大橋(Sydney Harbour Bridge)〉. 新南威爾士州旅遊局(Destination NSW). 喺28 June 2020搵到.
- ↑ 〈雪梨港灣大橋(Sydney Harbour Bridge)〉. 新南威爾斯州旅遊局(Destination NSW). 喺28 June 2020搵到.
- ↑ "7BridgesWalk.com.au". Bridge History. 原著喺2007年8月29日歸檔. 喺23 October 2006搵到.
- ↑ "Dr J.J.C. Bradfield". Pylon Lookout: Sydney Harbour Bridge. 原著喺2017年8月12號歸檔. 喺18 December 2010搵到.
- ↑ "Sydney Harbour Bridge". sydney.com.au. Sydney Online Pty Ltd. 原著喺2009-10-13歸檔. 喺3 September 2011搵到.
- ↑ Wendy Lewis, Simon Balderstone and John Bowan (2006). Events That Shaped Australia. New Holland. pp. 140–142. ISBN 9781741104929.
來源
[編輯]- Four papers on the design and construction of the bridge in volume 238 of the Minutes of Proceedings of the Institution of Civil Engineers, 1935 Kinley.
- Knezevic, Daniel (1947). The Lost Bridge.
出面網頁
[編輯]
|
- Template:Structurae
- Sydney City Council
- BridgeClimb
- Sydney Harbour Bridge turns 75 – Feature from Daily Telegraph
- Men at work: Sydney's Harbour Bridge – Australian Geographic
- 75th Anniversary Celebrations
- NSW Bike Plan - Bicycle Information for New South Wales
- Sydney Harbour Bridge Webcam
- Sydney Harbour Bridge Webcams