到燴

三文治、點心等食物常見於現代嘅到燴場合。

到燴（英文：catering），慣寫到會，北方話叫做外燴，係設宴款客嘅一種煮餸安排，屋企請客，又用出面嘅專人到自己屋企來煮餸，食物材料由到燴服務供應者包辦，配料、味料、燉品、上湯等都係敢樣，由到燴者喺店方預備，到宴會場地架鑊，後期製作就可以上檯。家陣甚至連煮定晒一盤盤嘢食送上門，都有好多人當係到燴。臺灣嘅「辦桌」都係到燴嘅一種。

喺公共關係活動入面，到燴係常見嘅餐飲解決方案，因此講究體面，費用比較高。喺食品工業入邊，因為到燴嘅物料成本低，利潤唔薄，所以係大細餐飲業者重視嘅利潤源。到燴供應商多數係酒店、酒樓、快餐店等。