翟志剛(1966年10月10號—)係中國太空船神舟七號三個太空人之一,係呢次任務嘅隊長。隊友有劉伯明同景海鵬,佢哋職業都係軍人。
2008年9月27號,翟志剛嚮太空浮出太空船揈五星紅旗,係第一個中國人太空漫步。
翟志剛鄉下係中國大陸黑龍江省齊齊哈爾市龍江縣,阿媽係賣農作物嘅小販。佢係孻仔,有三個家姐同兩個大佬。翟志剛已婚,有一個仔,老婆張淑靜嚮中國太空食物研究部門度做。住北京航天城嘅宿舍。