航行者1號
航行者1號(Voyager 1)係美國太空總署嘅一隻太空探測器,喺1977年9月5號發射,而家已經去到太陽系嘅邊皮,係有史以嚟距離地球最遠嘅人造物體。
1977年9月-1981年12月31號航行者1號飛行軌道
航行者1號 · 地球 · 木星 · 土星 · 太陽
航行者1號喺1977年9月5號喺佛羅里達州Cape Canaveral嘅Cape Canaveral Space Launch Complex 41由泰坦3號E運載火箭發射。雖然佢比航行者2號遲兩星期發射,但因為用咗較短嘅軌道令佢比航行者2號更快去到木星[1]同土星[2]。
航行者1號喺1979年1月開始影木星,並喺1979年3月5號最近木星,離木星中心大約349,000公里[1]。由於越近木星啲相解像度就越高,所以大部分對木星同佢附近嘅嘢都係喺最近木星嗰48個鐘來進行觀察。1979年4月,航行者1號完成咗對木星系統嘅觀察[3]。佢喺木衛一上面發現咗一啲火山活動,係人類第一次喺太陽系另一個天體上面睇倒活火山[1]。
隨後,航行者1號利用木星重力助推前往土星。佢喺1980年11月12號最近土星,離土星雲頂124,000公里。航行者1號探測咗土星環入面嘅複雜結構,研究咗土星同土衛六嘅大氣[4]。航行者1號發現土星上層大氣入面有7%係氦氣,而其他幾乎都係氫[2]。
之後,航行者1號飛向土星最大嘅衛星土衛六,嗰陣啲人已經知佢有大氣層,先鋒11號喺1979年影嘅相睇到土衛六嘅大氣係豐富又複雜嘅,噉增加咗啲人嘅興趣。航行者1號喺飛越土星系統嗰陣飛越土衛六,並接近到6,400公里入面。佢探測咗土衛六嘅大氣成份、密度同壓力。仲測量咗泰坦嘅質量。濃霧令航行者1號無法對泰坦嘅地表進行目視觀察,但對大氣成份、密度同壓力嘅觀察令啲人推測泰坦表面可能有液態碳氫化合物湖[5]。
因為觀測土衛六被認為係好重要,所以為航行者1號調校嘅軌道係畀佢最好噉飛越土衛六,因為靠近土衛六,令航行者1號飛過土星下方並離開咗黃道,結束咗佢嘅行星科學任務[6]。如果航行者1號失敗或去唔倒土衛六,航行者2號嘅軌道就會被改成飛倒土衛六[5]:94並停止訪問天王星同海王星[7]。航行者1號發射嘅軌道唔畀佢去天王星或海王星[6]:155,但可能可以改成由土星去冥王星,並喺1986年抵達[8]。
距離土星約5百萬公里嘅相,喺最接近土星後四天拍攝 | |
|
旅行者1號影嘅土星環入面嘅F環 | |
|
|
太陽系「全家福」
1990年2月14號,航行者1號影咗第一張由太陽系外部影嘅太陽系「全家福」[9]。無耐,佢嘅攝像頭被停用來節省其他設備嘅能源同電腦資源[7]。
1998年2月17號,航行者1號去到離太陽69天文單位嘅地方,並超過先鋒10號成為離地球最遠嘅航天器[10][11]。佢以大約17公里/秒嘅速度離開太陽系[12]。
約翰霍普金斯大學嘅科學家認為航行者1號喺2003年2月入咗終端震波[13],但有其他科學家表示懷疑,並喺2003年11月6號嘅《自然》雜誌上面討論[14]。
2005年5月,NASA一份新聞稿話航行者1號入咗日鞘[15],估計係喺2004年12月15號入嘅,離太陽94天文單位[16][17]。
- ↑ 1.0 1.1 1.2 "Encounter with Jupiter". NASA. 喺August 18, 2013搵到.
- ↑ 2.0 2.1 "Planetary voyage". NASA. 喺August 18, 2013搵到.
- ↑ "Voyager - Images Voyager took of Jupiter". voyager.jpl.nasa.gov (英文). 喺December 23, 2020搵到.
- ↑ "Encounter with saturn". NASA. 喺August 29, 2013搵到.
- ↑ 5.0 5.1 Jim Bell (February 24, 2015). The Interstellar Age: Inside the Forty-Year Voyager Mission. Penguin Publishing Group. p. 93. ISBN 978-0-698-18615-6.
- ↑ 6.0 6.1 David W. Swift (January 1, 1997). Voyager Tales: Personal Views of the Grand Tour. AIAA. p. 69. ISBN 978-1-56347-252-7.
- ↑ 7.0 7.1 "Voyager – Frequently Asked Questions". NASA. February 14, 1990. 原著喺2021年10月21號歸檔. 喺August 4, 2017搵到.
- ↑ "What If Voyager Had Explored Pluto?". 喺September 2, 2015搵到.
- ↑ "Photo Caption". Public Information Office. 喺August 26, 2010搵到.
- ↑ "Voyager 1 now most distant man-made object in space". CNN. February 17, 1998. 原著喺June 20, 2012歸檔. 喺July 1, 2012搵到.
- ↑ Clark, Stuart (September 13, 2013). "Voyager 1 leaving solar system matches feats of great human explorers". The Guardian.
- ↑ Webb, Stephen (October 4, 2002). If the Universe is Teeming with Aliens … WHERE IS EVERYBODY?: Fifty Solutions to the Fermi Paradox and the Problem of Extraterrestrial Life. ISBN 978-0-387-95501-8.
- ↑ Tobin, Kate (November 5, 2003). "Spacecraft reaches edge of Solar System". CNN. 喺August 19, 2013搵到.
- ↑ Fisk, Len A. (2003). "Planetary Science: Over the edge?" (PDF). Nature. 426 (6962): 21–2. Bibcode:2003Natur.426...21F. doi:10.1038/426021a. PMID 14603294.
- ↑ "Voyager Enters Solar System's Final Frontier". NASA. May 24, 2005. 原著喺2019年5月9號歸檔. 喺August 7, 2007搵到.
- ↑ "Voyager crosses termination shock". 喺August 29, 2013搵到.
- ↑ "Voyager Timeline". NASA/JPL. February 2013. 喺December 2, 2013搵到.