筆劃輸入法
閱讀設定
![](http://upload.wikimedia.org/wikipedia/commons/thumb/0/02/Nokia_3230_keypad.jpg/220px-Nokia_3230_keypad.jpg)
筆劃輸入法(粵讀:bat¹ waak⁶ syu¹ jap⁶ faat³,英文:Stroke input method)係一種按照嘅筆劃順序輸入相應筆劃嘅字碼嚟輸出漢字嘅中文輸入法,佢喺手提電話上極之常見。
字碼分類
[編輯]筆劃輸入法中嘅筆劃類似永字八法中嘅分類,分為橫、豎、撇、點同折。佢同時間上較早出現嘅五筆劃輸入法基本相同。
![](http://upload.wikimedia.org/wikipedia/commons/d/d4/Chinese_Stroke_Input_Method.jpg)
基本筆劃 | 相應數字鍵 | 說明 |
---|---|---|
橫(一) | 1 | 剔歸為橫。基本運筆方向:由左至右 |
豎(丨) | 2 | 豎鉤歸為豎。基本運筆方向:由上至下 |
撇(丿) | 3 | 基本運筆方向:由上至左下(注意撇同剔之區別) |
點(丶) | 4 | 捺歸為點。基本運筆方向:由左上至右下(注意左點亦包括在內) |
折(乛) | 5 | 包含各種帶折嘅筆劃(注意左豎鉤除外) |
取碼原則
[編輯]所有筆劃全取。喺輸入時,軟件會自動搵出相關嘅字,所以通常都唔使輸入全碼。
例字 | 取碼(相應數字鍵) |
---|---|
口 | 丨乛一(251) |
合 | 丿丶一丨乛一(341251) |
細 | 乛乛丶丶丶丶丨乛一丨一(55444425121) |
取碼上要注意嘅地方
[編輯]- 字型相似,但取碼唔同,例:有(一丿丿乛一一)、冇(一丿丨乛);衤(丶乛丨丿丶)、礻(丶一丿丨丶)
- 部首相同,但取碼唔同,例:雨(一丨乛丨丶丶丶丶)、雪(一丶乛丨丶丶丶丶乛一一)
- 取碼字型同所得字型唔同,例:次(「一一丿乛丿丶」,而唔係「丶一丿乛丿丶」;注意:次嘅部首為欠部,而唔係冫部)
- 個人筆順錯誤,例:辵部嘅字(如「迫」、「還」等)應先取右邊,後取左邊;耳(「一丨丨一一一」,而非「一丨一一一丨」)
編碼訛誤
[編輯]「麥」字嘅筆順應係「一丨丿丶丿丶丿丶丿乛丶」,但部分手機上嘅筆劃輸入法就用咗「一丿丶丿丶丨丿丶丿乛丶」,導致所有麥部嘅字嘅編碼都錯咗。
(疑義:但其實漢字嘅筆順並無明確、硬性嘅規定,即使當地政府相關部門有所規範)
特點
[編輯]優點 | 不足 |
---|---|
同拼音輸入法相比,可輸入識寫唔識讀嘅字 | 唔適合輸入識讀唔識寫嘅字 |
編碼鍵少,得5個(一般都會再增加一個代表所有五類筆劃嘅通用鍵,用於唔知道某筆劃屬於邊類或唔記得某筆劃點寫時),操作簡單 | 由於編碼鍵少,部份漢字可能需要輸入較多嘅筆劃先可以出現所需字 |
喺當前寫字嘅機會越來越少嘅時代,有助使用者鞏固同提高對漢筆劃、及漢字筆劃順序嘅記憶 | 需要對每個漢字嘅筆順進行熟練嘅記憶,平時唔注重漢字筆順嘅人用起嚟有一定難度 |