子彈
![](http://upload.wikimedia.org/wikipedia/commons/thumb/f/f5/Cartridge_Sample_2.jpg/200px-Cartridge_Sample_2.jpg)
1).17 HM2 2) .17 HMR 3) .22LR 4) .22 Winchester Magnum Rimfire (.22 WMR) 5) .17/23 SMc 6) 5mm/35 SMc 7) .22 Hornet 8) .223 Remington 9) .223 WSSM 10) .243 Winchester 11) .243 Winchester Improved (Ackley) 12) .25-06 Remington 13) .270 Winchester 14) .308 Winchester 15) .30-06 Springfield 16) .45-70 Government 17) .50-90 Sharps
![](http://upload.wikimedia.org/wikipedia/commons/thumb/e/ea/Ammunitions_in_Chinese_Military_History_museum.jpg/200px-Ammunitions_in_Chinese_Military_History_museum.jpg)
![](http://upload.wikimedia.org/wikipedia/commons/thumb/8/84/7.62x39_-_FMJ_-_1.jpg/220px-7.62x39_-_FMJ_-_1.jpg)
子彈係指用喺槍、炮,發射拋射物體(Projectile)嘅消耗品[1]。
現代嘅子彈通常由以下各部份組成:彈頭、彈殼、火藥、同埋底火。
- 彈頭 - 實際射向目標嘅物件
- 彈殼 - 裝載住所有部件嘅外瞉
- 火藥 - 提供將彈頭射出去嘅動力嘅化學物品
- 底火 - 引燃火藥嘅部件
彈頭(bullet)經常俾人錯誤用嚟指一整粒子彈(cartridge)。
現代子彈設計
[編輯]工作原理
[編輯]彈殼喺各個方向緊貼住槍膛(除咗槍管)。當撞針撞擊底火,底火嘅化合物「爆燃」(迅速燃燒而唔係爆炸)。燃燒嘅氣體透過一個窿仔點燃彈殼裏面嘅火藥。
火藥燃燒產生大量氣體。呢啲氣體產生相當大嘅壓力並且推動彈頭嘅底部。由於槍管方向嘅阻力最細,所以壓力會將彈頭推出槍管。彈頭離開槍管之後,槍膛壓力下降到同大氣壓差唔多嘅水平。已因受熱而擴張咗嘅彈殼,逐漸縮細至原來尺寸,以便將彈殼從槍膛退出。
彈殼
[編輯]目前嚟講,銅係最常用嘅材料。鋁同鐵都有,不過少好多。
彈殼依照同彈頭接合處有無向內收縮而分為「瓶頸式」(bottle neck)同「直壁式」(straight wall)。
依照尾端底板嘅形狀分為五種形式,有「縮緣式」(Rebated)、「無緣式」(Rimless)、「半凸緣式」(Semi-rimmed)、「凸緣式」(Rimmed)以及「帶式」(Belted)。所謂凸緣、無緣或者縮緣係指彈殼底板嘅直徑同彈殼直徑之間嘅關係,以縮緣式(Rebated)底板為例,底板邊緣直徑明顯細過彈殼主體直徑;無緣式(Rimless)底板邊緣直徑同彈殼主體直徑相同或極之相近,底板同彈殼主體之間有一條凹入去嘅退殼槽;半凸緣式(Semi-rimmed)底板邊緣直徑明顯大過彈殼主體直徑,不過仍然有退殼槽;凸緣式(Rimmed)底板邊緣直徑明顯大於彈殼主體直徑,而且無退殼槽;帶式(Belted)除咗有類似無緣式底板嘅底部外,退殼槽前重有一條帶狀環。
史
[編輯]基本上有槍就有彈。有關應用子彈嘅西方歷史記載可以追朔到十四、十五世紀[2][3][4][5]。當年所謂嘅「子彈」係一粒鉛彈同埋份量夠發射一次嘅黑火藥包喺紙造嘅圓筒裏面。呢種「子彈」用喺「前膛裝彈式滑膛槍」(Muzzel-loader)。裝呢尐子彈入支槍嘅時候,射手需要先咬開紙筒嘅另一端,將裏面嘅火藥由槍管倒入槍膛入面,再將粒鉛彈塞入槍管,然後用一條竿將鉛彈推到入槍膛並且壓實尐火藥,跟住將支槍嘅撞鎚拉後,再將少少火藥倒喺撞鎚會打落去嘅碟仔度。開槍嘅時候,射手拉個扳機釋放撞鎚,撞鎚上面有一粒打火石,打落碟仔上面嘅火藥,碟仔上面嘅火藥爆燃,燃燒嘅氣體由碟仔旁邊一個窿仔進入槍膛、點着裏面嘅火藥,裏面嘅火藥燃燒、產生大量氣體同壓力,將鉛彈推出槍管。如果重需要開第二槍,上面嘅裝彈同開槍程序就要重新再做一次[6][7]。
到咗約莫十八世紀,開始出現用一粒銅杯仔裝住起爆用嘅火藥,用嚟取代打火石。當撞鎚打落槍身旁邊一個有窿嘅柱體,銅杯仔裏面嘅火藥撞擊柱體而爆,燃燒嘅氣體會點着槍膛裏面嘅火藥[8]。
紙殼子彈
[編輯]![](http://upload.wikimedia.org/wikipedia/commons/thumb/3/30/Chassepot_paper_cartridge.jpg/200px-Chassepot_paper_cartridge.jpg)
之後,瑞士人Jean Samuel Pauly同法國人François Prélat喺法國巴黎製造第一粒包含彈頭、起爆藥、火藥、同彈殼嘅子彈[9]。子彈由槍膛後面裝入,並且由槍裏面一支撞針擊發[10][11] Pauly made an improved version, protected by a patent, on 29 September 1812.[9]。
金屬殼子彈
[編輯]![](http://upload.wikimedia.org/wikipedia/commons/thumb/8/84/Fusil_Gras_M80_1874_metallic_cartridge.jpg/200px-Fusil_Gras_M80_1874_metallic_cartridge.jpg)
![](http://upload.wikimedia.org/wikipedia/commons/thumb/3/34/Lebel_8mm_round.jpg/220px-Lebel_8mm_round.jpg)
![](http://upload.wikimedia.org/wikipedia/commons/thumb/9/92/Handguncalibercomparison.jpg/200px-Handguncalibercomparison.jpg)
法國人Louis-Nicolas Flobert喺1845年發明第一種邊緣底火子彈[12][13]。但呢種子彈無火藥,純粹靠底火嘅起爆藥將彈頭推出[14]。
1857年,Flobert嘅子彈衍生出.22 Short。史密夫威爾信公司設計並製造咗發射.22 Short嘅Smith and Wesson Model 1轉輪手槍[15]。
到咗1866年,美國人Hiram Berdan發明第一種中放置喺子彈底板中心嘅底火(US patent 53388),於是產生咗中心底火子彈[16]。
無殼子彈
[編輯]![](http://upload.wikimedia.org/wikipedia/commons/thumb/f/f0/4.73x33_Caseless-crop.jpg/200px-4.73x33_Caseless-crop.jpg)
1989年,德國軍火製造商Heckler & Koch為研究佢哋嘅G11突擊步槍,曾經試過研究一種4.73×33mm正方形無殼子彈,但未能取得成果[17][18]。
三角型子彈
[編輯]「Tround」( 「Triangular Round」)係一種由美國人David Dardick喺1958年設計出嚟嘅三角型子彈,用喺佢設計嘅Dardick 1100同Dardick 1500兩款手槍度[19]。
霰彈
[編輯]![](http://upload.wikimedia.org/wikipedia/commons/thumb/1/1d/Cartouche.jpg/200px-Cartouche.jpg)
霰彈係一種為咗一次過發射好多粒彈頭而造出嚟嘅子彈。霰彈嘅口徑通常講「基柱」(Gauge),1「基柱」等於一個一磅重嘅鉛球嘅直徑。常見嘅霰彈口徑係12基柱,即係等於一個1/12磅鉛球嘅直徑。少數霰彈會用英寸表示佢嘅直徑,例如.410英寸霰彈。
參考
[編輯]- ↑ Sparano, Vin T. (2000). "Cartridges". The Complete Outdoors Encyclopedia. Macmillan. p. 37. ISBN 978-0-312-26722-3.(英文)
- ↑ Greener, William Wellington (1907), "Ammunition and Accessories.–Cartridges", The Gun and Its Development, Cassell, p. 570.
- ↑ U.S. Army (September 1984), Military Explosives, Technical Manual, Department of the Army, TM 9-1300-214, p. 2-3, stating "1590. Cartridges with ball and power combined were introduced for small arms."
- ↑ U.S. Army 1984, pp. 2–3 indicates the period 1611–1632 and states the improved cartridge increased the rate of fire for the Thirty Years' War.
- ↑ Sharpe, Philip B. (1938), "The Development of the Cartridge", The Rifle in America, New York: William Morrow, pp. 29–30.
- ↑ Greener 1907, p. 570
- ↑ Sharpe 1938, p. 30
- ↑ Winant, Lewis (1959). Early Percussion Firearms. Great Britain: Herbert Jenkins Ltd. pp. 145-146. ISBN 0-600-33015-X
- ↑ 9.0 9.1 “Chemical Analysis of Firearms, Ammunition, and Gunshot Residue” by James Smyth Wallace p. 24.
- ↑ Firearms by Roger Pauly p. 94.
- ↑ A History of Firearms by W. Y. Carman p. 121.
- ↑ History of firearms 互聯網檔案館嘅歸檔,歸檔日期2015年12月22號,. (fireadvantages.com)
- ↑ How guns work 互聯網檔案館嘅歸檔,歸檔日期2015年12月22號,. (fireadvantages.com)
- ↑ Shooting section (la section de tir) of the official website (in French) of a modern indoor shooting association in Belgium, Les Arquebusier de Visé.
- ↑ Boorman, Dean (2002). The History of Smith & Wesson Firearms. The Lyons Press. p. 128. ISBN 1-58574-721-1.
- ↑ William C. Davis, Jr. Handloading (1981) National Rifle Association p.65
- ↑ 〈存档副本〉. 原著喺2009年6月3號歸檔. 喺2013年10月29號搵到.
- ↑ "HK G11". 原著喺2009年7月27號歸檔. 喺2013年10月29號搵到.
- ↑ 〈存档副本〉 (PDF). 原著 (PDF)喺2007年9月30號歸檔. 喺2013年10月29號搵到.