波里活
閱讀設定
![](http://upload.wikimedia.org/wikipedia/commons/thumb/f/f5/Alam_Ara_poster%2C_1931.jpg/220px-Alam_Ara_poster%2C_1931.jpg)
波里活(英文:Bollywood,意思係孟買荷里活),中國大陸叫寶萊塢,專門指印度孟買嗰啲出產歌舞片嘅電影工場。
響波里活主要係出產印地語嘅影片,亦有烏爾都語嘅詩歌片作品,特色係響片度英語對白同歌曲嘅成分逐年遞增緊。唔少影片響對白度經常都溝好多英文單詞同片語,甚至成句用英語講曬。響波里活度一個電影經常要錄製成兩、三種語言嘅版本好推出去唔同嘅市場。
印度仲有其它幾個主要影視基地(泰米爾語電影:Kollywood,泰盧固語同孟加拉語電影:Tollywoord,坎拿達語同馬拉亞拉姆語電影:)。渠哋構成咗印度嘅龐大電影業,每年出產幾千部電影,票房銷量居全世界首位。波里活對印度甚至成個南亞次大陸、中東同非洲嘅流行文化都有深遠嘅影響,又通過啲南亞嘅移民帶去成個世界。