太歲

太歲，又叫歲陰，虛星之一，後為神祗，如帝王一樣，統領四時。

太歲緣起歲星，歲星即係木星。古人觀天定時，歲星約莫十二歲行黃道一週，是為一辰。歲同年相近，而一歲為日行黃道一週。如冬至到冬至。歲星在黃道十二方位，就代表一歲，十二歲一週。之不過歲星實情行快少少，行快千分之廿二，唔夠十二。八十六年多之後，就會超一次，是為超辰。後漢書寫一百四十四年，寫多咗。

隨住算法推步，日益進步，又有咁問題，就虛構一星，叫太歲。太歲行十二歲，無多無少。

太歲既然咁重要，以後所有曆都會跟住佢。曆年起首一定有太歲在某干支，而某干支就係年干支。古人信日月星辰都有靈，久而久之，就附會成神話，道教亦發揚光大。太歲有如帝王，平民百姓受唔起，要迴避，最後變成禁忌，有犯太歲之說。後來太歲，六十甲子、六十歲、六十神祗，個個有名有姓。

太歲所在有十二次，有特別嘅名，《爾雅》《史記》都有寫，用字稍稍唔同。後尾從簡，都用晒干支。

參考