哈利波特:神秘的魔法石
作者 | J. K. 羅琳 |
---|---|
原著書名 | ![]() ![]() |
翻譯 | 正體:彭倩文 簡體:蘇農(曹蘇玲、馬愛農) |
插圖 | ![]() ![]() Kazu Kibuishi |
體裁 | 奇幻文學小說 |
出版 | ![]() ![]() ![]() ![]() |
頁數 | ![]() ![]() ![]() ![]() |
ISBN | 0-7475-3269-9 |
下一作 | 《哈利波特:消失的密室》 |
《哈利波特:神秘的魔法石》(Harry Potter and the Philosopher's Stone)係英國小說作家J. K. 羅琳寫嘅《哈利波特》系列第一輯小説,喺1997年6月26號發行。劇情講述一個叫哈利·波特嘅11歲小朋友,佢喺經歷發現咗自己係個小巫師嘅真實身份,同埋佢嘅魔法天賦之後,就去到霍格華茲魔法學校讀一年級。哈利喺唔同嘅朋友幫助之下,佢同殺咗自己嘅父母仲企圖東山再起嘅黑巫師佛地魔對峙。
這本小說的係羅琳嘅處女作,由布鲁姆斯伯里出版社喺1997年6月26號响倫敦出版。呢本書贏得到大部分由兒童評選嘅英國圖書獎項,以及美國嘅一啲其他獎項。佢喺1999年8月响《紐約時報》嘅暢銷小說排行榜上登頂榜首,並喺1999年同2000年期間喺嗰個榜單上保持喺高位。呢本書被翻譯成許多其他語言版本,中文正體版喺2000年6月23號出版,簡體版喺2000年9月出版。根據小說改編嘅同名電影喺2001年上映。
《哈利波特:神秘的魔法石》得到大部分嘅積極評價,佢哋讚賞羅琳嘅想像力、幽默感、簡單直白嘅風格同巧妙嘅情節設計,儘管有啲些評論認為最後一章似乎有啲倉促。呢本小說俾評論家同羅琳其中一個最鍾意嘅作家—珍·柯士甸嘅作品相比,或者同羅爾德·達爾相比,佢嘅作品喺《哈利波特系列》出現前佔據咗兒童文學領域,還同古希臘嘅說書人荷馬相比。有啲書評人認為呢本書屬於維多利亞時代同愛德華時代嘅寄宿學校故事,而另一啲人就認為佢着重於當代倫理同社會問題,由此就將呢一個文學類型放置喺現代世界。
《哈利波特:神秘的魔法石》以及嗰個系列嘅其他作品俾幾個宗教組織攻擊,佢被指責為鼓動巫術,仲喺一啲國家被禁。但一啲基督徒書評人認為呢本書突出咗重要嘅基督教觀點,包括自我犧牲嘅力量,以及人嘅品格由自己嘅選擇塑造。隨著《哈利波特:神秘的魔法石》有極高嘅流行度,教育界將佢視為提升識字率嘅重要助手。《哈利波特》系列都被用作教育技巧、社會學分析係同銷售嘅教學示例。
情節
[編輯]喺1980年7月31號出世嘅哈利·波特,佛地魔响1981年10月31號喺高錐客洞用索命咒殺咗哈利嘅父母詹姆·波特同莉莉·波特,但係佛地魔唔能夠成功殺死哈利,只係喺哈利額頭上留低一條閃電形狀嘅疤痕,而佢自己就因為咒語反彈幾乎死咗咁消失。哈利因為受到佢阿媽嘅保護而逃過一劫。
魯霸·海格依照霍格華茲魔法學校校長阿不思·鄧不利多嘅命令,將仲係嬰兒時期嘅哈利交俾哈利嘅「麻瓜」親戚—佩妮姨媽同威農姨丈去照顧。佢哋住喺薩里郡小惠因區嘅水蠟樹街四號,德思禮夫婦有一個同哈利同齡嘅獨生子—達力·德思禮,佢係一個被縱壞嘅男仔。德思禮一家對魔法同巫師極其厭惡,所以佢哋唔鍾意哈利,唔單止向哈利隱瞞佢嘅身世,扭曲佢父母嘅死因,甚至將樓梯底下又污糟又佈滿蜘蛛網嘅碗櫥俾哈利用嚟做睡房。
哈利喺11歲生日嘅一個禮拜前,佢收到由霍格華茲魔法學校寄出嘅入學通知,威農姨丈同佩妮姨媽不想俾哈利見到嗰啲信,所以用盡方法令嗰啲信消失。但係信件越來越多,仲用各種方式入到屋裡面,最後威農姨丈決定走返鄉下嚟避咗啲信。結果,海格最後都搵到佢哋,話俾哈利知道佢父母嘅情況仲將信轉交俾佢。第二日,海格帶哈利去斜角巷買齊返學用品,同時去古靈閣幫鄧不利多攞走一個神秘小包裹。哈利喺海格度得到一張從倫敦國王十字車站嘅九又四分之三月台出發去霍格華茲魔法學校嘅火車飛。
喺國王十字車站,由於海格唔喺哈利身邊,佢對點樣去九又四分之三月台覺得一頭霧水,後來哈利遇到衛斯理一家,佢哋好心話俾哈利知道入去九又四分之三月台嘅方法,哈利後來同榮恩·衛斯理做咗好朋友。在火車上面,哈利同榮恩遇到正喺度幫奈威·隆巴頓搵寵物蟾蜍嘅妙麗·格蘭傑。在入去禮堂前,哈利遇到跩哥·馬份同埋佢嘅同伴文森·克拉同埋葛果里·高爾,傲慢的跩哥邀請哈利加入佢哋但俾哈利拒絕咗,兩人就係因為咁而結怨。
喺霍格華茲學院嘅分類儀式上,分類帽認為哈利如果入去史萊哲林學院會有一番成就,但係哈利就一直默念住「唔好史萊哲林」,分類帽最後派佢去到葛來分多學院。榮恩同妙麗都派咗去葛來分多學院,後來三人變成死黨;而馬份、克拉同高爾就被派到史萊哲林。
開學之後,哈利好快就同賽佛勒斯·石內卜教授互相睇得唔順眼,喺飛行課嘅意外之後,哈利意外俾麥教授揀咗做葛來分多魁地奇球隊嘅搜捕手(100年來葛來分多學院最年輕嘅搜捕手),仲幫葛來分多學院贏咗兩場比賽。第一場比賽有人暗中施法想將哈利喺魔法掃把上跌落嚟(佢哋一致認為係石內卜做嘅好事,但真兇其實係奎若教授);而另一場係哈利破紀錄喺開場五分鐘內就捉到金探子嚟結束比賽。聖誕節嗰陣,哈利收到一件隱形斗篷同一封匿名信。
哈利、榮恩同妙麗三個一直搵緊當日令哈利出意外嘅兇手,佢哋偶然發現咗鎖喺霍格華茲三樓走廊裏面嘅一隻叫毛毛嘅三頭巨犬,妙麗估到三頭巨犬用嚟守衛一啲嘢,而哈利又知道海格喺古靈閣攞咗啲嘢出嚟,加上海格唔小心講咗尼樂·勒梅呢個名出嚟,佢哋三個就估到包裹裡面嘅嘢就係魔法石。哈利佢哋三個覺得石內卜教授好可能會去偷魔法石,哈利後來喺翡冷翠嘅口中知道佛地魔都想得到魔法石,因為魔法石可以救佢一命仲令佢長生不死。
哈利、榮恩和妙麗想阻止石內卜教授去偷魔法石,佢哋入咗去三樓走廊嘅活板門,仲通過晒層層關卡。最後,哈利自己一個入咗最後嗰間房,點知發現真正想要偷魔法石嘅竟然係奎若教授。哈利無意中攞到魔法石之後,寄居喺奎若教授體內嘅佛地魔同哈利對話,迫他交魔法石出嚟。最後喺打鬥中,奎若變成咗灰燼,而佛地魔就消失咗,而哈利因為疤痕嘅刺痛而暈低咗。鄧不利多校長去醫療室探佢嗰陣,話佢知為咗防止佛地魔再嚟偷魔法石,魔法石已經被銷毀咗。
去到學年尾聲,葛來分多學院因為哈利、榮恩同妙麗,仲有奈威的加分而贏得學院盃冠軍。喺最後一場魁地奇比賽,葛來分多球隊因為作為搜捕手哈利嘅缺席而俾雷文克勞球隊痛擊而攞唔到第一名。哈利佢哋嘅期末考試成績都唔錯,妙麗仲係一年級嘅全級第一名。最後榮恩邀請哈利同妙麗一齊去佢屋企過暑假。
發行
[編輯]《哈利波特:神秘的魔法石》一書喺1997年6月喺英國首度發行,出版社係布鲁姆斯伯里出版社,首版淨係以精裝書嘅形式推出咗500本[1]。嗰本書嘅首印版本至今已經變得彌足珍貴,甚成為賊人落手嘅目標;2018年,收藏喺英國諾福克郡嘅二手書店「SN Books」裡面嘅其中一本首印版《哈利波特:神秘的魔法石》被偷竊,嗰本小說當時價值£4萬英鎊[2][3]。
睇埋
[編輯]參考資料
[編輯]- ↑ 〈英书店一部哈利波特首版精装小说失窃 价值4万英镑〉. 中新网. 2018-01-19. 原著喺2018-10-04歸檔. 喺2018-07-03搵到.
{{cite web}}
: Unknown parameter|dead-url=
ignored (|url-status=
suggested) (help) - ↑ 廖綉玉 (2018-01-18). 〈價值逾百萬的《哈利波特:神秘的魔法石》首刷精裝本不翼而飛!英國諾福克二手書店遭竊〉. 《風傳媒》 (臺灣中文). 原著喺2020-08-09歸檔. 喺2018-07-03搵到.
{{cite news}}
: Unknown parameter|dead-url=
ignored (|url-status=
suggested) (help) - ↑ 〈價值163萬《哈利波特:神秘的魔法石》首刷書遭竊 全球僅500本〉. 《ETtoday新聞雲》 (臺灣中文). 2018-01-19. 原著喺2018-07-03歸檔. 喺2018-07-03搵到.
{{cite news}}
: Unknown parameter|dead-url=
ignored (|url-status=
suggested) (help)