李嘉誠
| Dr The Honourable Sir Ka-shing Li 李嘉誠爵士 | |
|---|---|
 | |
| 出世 | 1928年7月29號 中華民國廣東省潮安縣 |
| 屋企 |  香港 |
| 國籍 | 中國（香港） 加拿大[1] |
| 母校 | 北門街觀海寺小學 |
| 職業 | 長江和記實業高級顧問 長江實業集團高級顧問 [2]李嘉誠基金會主席 [3] |
| 淨資產 | ▲330億美元（2017年6月）[4] |
| 配偶 | 老婆兼表妹：莊月明（1963年結婚，1990年逝世） |
| 親屬 | 父：李雲經（1943年病逝[5]） 母：莊碧琴（1986年逝世） 舅父兼外父：莊靜庵（1995年10月13號逝世） 舅母兼岳母：邱碧雲（2002年4月14號逝世） 二細佬：李嘉昭（2001年6月病死） 三細佬：李嘉宣（已逝世） 妹：李素華 大仔：李澤鉅 大心抱：王富信 細仔：李澤楷 舅仔：莊學山 |
| 獎項 | |
| 網站 | 長江和記實業有限公司董事局主席網頁 長江實業地產有限公司董事局主席網頁 |
李嘉誠爵士，GBM，KBE，JP（英語：Sir Ka-shing Li，1928年7月29號—），花名「李超人」、「誠哥」，係香港嘅國際企業家，香港同亞洲首富；創立香港最大嘅企業集團長江實業，搞過房地產、能源業、網路業、電信業、媒體、超市。
家庭
[編輯]老婆係莊月明，李嘉誠嘅表妹兼髮妻。佢老豆莊靜庵係香港第一代鐘表商，創辦咗中南鐘表有限公司。
政治立場
[編輯]佢喺政治上係建制陣營（商界親中派）嘅支持者，喺第4屆香港行政長官選舉支持唐英年[16]。
2016年旺角警民衝突爆發，3月17號，佢响業績記者會上就社會事件表態，以大唐章懷太子李賢詩句「黃台之瓜，何堪再摘」勸諫香港市民「唔好嘅嘢，唔好再搞落去」，指「就算對政治有唔同看法，都要由香港利益出發，唔可以傷害香港」。佢亦反對香港獨立運動，反問「香港有乜資格獨立？」，話大部分香港市民唔會認同，係脫離現實。
2019年夏天，香港修例風波爆發，8月16號，佢以「一個香港市民李嘉誠」名義，响香港主要報紙頭版或內頁登成版廣告（蘋果日報 (香港)除外），佢嘅訊息有兩款，一則係簡單八個字「黃台之瓜，何堪再摘。」（登响東方日報、大公報、頭條日報、晴報、信報等）；另一則中間有反暴力撈稿，上便寫「最好嘅因、可成最壞嘅果」，左便寫「愛自由、愛包容、愛法治」，右便寫「愛中國、愛香港、愛自己」，下便寫「以愛之義、止息怒憤」，各攞尾字可連成「因果由國，容港治己，義憤民誠」之句（登响明報、星島日報、成報、文匯報 (香港)、香港商報、經濟日報等）。而且「黃台之瓜，何堪再摘」呢句話係出自大唐章懷太子李賢，佢曾經响2016年3月回應旺角暴動事件時亦都有引用。
佢嘅發言人話，登廣告主要係因為佢認為「香港長期繁榮穩定，在於一國兩制行穩致遠」，今日香港要停止暴力，堅守法治。而且有兩種廣告係因為「目前香港形勢複雜，好難用單一語言或者溝通方法回應」，而且後生仔嘅聲音「震耳欲聾」，佢相信港府已經喺度絞盡腦汁諗計仔。佢亦支持繼續投放資源喺青年工作，永遠唔會後悔，因為投資青年就係投資未來。佢寄語後生仔「唔好讓今日嘅激情，成為聽日嘅遺憾」。
9月12號，中央政法委微信公眾號「長安劍」發表文章《李嘉誠出聲，究竟邊個應該畀香港後生仔「網開一面」？》，批評佢去慈山寺為香港祈福時希望港府對「未來嘅後生仔網開一面」、後生仔能夠體諒大局嘅言論係「縱容暴力」。之後，佢透過發言人發表聲明回應，對自己嘅日前嘅言論被曲解，表示十分遺憾，重話咁多年已經慣咗嗰啲莫須有嘅指責，永遠會虛心接受批評，但最緊要嘅係「寬容唔等於縱容，唔等於當法律程序冇到」，重申自己唔接受對任何暴力同埋衝擊法治嘅行為，希望各方能夠尋求空間進行對話。
對於上述嘅批評，佢話呢啲係有啲人別有用心散播惡毒猜疑同埋放流料，破壞互信，自己「呢個時候要唔招風雨」，確係唔容易。後嚟，全國政協常委、星島新聞集團主席何柱國响11月30號嘅《星島日報》A7成版登咗篇文《我所認識嘅李嘉誠先生》，用李嘉誠基金會嘅「應急錢計劃」做例子，指出李嘉誠「生冒住承受蜚短流長嘅風險，堅持挺身而出解中小企於倒懸，皆因明白到：作為愛國愛港嘅社會領袖，有責任為社會穩定出錢出力」，佢「係一個百分百嘅愛國愛港嘅人」。
公職
[編輯]碎料
[編輯]部份金句
[編輯]喺2015年，亞洲電視陷入財政問題，有記者喺長和系1月9號一個記者會問李嘉誠會唔會想收購亞視，結果佢回應「你估我好得閒？」，成為一時熱話[16]。
攷
[編輯]- ↑ From Hong Kong to Canada and back: the migrants who came home from home，南華早報，2013年5月8號
- ↑ 〈李嘉诚："说真话 做实事 有贡献"〉。《亞太日報》。2013年3月27號。原著喺2013年3月30號歸檔。
- ↑ 〈李嘉诚宣布退休长子接棒 曾连续20年成为香港首富〉 (中文)。2018年3月16號。原著喺2018年3月19號歸檔。喺2018年3月23號搵到。
- ↑ "Li Ka-shing". Forbes. 喺2015年5月14號搵到.
- ↑ 李嘉诚庄月明的传奇爱情，中國網，2007年7月26日
- ↑ 〈太平紳士網頁〉 (繁體中文)。香港特別行政區政府太平紳士網頁。
- ↑ 〈李嘉誠 - 檔案 - 名譽博士學位畢業生 - 香港大學名譽博士學位畢業生〉 (繁體中文)。香港大學。
- ↑ "SUPPLEMENT No. 1 to Issue 51578". 1988年12月30號. p. 16.
- ↑ 〈名誉博士学位批准、授予名单（截至2008年12月）〉 (XLS) (簡體中文)。中華人民共和國教育部。第36項
- ↑ 演講辭：〈交流學術 文明普照 香港科技大學榮譽博士學位頒授儀式〉 (繁體中文)。李嘉誠基金會。
- ↑ 第53屆大會 (1997) | 頒授學位典禮 | 香港中文大學 互聯網檔案館嘅歸檔，歸檔日期2020年3月20號，.，香港中文大學 （繁體中文）
- ↑ 〈榮譽社會科學博士李嘉誠先生讚辭〉 (PDF) (繁體中文)。香港城市大學。
- ↑ 香港公開大學簡介 - 榮譽博士及院士 | 香港公開大學，香港公開大學 （繁體中文）
- ↑ "London Gazette SUPPLEMENT No. 1". 2000年6月19號. p. 24.
- ↑ 〈李嘉誠先生獲法國總統頒授榮譽軍團司令勳章〉 (中文)。香港：李嘉誠基金會。2005年1月24號。
- ↑ 16.0 16.1 陳淑霞 (2018-03-16)。〈【李嘉誠退休】重溫18金句 難忘何止「富貴如浮雲」〉。《香港01》 (香港中文)。喺2022-02-22搵到。
- ↑ 〈組織架構 - 香港再出發大聯盟 - 官方網站〉。www.hkcoalition.com。喺2023-11-09搵到。
- ↑ 〈香港再出發大聯盟團結各界〉。www.takungpao.com.hk。喺2023-11-09搵到。
出面網頁
[編輯]
- "Li Ka-shing". 《福布斯》 (英文).
- 香港網絡大典：李嘉誠