完形心理學
閱讀設定
完形心理學(粵拼:jyun4 jing4 sam1 lei5 hok6;英文:Gestalt psychology;德文:Gestaltpsychologie),又音譯做格式塔心理學,係個心理學門派,由德國心理學家韋特墨、苛勒同考夫卡喺20世紀頭創立。呢個學派主張人腦嘅感知係整體嘅。
完形原則
[編輯]根據完形心理學嘅研究,人嘅心靈傾向憑以下原則組織見到嘅嘢,例如[1]:
- 接近原則(law of proximity):當一個人見到一柞同類物件嗰陣,會傾向將離彼此相近、離組外物件遠嗰啲當做同一組,例如係下面有兩幅圖,左手邊嗰幅會傾向俾人當做「一柞圓圈」,而右手邊嗰幅就會傾向俾人睇做「三組圓圈」[2]。
![](http://upload.wikimedia.org/wikipedia/commons/thumb/2/22/Gestalt_proximity.svg/450px-Gestalt_proximity.svg.png)
- 相似原則(law of similarity):當一個人見到一柞物件嗰陣,傾向將外形上相似嘅當做一組-「外形上相似」可以包括形狀、色水、以及第啲外形上嘅特徵。以下圖為例,人傾向將灰色圓圈睇做一組,同埋將黑色圓圈睇做一組[2]。
![](http://upload.wikimedia.org/wikipedia/commons/thumb/8/8f/Gestalt_similarity.svg/240px-Gestalt_similarity.svg.png)
- 封閉原則(law of closure):人傾向將物件視為完整嘅,並且忽略物件嘅缺口(只要啲缺口唔大得滯)。好似係下面嗰幅圖噉,下圖當中查實並冇任何完整嘅圖形,但多數人望到幅圖都會話自己見到一個圓形同一個四方形-忽略咗嗰啲細嘅缺口[2]。
![](http://upload.wikimedia.org/wikipedia/commons/thumb/3/30/Gestalt_closure.svg/390px-Gestalt_closure.svg.png)
![](http://upload.wikimedia.org/wikipedia/commons/thumb/0/02/Rubin%27s_Vase.png/270px-Rubin%27s_Vase.png)
- 多穩態(multistability):廣義上係指一個系統有多個穩定嘅均衡點,個系統可以喺呢啲均衡點之間變換,不過均衡點之間嗰啲狀態係唔穩定嘅[3];喺完形心理學上,多穩態嘅概念可以用附圖 1 噉嘅方式想像:附圖 1 幅影像可以睇成一個花樽,但又可以睇成兩塊人面互相對住;根據廿世紀嘅完形心理學,噉係因為一個睇緊幅圖嘅人腦有兩個均衡點-「將幅圖睇成花樽」同埋「將幅圖睇成兩塊人面互相對住」,而呢兩個均衡點之間嘅狀態係唔穩定嘅,所以個腦傾向一進入呢啲唔穩定嘅狀態,就即刻變換返去是但一個均衡點度;除此之外,個腦唔可以同時處於兩個均衡點,所以受試者會發覺自己冇得「同時將幅圖睇成花樽又睇成兩塊人面」[4]。
睇埋
[編輯]攷
[編輯]- ↑ Todorović, D. (2007). W. Metzger: Laws of Seeing. Gestalt Theory, 28, 176-180.
- ↑ 2.0 2.1 2.2 Soegaard, Mads. "Gestalt Principles of form Perception 互聯網檔案館嘅歸檔,歸檔日期2019年10月27號,.". Interaction Design.
- ↑ Kelso, J. A. (2012). Multistability and metastability: understanding dynamic coordination in the brain. The Royal Society, 908-916.
- ↑ Design Principles: Visual Perception And The Principles Of Gestalt. Smashing Magazine.