王

王係一國阿頭，多數係世襲。以前做王多數係男人，所以突顯女人做王嘅話，就加個女字，叫女王。王係第二大名銜，響皇帝之下。有時王嘅國，就叫王國。王管嘅國可大可小，有啲只係管一兩千人。

唔同地方嘅王，都有代表王權嘅標誌。西洋就中意戴王冠，中土就中意着龍袍。

王係男嘅話，佢老婆就叫王后。相反係女嘅話，丈夫就叫王夫。仔女唔同時代有唔同叫法，家下仔嘅王子或者太子，女嘅叫公主。