鄧不利多的軍隊

鄧不利多的軍隊全體成員合照
鄧不利多的軍隊
作者	J·K·羅琳
系列	哈利波特 魔法世界
類型	學生社團
創立年份	1995年
宗旨	- 學習實用嘅黑魔法防禦術 - 抵制霍格華茲內嘅食死人活動
地點	萬應室
重要人物	哈利·波特 妙麗·格蘭傑 榮恩·衛斯理 奈威·隆巴頓 露娜·羅古德 金妮·衛斯理
盟友	鳳凰會
對手	佛地魔 食死人 前魔法部 桃樂絲·恩不里居 督察小隊

鄧不利多的軍隊（英文：Dumbledore's Army，簡稱D.A.），係J·K·羅琳嘅小說《哈利波特》入面，由三個主角哈利·波特、榮恩·衛斯理同妙麗·格蘭傑喺《鳳凰會的密令》入面成立嘅學生社團，嚟對抗霍格華茲高級調查官桃樂絲·恩不里居，同埋學習實用嘅黑魔法防禦術。

概要

歷史

喺《鳳凰會的密令》入面，由於魔法部部長康尼留斯·夫子錯誤咁驚咗霍格華茲校長阿不思·鄧不利多準備緊組建一支學生軍隊用嚟推翻佢，所以搞到新任嘅黑魔法防禦術教授桃樂絲·恩不里居選擇喺課堂上淨係教呢門學科嘅基本原理，而唔係實際嘅應用教學。呢種純理論嘅教學方式喺學生之中普遍唔受歡迎，尤其經已係五年級嘅學生，佢哋仲一定要喺果年嘅稍後時間進行普等巫測O.W.Ls，就好似哈利·波特咁樣。哈利仲認為，就算魔法部堅決唔肯接受佛地魔已經返咗嚟嘅事實，無乜實踐經驗嘅佢哋會更容易受到佛地魔勢力嘅攻擊。因為魔法部唔俾學生實際練習咒語，咁樣就促使啲學生為咗提升自己防禦魔法嘅能力而成立一啲組織，而妙麗·格蘭傑就提議成立一個暗中學習黑魔法防禦術嘅學生組織，仲俾哈利做領導者同埋去教實用嘅黑魔法防禦術知識。

喺組織個名方面，張秋最初提議將佢叫做「防禦術聯盟Defence Association（簡稱D.A.）」做正式嘅名，不過金妮·衛斯理就提出用「鄧不利多的軍隊Dumbledore's Army（亦都係簡稱D.A.）」嚟取笑魔法部嘅偏執狂，仲表明咗佢哋組織對鄧不利多嘅忠誠，而呢個名最終選咗做正式嘅名。D.A.嘅成員大部分都係哈利嘅朋友同埋班同學，佢哋嚟自葛來分多、赫夫帕夫同埋雷文克勞學院。截至《鳳凰會的密令》尾聲果陣，果個組織嘅成員大約有29人，哈利喺葛來分多嘅同級生全部都係D.A.冊嘅成員（西莫中途加入），除咗丹尼·克利維之外，其餘都係4年級至7年級嘅學生。由於魔法部好驚鄧不利多籌組軍隊，所以當恩不里居一知道呢個組織嘅存在之後，佢取締咗所有未經批准嘅學生組織嘅成立，咁就令到D.A.成為咗非法組織。由於成為咗非法組織嘅關係，D.A.嘅會議就要喺萬應室裡面秘密咁進行，仲透過由妙麗利用假嘅加隆金幣再施魔法嚟創造嘅魔法假加隆嚟通知每個成員同埋聯絡。

當張秋嘅朋友—毛莉·邊坑將呢個組織出賣俾恩不里居（電影入面係張秋自己受到吐真劑嘅影響），由於妙麗對D.A.成員名單落咗咒，毛莉·邊坑嘅出賣因為咁就令佢被詛咒到喺塊面度生滿晒青春痘，而組織嘅活動亦都喺學期中就停咗。後來，為咗阻止哈利被踼出校同埋其他成員受到指控，鄧不利多話要為果個組織承認責任，然後喺魔法部官員想拉佢果陣時走甩咗，暫時離開咗霍格華茲。雖然D.A.喺呢啲事件之後停晒啲會，不過三個成員—金妮、奈威同露娜喺第五輯小說嘅結尾入面同哈利、榮恩同妙麗一齊參與咗神秘部門嘅戰鬥。

喺《混血王子的背叛》裡面，因為哈利、榮恩同妙麗喺出面搵緊分靈體，所以俾金妮、奈威同露娜做咗領導者嘅代理人。不過，D.A.經已唔存在呢件事令到奈威同露娜好心煩意亂。後來，哈利因為發現跩哥·馬份有啲唔尋常嘅行動，仲喺發現佢嘅陰謀就嚟得逞果陣，佢哋三個召集D.A.嘅成員嚟制止佢，但淨係得金妮、奈威同露娜即時俾到回應。當霍格華茲俾食死人入侵果陣，佢哋係喺跟住嘅戰鬥入面加入做鳳凰會嘅成員。

喺《死神的聖物》入面，哈利、榮恩同妙麗都唔喺霍格華茲，D.A.成員喺金妮、奈威同露娜嘅帶領下重新團結返起嚟，令到更多反食死人嘅學生加入，仲開始咗秘密反抗霍格華茲新任校長賽佛勒斯·石內卜嘅行動。不過，露娜喺聖誕節假期果陣俾人綁架，同埋金妮喺復活節期間嘅離開，搞到奈威作為D.A.嘅領導者呆咗幾個禮拜。奈威話俾哈利知，米高·寇那因為試吓喺監禁入面救出咗個一年級男仔而受到食死人卡羅兄妹嘅折磨。果次之後，呢班人就匿喺萬應室裡面嚟避開食死人，利用通去豬頭酒吧嘅秘密通道嚟搵嘢食。D.A.成員相信如果哈利返嚟嘅話，佢會帶領大家發起一場反對石內卜同卡羅兄妹嘅革命，但當佢喺最初話唔肯幫大家果陣，搞到好多人覺得好失望。跟住之後，哈利確實領導咗一場即興嘅反抗，但只得佢自己、露娜、麥教授、芽菜教授、孚立維教授同史拉轟教授參與其中，而哈利同露娜收拾咗卡羅兩兄妹，而啲教授（喺麥教授同哈利嘅支持下）趕走咗石內卜。喺小說嘅高潮部分，鄧不利多的軍隊同鳳凰會一齊喺霍格華茲大戰入面扮演住重要嘅角色，等哈利有足夠嘅時間去搵剩低嘅分靈體。

後續

喺舞台劇《哈利波特：被詛咒的孩子》入面，裡面創造咗一個平行時空，佛地魔喺入面嘅霍格華茲大戰裡面贏咗，佢將哈利殺死咗仲打贏咗魔法世界。榮恩同妙麗帶領住鄧不利多的軍隊嘅殘餘成員。喺呢個時空嘅現實入面，石內卜喺20年之後仲生存緊，佢仲喺霍格華茲教緊書。D.A.嘅殘餘成員喺石內卜嘅暗中幫助之下仍然對全能嘅佛地魔進行無希望嘅抵抗。最後，呢班D.A.嘅殘餘成員選擇犧牲自己嚟掩護跩哥·馬份個仔—天蠍·馬份走甩，等佢可以恢復返哈利嬴咗嘅時間線。

已知成員名單

序號	中文名	英文名	性別	年級	學院	備註
1	漢娜·艾寶	Hannah Abbott	女	5年级	赫夫帕夫	哈利嘅同屆同學，漢娜被形容有一塊「粉紅色嘅臉」，佢將一頭金色嘅頭髮梳成短辮。喺《鳳凰會的密令》入面，佢被任命做級長仲加入咗鄧不利多的軍隊。後來漢娜喺《混血王子的背叛》入面，佢喺阿媽俾食死人謀殺咗之後離開咗霍格華茲，但佢喺結局入面又返嚟參與霍格華茲大戰。成年之後嘅漢娜做咗破釜酒吧嘅老闆娘，仲同奈威·隆巴頓結婚。
2	凱蒂·貝爾	Katie Bell	女	6年级	葛來分多	凱蒂喺二年級果時以追蹤手嘅身份加入葛來分多魁地奇球隊（哈利喺一年級），佢喺六年級果時加入咗鄧不利多的軍隊。凱蒂喺《混血王子的背叛》入面因為唔小心掂到跩哥·馬份打算送俾鄧不利多嘅項鍊而受到嚴重嘅詛咒，佢仲喺聖蒙果醫院住咗數個月。喺《死神的聖物》入面，凱蒂重新加入到鄧不利多的軍隊仲參與咗霍格華茲大戰。
3	蘇珊·波恩	Susan Bones	女	5年级	赫夫帕夫	哈利果屆嘅同學，佢係魔法部官員愛蜜莉·波恩嘅侄女，仲有鳳凰會嘅已故成員艾加·波恩嘅侄女。
4	泰瑞·布特	Terry Boot	男	5年级	雷文克勞	哈利果屆嘅同學，他同室友米高·寇那係老友。
5	文妲·布朗	Lavender Brown	女	5年级	葛來分多	下面嘅部分會講到。
6	張秋	Cho Chang	女	6年级	雷文克勞	下面嘅部分會講到。
7	米高·寇那	Michael Corner	男	5年级	雷文克勞	哈利嘅同屆同學，米高同金妮·衛斯理喺聖誕舞會後相遇仲發展咗一段情感關係，但喺葛來分多喺魁地奇盃決賽入面打低咗雷文克勞之後，米高表達咗佢對賽果嘅不滿，呢段關係咁就完咗。後來，佢見到啱啱同哈利分手嘅張秋。喺《死神的聖物》入面， 米高因為喺石內卜做霍格華茲校長果陣嘗試將個一年班嘅男仔由囚禁入面解救出嚟而俾卡羅兄妹嘅折磨，搞到鄧不利多的軍隊喺哈利佢哋返嚟之前就停止運作。
8	柯林·克利維	Colin Creevey	男	4年级	葛來分多	下面嘅部分會講到。
9	丹尼·克利維	Dennis Creevey	男	2年级	葛來分多	下面嘅部分會講到。
10	毛莉·邊坑	Marietta Edgecombe	女	6年级	雷文克勞	張秋喺雷文克勞女仔朋友入面嘅咯咯傻笑骨幹隊嘅成員；毛莉嘅阿媽係喺魔法部嘅呼嚕網絡管理局做嘢。毛莉係因為嚟自張秋嘅同儕壓力之下唔情願咁加入咗鄧不利多的軍隊。當桃樂絲·恩不里居威脅到佢阿媽份工果陣，毛莉做咗恩不里居嘅線人仲背叛咗組織，佢咁樣唔係無後果：妙麗喺第一次會議上由所有成員喺豬頭酒吧簽名嘅羊皮紙上面落咗詛咒，呢個會搞到任何違反誓言嘅人塊面度會爆發「篤背脊嘅人SNEAK」字樣嘅紫色大孖瘡。毛莉並無喺《鳳凰會的密令》入面出現，佢嘅背叛由張秋喺吐真劑嘅影響下進行嘅。
11	賈斯汀·方列里	Justin Finch-Fletchley	男	5年级	赫夫帕夫	哈利同屆嘅麻瓜出身同學。賈斯汀喺《消失的密室》入面俾蛇妖暫時石化，只是喺差點沒頭嘅尼克嘅干預之下先至無死到。
12	西莫·斐尼干	Seamus Finnigan	男	5年级	葛來分多	下面嘅部分會講到。
13	安東尼·金坦	Anthony Goldstein	男	5年级	雷文克勞	哈利同屆嘅同學。喺《鳳凰會的密令》入面，安東尼同芭瑪·巴提一齊被任命做雷文克勞嘅級長，仲一齊加入咗鄧不利多的軍隊。佢喺《死神的聖物》入面係咁多個D.A.成員入面嘅一個，喺入到霍格華茲大戰之前，佢哋匿喺萬應室裡面，仲熱情咁迎接哈利返到去霍格華茲。
14	妙麗·格蘭傑	Hermione Granger	女	5年级	葛來分多	鄧不利多的軍隊嘅創始人之一，兼任副領袖。作為級長嘅妙麗諗到開設一個秘密嘅防禦術課堂嘅諗法，仲鼓勵哈利成為領導者。
15	莉娜·強生	Angelina Johnson	女	7年级	葛來分多	比哈利大兩歲嘅同學，自二年班起就一直成為葛來分多魁地奇球隊嘅追蹤手，仲喺哈利五年級果陣取代咗奧利弗·木透做魁地奇隊長。喺《死神的聖物》尾聲果陣，佢喺最後一戰果陣返到去霍格華茲。
16	李·喬丹	Lee Jordan	男	7年级	葛來分多	比哈利大兩歲嘅同學，弗雷同喬治·衛斯理嘅老死，擔任霍格華茲嘅魁地奇評述員。喺《死神的聖物》入面，李成為咗地下電台嘅臥底主播，喺一個叫做《波特觀察Potterwatch》嘅反魔法部廣播電台上面用化名「河流River」嚟做廣播，果個電台支持住哈利同鳳凰會嘅活動。李同喬治·衛斯理喺霍格華茲大戰入面成功打低咗食死人科班·牙克厲。
17	奈威·隆巴頓	Neville Longbottom	男	5年级	葛來分多	哈利同屆嘅同學，喺哈利、榮恩同妙麗喺《死神的聖物》入面缺席期間，佢作為鄧不利多的軍隊嘅領袖代理人。
18	露娜·羅古德	Luna Lovegood	女	4年级	雷文克勞	露娜係比哈利低一年級嘅同學，佢亦係金妮嘅老友。佢被形容為有一頭散落到腰嘅污糟金髮、灰色嘅眼睛，同「永遠吃驚嘅樣」。羅琳成日指露娜係「同妙麗相反」，因為妙麗「有邏輯同唔靈活」，呢個同「喺早餐前相信10件唔可能嘅事」嘅露娜有所不同。
19	阿尼·麥米蘭	Ernie Macmillan	男	5年级	赫夫帕夫	哈利同屆嘅同學，佢被形容為一個粗壯嘅男仔，個性偶爾浮誇但善意，佢係純血巫師與女巫連續九代嘅後裔。阿尼喺《消失的密室》入面最初認為哈利就係史萊哲林傳人果個學生，同埋認為佢應該對襲擊麻瓜出身嘅學生負責。不過，喺妙麗被石化之後，阿尼意識到自己嘅錯誤仲向哈利道歉。阿尼喺五年級果陣做咗赫夫帕夫嘅級長，仲加入去鄧不利多的軍隊。佢係少數公開支持哈利同鄧不利多有關佛地魔返生講法嘅其中一個霍格華茲學生。佢喺《死神的聖物》入面參與霍格華茲大戰。
20	芭瑪·巴提	Padma Patil	女	5年级	雷文克勞	下面嘅部分會講到。
21	芭蒂·巴提	Parvati Patil	女	5年级	葛來分多	下面嘅部分會講到。
22	哈利·波特	Harry Potter	男	5年级	葛來分多	創立者兼領袖。
23	迦利亞·史密	Zacharias Smith	男	5年级	赫夫帕夫	赫夫帕夫學院魁地奇球隊嘅追蹤手，佢被形容為乞人憎同令人眼火爆嘅人，仲成日對哈利有意見。佢對哈利嘅說法抱住最懷疑嘅態度但仲係加入鄧不利多的軍隊。喺《混血王子的背叛》入面，撒迦利亞喺學期中將魁地奇比賽嘅解說職責同露娜分開。鄧不利多死咗之後，佢「睇起嚟傲慢嘅」老豆喺鄧不利多葬禮前護送佢離開霍格華茲，嚟暗示佢並唔支持鄧不利多同佢嘅政策。喺《死神的聖物》入面，霍格華茲大戰之前，有人見到佢推住年幼學生去疏散點，而唔係留低同鄧不利多的軍隊成員並肩作戰。
24	艾麗西亞·史賓特	Alicia Spinnet	女	7年级	葛來分多	艾麗西亞係哈利高兩級嘅同學，葛來分多學院魁地奇球隊嘅追蹤手。佢喺最後一輯小說入面返到去霍格華茲，仲喺霍格華茲大戰入面保衛學校。
25	丁·湯瑪斯	Dean Thomas	男	5年级	葛來分多	下面嘅部分會講到。
26	弗雷·衛斯理	Fred Weasley	男	7年级	葛來分多	衛斯理家入面貪玩嘅孖仔，喬治嘅孖生兄弟，大過哈利兩歲，喺霍格華茲大戰入面陣亡。
27	喬治·衛斯理	George Weasley	男	7年级	葛來分多	衛斯理家入面貪玩嘅孖仔，弗雷嘅孖生兄弟，大過哈利兩歲。
28	金妮·衛斯理	Ginevra Weasley	女	4年级	葛來分多	金妮喺果個組織嘅第一次會議入面提議用「鄧不利多的軍隊」作為佢哋嘅名。喺《死神的聖物》入面，喺哈利、榮恩同妙麗缺席果陣，佢同奈威仲有露娜一齊成為鄧不利多的軍隊嘅領袖代理人，繼續鄧不利多的軍隊運作嘅嘢。
29	榮恩·衛斯理	Ronald Weasley	男	5年级	葛來分多	鄧不利多的軍隊嘅創始人之一。

著名成員

文妲·布朗

文妲·布朗Lavender Brown係同哈利同屆嘅葛來分多學院學生。佢嘅室友兼密友係芭蒂·巴提，佢哋兩個似乎都同西碧·崔老妮教授有相當密切嘅關係，後者喺佢各種危機入面安慰同支持住佢。喺《鳳凰會的密令》入面，雖然佢係鄧不利多的軍隊嘅創始成員之一，不過佢最初都相信魔法部對哈利嘅抹黑。文妲喺《鳳凰會的密令》入面成為咗榮恩嘅第一任女朋友幾個月，榮恩享受住等妙麗妒忌嘅機會，仲證明自己可以隨佢所願擁吻嘅人。越來越明顯嘅係，榮恩並唔係特別迷戀文妲，而係實際上覺得佢好煩。文妲開始妒忌榮恩同妙麗嘅友誼，因為佢睇見佢哋兩個一齊喺哈利嘅宿舍離開，佢就認定咗佢哋兩個一直單獨喺埋一齊，並無意識到哈利係喺佢件隱形斗篷下面，佢喺果陣時終於同榮恩分手。喺《死神的聖物》嘅霍格華茲大戰入面，文妲俾焚銳·灰背攻擊，後者俾崔老妮教授掟出嚟嘅水晶球打走咗。喺電影《哈利波特：死神的聖物2》入面將佢形容做明顯因為襲擊而死，不過佢嘅命運從來未喺小說嘅內容度明確咁說明。

張秋

張秋Cho Chang係比哈利高一屆嘅雷文克勞學院學生，亦都係雷文克勞魁地奇球隊嘅搜捕手，據講佢星座係金牛座。佢有一頭深色嘅長頭髮仲被形容做「好靚」，仲成日同一班咯咯聲傻笑Giggling嘅雷文克勞女仔朋友黐埋一堆。佢最為人所知嘅係成為咗哈利·波特嘅初戀對象。喺《火盃的考驗》入面，哈利對張秋嘅迷戀越演越烈，令佢鼓起勇氣邀請佢參加三巫鬥法大賽嘅其中一個必要活動—聖誕舞會，不過張秋道歉仲回覆佢話自己之前經已接受咗西追·迪哥里提出嘅邀請。就算係咁，張秋都依然對哈利好友善，咁樣令哈利鬆咗一口氣，而且佢唔肯戴跩哥·馬份嘅「臭波特」襟章。佢同西追維持住佢哋嘅關係，直到西追俾彼得·佩迪魯按照佛地魔嘅命令下將佢謀殺。

張秋係喺《鳳凰會的密令》入面第一批相信哈利話佛地魔返嚟嘅學生之一，仲喺妙麗招募鄧不利多的軍隊果陣加入，因為佢決心為西追嘅謀殺報仇仲同佛地魔戰鬥。喺聖誕假期前嘅最後一次D.A.會議之後，張秋喺槲寄生下面同哈利錫錫，令到榮恩覺得好笑嘅係，哈利將呢個錫錫形容做「濕嘅」，但佢跟住解釋話張秋當時正喺度喊緊。後來，哈利同張秋喺情人節約會，不過佢因為西追唔喺度而持續咁悲痛，佢又妒忌哈利同妙麗之間嘅友誼，而哈利對女仔無乜了解都造成咗呢次感情嘅悲慘經歷。佢哋兩個嘅關係喺毛莉·邊坑向恩不里居嘅背叛，將鄧不利多的軍隊曝光之後就完咗。張秋幫佢朋友嘅行為辯護，話毛莉只係犯錯咗。喺果年嘅最後一場魁地奇比賽之後，張秋開始同米高·寇那約會。

喺果但系列嘅結局入面，當張秋喺參與霍格華茲大戰之前，佢返咗去霍格華兹仲加入去匿喺萬應室嘅其他D.A.成員果陣，佢展示咗自己對霍格華茲嘅忠誠；哈利同張秋以友好的方式為咗共同嘅事業而團結起嚟，佢同哈利分享咗有關雷文克勞嘅王冕（佛地魔其中一個分靈體）嘅鮮為人知嘅信息。羅琳喺2007年10月嘅一次簽書會期間話張秋後來嫁咗俾一個麻瓜。

喺電影《鳳凰會的密令》入面，張秋喺吐真劑Veritaserum嘅影響下將鄧不利多的軍隊暴露咗俾恩不里居知道。不過喺小說入面，呢個背叛行為係由毛莉·邊坑特登咁做嘅。羅琳被批評透過張秋嘅姓名同膚淺嘅刻畫嚟延續美國社會對東亞人嘅刻板印象。

柯林同丹尼·克利維

柯林同丹尼·克利維Colin and Dennis Creevey係派咗去葛萊分多學院嘅兩個麻瓜出身兄弟，柯林同金妮·衛斯理同齡，而丹尼就細過柯林兩歲。佢哋兩個對發現自己係巫師都好高興，仲對哈利好崇拜。柯林鍾意為值得紀念嘅人、物同事影相，然後寄返去俾屋企人睇。當柯林試吓影蛇妖嘅相果陣，佢嘅相機後嚟就證明咗係佢嘅救命稻草，而相機嘅鏡頭令佢唔洗受到果種生物嘅直接同致命嘅眼神接觸，令到柯林淨係被石化咗而唔係死亡。佢哋兩個因為年紀太細嘅關係而無辦法參與霍格華茲大戰，不過柯林偷偷哋竄返去霍格華茲城堡參戰仲喺戰鬥入面陣亡，而丹尼最後就倖存咗。

西莫·斐尼干

西莫·斐尼干Seamus Finnigan係同哈利同齡嘅葛來分多學院愛爾蘭人學生，佢被形容為有一頭沙啡色嘅頭髮。佢阿媽係個女巫，而阿爸係個麻瓜仲喺結婚之後先至發現佢老婆嘅秘密。西莫最好嘅朋友係佢室友嘅丁·湯瑪斯。喺《鳳凰會的密令》中，西莫最初受到魔法部對哈利嘅抹黑行動嘅影響，佢阿媽更幾乎阻止佢返去霍格華茲。不過，佢後來意識到自己嘅錯仲向哈利道歉，更加入去鄧不利多的軍隊成為果個會嘅後期成員。西莫喺《混血王子的背叛》入面唔肯俾佢阿媽喺鄧不利多嘅葬禮前帶他返去。喺《死神的聖物》入面，據講西莫同幾個D.A.成員正匿喺萬應室裡面避難；佢塊面喺受到卡羅兄妹嘅懲罰之後傷得好犀利，搞到哈利一開始就認唔到佢，直到佢開口講嘢。喺戰鬥入面，佢同露娜仲有阿尼透過召喚佢哋各自嘅護法嚟幫哈利對抗催狂魔。當哈利保護佢同漢娜·艾寶唔好受到佛地魔詛咒果陣，佢最後一次俾人見到佢入去交誼廳參與最後階段嘅戰鬥。

斐尼干係能夠出現喺成個系列所有八套戲入面嘅幾個角色之一。一個反覆出現嘅主題係佢有著施展魔法搞到啲嘢爆炸嘅傾向，呢一點都得到咗麥教授嘅認可，佢仲要求斐尼干喺霍格華茲大戰果陣盡情咁發揮自己嘅才能，將霍格華茲嘅一座連接橋炸毀。

芭蒂同芭瑪·巴堤

芭蒂·巴堤Parvati Patil係同哈利同齡嘅葛來分多學院學生，而佢嘅孖生姊妹芭瑪·巴堤Padma Patil就係雷文克勞學院嘅學生。芭蒂同文妲·布朗係密友嘅關係；佢哋特別鍾意西碧·崔老妮教授嘅占卜學課堂，仲有好多共同興趣。哈利同榮恩喺《火盃的考驗》裡面需要聖誕舞會嘅舞伴果陣，芭蒂同芭瑪分別接受咗哈利同榮恩提出嘅邀請。不過，果晚令佢哋覺得失望，因為哈利成晚都好妒忌咁望實張秋同西追·迪哥里嘅約會而不屑同芭蒂一齊跳舞，而榮恩成晚都喺度妒忌妙麗同維克多·喀浪Viktor Krum嘅約會，佢哋兩個都對呢個約會完全無興趣。最終搞到芭蒂賴低咗哈利，仲同波巴洞嘅一個男仔跳舞，而芭瑪就俾另一個男仔邀請跳舞。後來，芭蒂喺活米村遇返喺舞會嘅果個男仔。

喺《鳳凰會的密令》入面，五年級嘅芭蒂同佢嘅孖生姊妹—成為咗了雷文克勞級長嘅芭瑪一齊加入咗鄧不利多的軍隊。喺《混血王子的背叛》嘅結尾鄧不利多死咗果排，佢哋兩姊妹幾乎俾父母喺霍格華茲帶走，仲最終喺鄧不利多死咗之後返屋企。不過，巴提兩姊妹喺《死神的聖物》裡面—佢哋七年級果陣返到霍格華茲，仲參與霍格華茲大戰。

喺哈利波特系列電影入面，芭蒂係葛來分多學院嘅人，而芭瑪就係雷文克勞學院嘅學生。巴提（Patil）呢個姓氏同佢哋嘅外貌都暗示佢哋都是有印度血統嘅後裔。巴提係印度馬哈拉施特拉邦嘅一個常見馬拉提語姓氏。芭蒂個名嘅意思係「山嘅女兒」，果個係源自印度教女神—生育女神之稱嘅帕爾瓦蒂；而芭瑪係梵文詞語入面係蓮花嘅意思，果個係印度教女神—繁榮女神—拉克什米嘅第二個叫法。佢哋兩個喺埋一齊就構成咗印度教女神三位一體嘅一部分。

丁·湯瑪斯

丁·湯瑪斯Dean Thomas係同哈利同齡嘅葛來分多學院學生，亦都係西莫·斐尼干嘅老死。佢係混血嘅學生—佢老豆係純血巫師，而阿媽係麻瓜，不過佢對自己嘅血統保密。丁嘅老豆喺佢仲係好細果陣就離開咗佢屋企人嚟到去保護佢哋唔好受食死人嘅傷害，仲因為唔肯加入佢哋果陣被殺。丁跟住之後由母親同繼父湊大，佢仲有幾個同父異母嘅細佬妹。丁最初更鍾意足球而唔係魁地奇，佢宿舍裡面有一張韋斯咸足球會嘅海報。丁喺《神秘的魔法石》嘅原稿入面叫做「加里Gary」。羅琳喺編輯要求減少章節長度之後，佢喺英國版嘅小說入面省略咗對佢身體嘅描述（例如「一個比榮恩高嘅黑人男仔」），但係佢只係收錄喺美國版入面。丁·湯瑪斯嘅背景故事最初喺《消失的密室》裡面進行擴展，但由於無辦法將佢融入去故事情節，所以羅琳最後就將佢刪走咗。

丁喺《鳳凰會的密令》裡面加入咗鄧不利多的軍隊，仲當哈利同鄧不利多堅持話佛地魔經已返咗嚟果陣，佢都信佢哋兩個所講嘅嘢；不過當哈利同西莫就住《預言家日報》關於哈利作呢個故仔嘅指控而嘈得好勁果陣，丁唔肯偏袒任何一邊。喺果個學期完果陣，佢開始見到金妮·衛斯理，佢哋兩個仲喺《混血王子的背叛》入面約會，但金妮覺得丁成日喺度咄咄逼人同埋過份保護，咁樣搞到佢哋鬧交嚟結束佢哋兩個嘅關係。後來佢喺凱蒂·貝爾住院果陣臨時填補咗貝爾喺葛來分多魁地奇球隊嘅空缺。丁嘅角色喺《死神的聖物》入面得到擴展，由於丁證明唔到自己實際上係個混血巫師，所以佢並無返到去霍格華茲，而係繼續逃離魔法部，因為佢哋正按照佛地魔嘅命令圍捕麻瓜出身者。哈利、榮恩同妙麗喺執行任務果陣第一次遇到佢，佢哋三個偷聽到佢同其他逃亡者泰德·東施Ted Tonks、德克·柯斯維Dirk Cresswell嘅對話，仲有精靈拉環Griphook同埋果納Gornuk。死拿錢Snatchers好快就對呢班人惡毒咁作出襲擊。丁同埋拉環係唯一嘅倖存者，佢同哈利、榮恩仲有妙麗一齊被捉到仲被帶去馬份莊園。佢哋都俾多比救咗，仲送咗去比爾同花兒位於貝殼居嘅屋企尋求保護。喺小說嘅結尾入面，丁返到霍格華茲仲參與霍格華茲之戰，同芭蒂·巴提一齊對抗安東寧·杜魯哈。

迴響同意義

呢個小組已經被分析做一個轉喻，仲作為學生行動主義同鼓舞人心嘅教育實踐嘅一個虛構例子。

現實世界嘅影響

鄧不利多的軍隊嘅目標啟發咗作為《哈利波特》粉絲嘅演員兼喜劇演員安德魯·史萊克Andrew Slack，佢創建咗一個叫做「哈利波特聯盟Harry Potter Alliance」嘅組織，嚟突出蘇丹嘅危機同社會唔平等。喺一次訪問入面，史萊克將哈利同鄧不利多的軍隊嚟同達爾富爾做比較，佢話：「魔法部同巫師世界的主流新聞來源嘅《預言家日報》都否認佛地魔經已返咗嚟仲捲土重來，邪惡仲喺度醞釀緊，哈利同佢嘅地下反抗組織鄧不利多的軍隊同成年人組織鳳凰會合作，嚟喚醒世界進入和平嘅時代。」