紅星
![](http://upload.wikimedia.org/wikipedia/commons/thumb/5/5f/Disambig_gray.svg/25px-Disambig_gray.svg.png)
![](http://upload.wikimedia.org/wikipedia/commons/thumb/3/34/Red_star.svg/135px-Red_star.svg.png)
![](http://upload.wikimedia.org/wikipedia/commons/thumb/8/82/Soviet_flag_red_star.svg/150px-Soviet_flag_red_star.svg.png)
紅星(粵拼:hung4 sing1),常見嘅樣係紅色嘅五角星(符號:★),係個常用符號,呢個符號表達嘅含義好多樣,主要係宗敎、政治意味,比如基督教嘅聖誕樹頂有紅星裝飾、意識形態方面有共產主義。呢個符號常見喺呢啲事物度:國徽、國旗、其他類型嘅旗、勳章、節慶裝置、紀念建築、標誌。
自20世紀以來,紅星作爲基於列寧主義嘅共產主義嘅特別符號,用得好多下,佢嘅出鏡同另一個共產主義象徵「金星」(又叫黃星)咁上下多,後者可以喺諸如中華人民共和國國旗、越南現行國旗度見到。而喺蘇聯國旗度,紅星鑲喺金星入面,再搭埋錘同鐮喺塊紅旗度。紅星同錘、鐮嘅組合亦見於其他共產主義旗徽度。
不過紅星呢個符號唔係浄衹共產主義嘅意思,亦有其他嘅用法、含義。
共產主義符號
[編輯]意味
[編輯]作爲共產主義乃至社會主義嘅象徵,五角紅星嘅五隻角有佢嘅意義。有講法話象徵住勞動者勞動所用嘅五隻手指,同時象徵住世界勞動者分佈嘅五大洲;又有種講法話,呢五隻角代表共產主義領導下嘅五個社會群體,即係後生、軍人、工人、農民、學者(泛指知識階層)。紅星一般象徵住共產主義政黨支配、領導下嘅社會新秩序,而呢種秩序據共產主義意識形態嘅睇法,係正義嘅,所以紅星係佢正義嘅表徵。
起源
[編輯]紅星作爲共產主義符號,可以追溯到一戰即將結束時嘅俄國內戰(1917年~1922年)。1917年,同德意志帝國、奧匈帝國打仗嘅俄軍輸咗,被迫撤退到莫斯科,同莫斯科啲守軍撈埋一齊。爲咗分開莫斯科本地守軍同撤退嘅俄軍部隊,守軍軍官喺佢啲士兵嘅帽度加粒五角星。日後呢班莫斯科守軍同蘇聯紅軍、布爾什維克政府合流,啲士兵就將粒五角星塗紅,因爲紅色象徵共產主義,於是就有咗紅星呢個共產主義符號[1]。
有種講法話,紅星係紅軍當中嘅猶太人士兵引入嘅嘢。呢種講法話,喺俄國革命時,啲猶太士兵將俄國當作「應許之地」,相信猶太人會喺俄國企返起身,於是佢哋就將自身標誌嘅猶太星塗紅。呢種講法存疑,唔係幾可靠。呢種講法嘅根由在於排猶同反共有重疊之處,當年俄國革命爆發後,掀起排猶風潮,排猶嘅人始終認爲共產主義起勢係猶太人搞鬼[2]。而實際上猶太人標誌嘅大衛星係六角星,共產主義者嘅紅星係五角星,呢兩樣嘢實質唔同,呢種講法可能撈亂咗佢哋,然後曲解出噉嘅睇法。
除咗傳得最開嘅區分守軍嘅講法外,重有種講法話,紅星源自托洛茨基同尼古拉·奇里靈戈一次會面。1917年,作爲布爾什維克成員,奇里靈戈擔任紅軍總司令官,同時佢亦係個世界語者,所以佢隨身戴住世界語嘅象徵綠星徽章[3]。托洛茨基見到後問粒綠星嘅含義,奇里靈戈介紹話粒星嘅五隻角分別象徵世界五大洲。托洛茨基聽咗後,佢有個諗法,就係啲紅軍士兵都應該有粒紅星喺身,個意頭借自綠星。呢種講法有個問題,在於呢場會面冇證據確定係幾時、邊度嘅事,所以呢種講法堅定流係未知嘅。
-
蘇聯紅軍旗
-
蘇聯紅軍嘅紅星(1918年)
-
拉脫維亞社會主義蘇維埃共和國國徽(1919年~1920年)
用例
[編輯]共產紅星嘅典型用法係用喺共產主義國家嘅國旗、國徽度,例如蘇聯國徽、南斯拉夫國旗,佢哋上面就有粒紅星。另外,西班牙加泰羅尼亞文地區嘅紅版獨立星旗(Estelada),上面嘅紅星係同時作爲分離主義同社會主義嘅象徵來用。
![](http://upload.wikimedia.org/wikipedia/commons/thumb/b/bd/Flag_of_Cuba.svg/220px-Flag_of_Cuba.svg.png)
廣義上,紅底嘅五角星都算做紅星,比如紅底黃星,雖然呢種嚴格講起應該叫金星,不過佢嘅意味同共產紅星非常接近,所以亦睇做係紅星。呢種意味嘅紅底黃星可以喺中華人民共和國國旗、越南國旗見到,其中中國大陸政權國旗叫做「五星紅旗」,越南現時國旗叫做「金星紅旗」。又比如遠東共和國嘅人民革命軍嘅軍裝度有黃星,呢粒星嘅含義同紅星一樣。紅星又會同鐮同錘一齊出場,鐮錘嘜頭通常放喺紅星入面或者下面。不過唔係所有紅底五角星都係共產主義象徵,比如古巴國旗有紅底白星,呢款國旗喺古巴革命之前就用落。
1989年東歐劇變時,有好多東歐國家嘅共產政權崩潰,之後新起嘅政權紛紛脫共,鏟走佢哋國旗、國徽度粒紅星。之後浄低嘅共產國家中,蘇聯喺1991年尾解體,南斯拉夫喺1992年4月27號解體,佢哋從中分離嘅國家都喺旗徽度拋棄紅星。不過從南斯拉夫獨立嘅馬其頓共和國,雖然佢嘅國旗喺獨立後唔再用紅星旗,但佢嘅國徽一直有粒紅星,直到2009年先將國徽頂粒紅星除低。
之後更有啲國家禁紅星。比如匈牙利,喺1993年修改刑法,喺公眾場合用紅星呢個符號屬違法行爲,不過歐洲人權法院根據言論自由裁定喺匈牙利戴紅星係基本人權[4]。亦有啲前共產國保留紅星,比如蘇聯軍嘅繼承軍俄羅斯軍,脫共之後,2002年定紅星作爲俄軍軍徽[5],一直到2014年,俄羅斯軍方先宣佈用新標誌[6]。另外以前作爲蘇聯加盟國嘅現時國家,佢哋嘅軍隊、裝備等有唔少重殘留緊紅星。俄軍方經營嘅新聞紙亦係叫「紅星」(俄文:Кра́сная звезда́,拉丁化:Krasnaya zvezda)。
喺東歐,共產政權時代(1945年~1989年)創立嘅一啲體育會、波隊會用「紅星」做名。比如貝爾格萊德嘅紅星足球會(斯拉夫塞爾維亞文:Црвена звезда,拉丁塞爾維亞文:Crvena zvezda),東德萊比錫嘅「Roter Stern」。不過非共產政權國家嘅波隊都會用「紅星」呢個名,比如法國嘅「Red Star F.C.」,瑞士嘅「FC Red Star Zürich」。
冷戰時,包括美國在內嘅反共主義陣營嘅社會主義者都會用紅星呢個符號。喺西方世界,有時會將紅星作爲激進思想嘅表徵,比如1990年代活躍嘅搖滾樂隊討伐體制樂團,佢哋就用紅星來表示佢哋係激進派。
-
蘇聯國旗(1923年~1955年)
-
蘇聯國旗(1955年~1980年)
-
蘇聯國旗(1980年~1991年)
-
南斯拉夫國旗(1945年~1992年)
-
阿爾巴尼亞國旗(1946年~1992年)
-
馬其頓社會主義共和國國旗(1946年~1991年)
-
南也門國旗(也門民主人民共和國,1967年~1990年)
-
貝寧人民共和國國旗(1975年~1990年)
-
蘇聯海軍艦頭旗
-
蘇聯國徽(1923年~1936年)
-
蘇聯國徽(1946年~1956年)
-
蘇聯國徽(1958年~1991年)
-
蘇聯共產黨嘅黨員徽章
-
中國人民解放軍軍徽
廣義「紅星」
[編輯]實際除咗紅色,作爲共產主義標誌嘅紅星亦可以有以下廣義版本。
-
中華蘇維埃共和國(1931年~1937年)國旗
-
意大利琶鐵山(Partisan)第63旅旗(1943年~1945年)
其他用例
[編輯]除咗共產主義意味,紅星呢個符號又有多種用法,比如徽章(好似開拓使、軍隊嘅徽章)、商標(好似喜力啤酒、梅西百貨、Mozilla瀏覽器嘅嘜頭)。
-
法國嘅軍事獎章(1915年)
-
日本愛國婦人會參等有功章
-
外洋遠航綫紅星航綫(Red Star Line)嘅旗
相集
[編輯]旗
[編輯]-
1912年嘅美國總統旗
-
意大利皇家軍隊嘅旗
-
敘利亞舊國旗
-
津巴布韋國旗
-
匈牙利國旗(1946年~1956年)
-
羅馬尼亞國旗(1965年~1989年)
-
保加利亞國旗(1971年~1990年)
-
香港特區旗
獎章
[編輯]建築、裝飾
[編輯]-
芝加哥大學嘅彩色玻璃紅星圖案
-
美國華府嘅國家聖誕樹嘅紅星裝飾
徽號
[編輯]-
查理士達爾文嘅徽號
-
紐西蘭國徽(1956年)
-
津巴布韋國徽(1981年)
-
Pierre de Lannoy嘅徽號(1445年~1510年)
-
阿爾及利亞國徽(1971年)
-
敘利亞國徽(1930年~1958年、1961年~1963年)
-
吉布提國徽(1977年)
-
法國當山省(Puy-de-Dôme)疏希阿(Chauriat)徽章
-
巴西美那斯謝拉斯州(Minas Gerais)徽章
-
奧地利豐他尼拉(Fontanella)徽章
-
突尼斯國徽
-
斯瓜德里也·卡浦羅尼(Squadriglia Caproni)徽號(1918年)
-
德國靠斯多夫(Kaulsdorf)徽章
-
西班牙安達盧西亞可達(Jódar)徽章
-
意大利國徽
-
英國牛津大學薩默維學院(Somerville College)徽章
有關嘅書
[編輯]- Bogdanow, Alexander A. (亞歷山大·亞歷山德羅維池·波格打諾夫). 《Der Rote Stern》 (德文). ISBN 9783867411974.
- Edgar Snow(艾德嘉·史諾) (1994年). 《Red Star over China:The Classic Account of the Birth of Chinese Communism》 (英文). Grove Press. ISBN 9780802150936.
- 作者:(美)埃德加·斯諾;譯者:董樂山 (1979年). 《《西行漫記:紅星照耀中國》》 (簡體中文). 生活·讀書·新知三聯書店.
- 作者:(美)埃德加·斯諾;譯者:董樂山 (2005年). 《《西行漫記:紅星照耀中國》》 (簡體中文). 東方出版社. ISBN 9787506020732.
- 作者:(美)埃德加·斯諾;譯者:董樂山 (2011年). 《《紅星照耀中國》》 (簡體中文). 作家出版社. ISBN 9787506020732.
- 長辛店機車車輛工廠廠史編委會 (1960年). 《《北方的紅星:長辛店機車車輛工廠六十年》》 (簡體中文). 作家出版社.
- 今村匡平 (1967年). 《《赤い星の下で 解放軍々医留用8年の記録》》 (日文). 信每書籍出版部.
- 金贊汀 (1988年9月). 《《日の丸と赤い星 中国大陸の朝鮮族を訪ねて》》 (日文). 資訊中心出版局(情報センター出版局). ISBN 4-7958-0832-5.
攷
[編輯]- ↑ Khvostov, Mikhail (1996年). 《The Russian Civil War (1) The Red Army (譯:俄國內戰【一】紅軍)》. Men-At-Arms. ISBN 1-85532-608-6.
- ↑ 〈隱蔽的真相:布爾什維克領導都是猶太人〉. 新浪讀書. 2012年7月10號. 喺2015年10月28號搵到.
- ↑ 綠星係世界語象徵,佢哋有自己嘅旗綠星旗。
- ↑ 〈Wearing a red star in Hungary 'is a basic human right' (譯:喺匈牙利戴紅星「係基本人權」)〉 (英文). Earth Times(地球時報). 原著喺2020年8月6號歸檔. 喺2015年11月11號搵到.
- ↑ 〈外軍掠影:軍事轉型中的俄羅斯軍隊〉. 《解放軍報》. 人民網. 2007年8月13號. 原著喺2016年3月4號歸檔. 喺2015年11月11號搵到.
- ↑ 〈Russian Defense Ministry Reveals New Military Symbol (譯:俄羅斯國防部透露新軍隊標誌)〉 (英文). The Moscow Times(莫斯科時報). 2014年6月19號. 喺2015年11月11號搵到.