護照
![](http://upload.wikimedia.org/wikipedia/commons/thumb/2/28/Manufacturing_passports_of_the_United_Kingdom.jpg/220px-Manufacturing_passports_of_the_United_Kingdom.jpg)
護照係一國政府發出嘅証書(証明文件),證明持有人身份及國籍,畀佢出國周遊之用。護照上通常有持有人姓名,出世日期,性別同出生地。亦可能會加相甚至生物識別資料。好多時國籍就等同於有公民身份。
有護照唔等於持有人可以入第二啲國,又唔等於有領使保護或其他特權,除非兩國有協議。之不過,有護照通常都表示持有人畀返去簽發國。領使保護權係國際協議,而返國權係簽發國法律所定。有護照唔等於可以響簽發國度住。
史
[編輯]![](http://upload.wikimedia.org/wikipedia/commons/thumb/c/c6/QingPassport.jpg/220px-QingPassport.jpg)
護照喺中世紀歐洲嘅一啲文件可以由當地嘅統治力量頒發畀旅行者,而一般包括持有者可以通過嘅城鎮嘅名單。呢種制度延續到法國,例如,直到1860年。喺呢段時間入面,護照並唔係旅行到海港嘅必須品,呢樣嘢同自由貿易有關,但係需要護照從海港去內陸城填。早期嘅護照經常係咁,但唔係一直都係咁。呢啲護照包括持有者身體嘅描述,而相係直到20世紀前十年,先加埋上去嘅。
喺中國大陸嘅歷史入面,唔同歷史時期會有不同嘅稱呼,例如稱為符、傳、過所、公驗、度牒、路證、通關文牒、安全證書、通行證等。到咗清朝,會根據通行證件嘅證明身份、提請邊境關防檢查機關予以「保護」「關照」、給予通行嘅便利同埋必要嘅協助嘅功能,而將「PASSPORT」呢個詞,喺1845年首次譯做「護照」,重用到今日。
喺世界大戰之後,國際聯盟、聯合國同國際民間航空組織,頒佈咗護照嘅設計同埋特徵嘅指導標準,呢啲指導好大方面上形成現代嘅護照。近幾年就有MRP(Machine Readable passport,機器都讀到嘅護照)統一規定持照人嘅資料頁喺封面嘅內側頁,並有可利用掃描方式畀電腦可判讀嘅資料,節省喺海關驗證所需嘅時間。
近幾年,有一種形勢將生物信息引入護照入面,以改進身份嘅安全性。咁樣就提出咗一個疑問,係咪某啲技術都可以有效噉改進護照呢?由於缺乏可靠嘅結果,美國已經延遲咗引進這項技術。
護照嘅種類
[編輯]- 因為旅行目的嘅公民,頒發嘅係普通護照。
- 頒發畀外交人員嘅係外交護照,用來證明佢哋係所屬國家嘅外交代表。佢哋享受佢哋執行任務時嘅外交特權同豁免權(當所屬國家承認佢地係外交使團中嘅一份子)
- 服務護照發放畀外交使團入面嘅專業同行政人員,好似大使館同領事館嘅隨從人員,呢啲人擁有嘅外交特權同埋豁免權比外交人員少。維也納外交保護公約有詳細規定。
- 某啲國家向因為公務旅行目的嘅政府官員頒發公務護照,呢個取決於國家之間嘅協義,某啲例子入面,持有公務護照嘅外交送信人員可能需要簽證,但係,持有服務護照嘅外交送信人員唔需要簽證,某啲例子入面,公務護照持有者可能會得到免簽,正常護照持有者則需要簽證。
- 團體護照好似學校團體旅行咁,包括喺旅行期間嘅所有細路仔。
護照通常係國際旅遊中都必定要用到,通常係國與國之間嘅邊境時需要使用。但係有啲時候,某啲國家嘅公民出境到另外一個國家時,由於國與國訂立咗某啲契約(如歐盟),可能就唔需要出示護照,但又有可能會以其他身份證明文件來證明身份,如駕駛執照,個人身份證,護照上嘅簽證。
有啲國家為咗控制人口嘅流動,制定咗一種叫做“戶籍”嘅證件。舉個例,如:蘇聯嘅Propiska,所有公民都會擁有咁樣嘅一個證件去控制人口流動。Propiska喺蘇聯政變後嘅俄羅斯得到保留。
同常用身份證明文件一樣,護照好容易俾人盜竊以及偽造。
喺國土內需要護照先可以去第二個地區嘅例子
[編輯]- 英國 - 海外領土
- 中華人民共和國 - 香港同澳門特別行政區擁有自治領既嘅性質,會發行佢哋自己嘅護照同有自己嘅行政領域同入境規例,運作上同國家差唔多。有啲國家同地區對呢兩個地區採取免簽證政策,同時中國嘅居民都需要性質等同護照嘅通行證來往香港同澳門特別行政區。香港同澳門市民如果要進入中國境內,唔可以用香港同澳門簽發嘅護照入境,而須另行申請港澳居民來往內地通行證(回鄉卡)。
- 蘇聯